Езекиль 11:20 - Коми Библия 2023

²⁰ медым найӧ оласны да ставсӧ вӧчасны Менам индӧд-тшӧктӧмъяс серти. Сэки найӧ лоасны Менам войтырӧн, а Ме лоа налӧн Енмӧн.

Езекиль 11:20 Referans Kwoze

Езекиль 14:11

медым Израиль войтыр сэсся эз нин кеж Меысь да эз нин пежав асьсӧ лёк вӧчӧмнас, но вӧлі Менам войтырӧн, а Ме – сылӧн Енмӧн, – висьталӧ Господь Ыджыдыс».

Псалтыр 105:45

Сійӧ эз вунӧд накӧд кӧрталӧм йитӧдсӧ, ыджыд буралӧмыс кузя Сійӧ бурсьӧлӧмтчис на дінӧ,

Еремей 30:22

Ті лоанныд Менам войтырӧн, а Ме – тіян Енмӧн.

Лука 1:6

Найӧ кыкнанныс олісны Ен водзын веськыда, ставсӧ вӧчисны Господьлӧн тшӧктӧм серти.

Еремей 31:33

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

Еврейяслы 11:16

Но найӧ кӧсйисны овмӧдчыны бурджык муӧ – енэжӧ. Та вӧсна Енмыс оз яндысь шуны Асьсӧ налӧн Енмӧн, ӧд Сійӧ дасьтіс налы кар.

Еврейяслы 8:10

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

1 Коринфӧ 11:2

Вокъяс, ошка тіянӧс, ӧд ті нинӧм абу вунӧдӧмныд менам висьтавлӧмысь. Ті ставсӧ вӧчанныд менам велӧдӧм серти.

Закар 13:9

Тайӧ коймӧд юкӧнсӧ Ме нуӧда би пыр, сывда эзысьӧс моз, весала зарниӧс моз. Найӧ шыасясны Ме дінӧ, и Ме вочавидза налы. Шуа: «Ті – Менам войтыр», а найӧ воча шуасны: «Господь – миян Ен!»

Осий 2:23

Ме кӧдза Ассьым войтырӧс тайӧ муас, бурсьӧлӧмтча Ло-Рухама дінӧ, Ло-Аммилы шуа: «Тэ – Менам войтырӧй», а сійӧ шуас: «Менам Енмӧй!»

Езекиль 37:27

Сійӧ лоӧ Менам оланінӧн на пӧвстын. Ме лоа налӧн Енмӧн, а найӧ лоӧны Менам войтырӧн.

Езекиль 11:12

Сэки ті тӧдмаланныд, мый Ме – Господь. Ті ӧд энӧ олӧй Менам индӧд-тшӧктӧмъяс серти, а олінныд тіян гӧгӧр олысь войтыръяслӧн индӧдъяс серти».

Еремей 32:38

Найӧ лоӧны Менам войтырӧн, а Ме – налӧн Енмӧн.

Еремей 24:7

Ме сета налы сэтшӧм сьӧлӧм, мый найӧ тӧдмаласны Менӧ, тӧдмаласны, мый Ме – Господь. Найӧ лоӧны Менам войтырӧн, а Ме – налӧн Енмӧн, ӧд найӧ бергӧдчасны Ме дінӧ став сьӧлӧмсяньныс.

Еремей 11:4

Тайӧ тшӧктӧмъяссӧ Ме сеті тіян батьяслы, кор петкӧді найӧс Египетысь, кӧрт сывдан пачысь. Ме тшӧкті налы кывзыны Менӧ да ставсӧ вӧчны Менам тшӧктӧм серти, медым найӧ вӧліны Менам войтырӧн, а Ме – налӧн Енмӧн.

Псалтыр 119:1

Аслам шог дырйи ме шыася Господь дінӧ, и Сійӧ вочавидзас меным.

Шусьӧгъяс 9:6

Ветлӧй мывкыдлуныслӧн туйӧд, кольӧй мывкыдтӧм оласногнытӧ, медым овны».

Езекиль 43:11

Налы кӧ збыльысь яндзим лоӧ, сэки тӧдмӧд найӧс крам балаӧн да тэчасногӧн, пыран-петанінъясӧн да крам йылысь индӧд-тшӧктӧмъясӧн. Гиж налы ставсӧ, медым найӧ оласны став индӧд-тшӧктӧмыс серти.

Закар 8:8

овмӧда найӧс Ерусалимӧ. Найӧ лоӧны Менам войтырӧн, а Ме лоа налӧн Енмӧн – эскана да веськыда вӧчысь Енмӧн.

Олӧм 17:8

Тэныд да тэсянь чужысьяслы Ме сета тайӧ мусӧ, кӧні тэ ӧні локтысь морт моз олан. Ханаан мусӧ ставнас сета тэсянь чужысьяслы нэмъяс кежлӧ да лоа налӧн Енмӧн».

Индӧд 30:6

Господь, тіян Енныд, вундыштас тіянлысь да тіянсянь чужысьяслысь сьӧлӧмсӧ, медым ті радейтінныд Господьӧс, ассьыныд Ентӧ, став сьӧлӧмнад да став олӧмнад. Сэки ті кутанныд овны,

Еремей 24:5

«Господь, Израильлӧн Ен, тадзи висьталӧ: тайӧ бур инжир вотӧссӧ моз Ме шогманаӧн лыддя Иуда муысь пленӧ босьтӧмаясӧс, кодъясӧс Ме вӧтлі тайӧ мусьыс Калдея муӧ.

Еремей 32:39

Ме сета налы ӧти кӧсйӧм да ӧти туй, медым став олӧм чӧжныс найӧ вежавидзӧмӧн полісны Меысь, ӧд тайӧ лоӧ налы да налӧн челядьлы бур вылӧ.

Езекиль 37:23

Найӧ оз нин кутны асьнысӧ пежавны идолъясӧн, зывӧкторъясӧн да быдсяма лёк вӧчӧмӧн. Ме мезда найӧс мыжъяссьыныс да сӧстӧммӧда найӧс. Найӧ лоӧны Менам войтырӧн, а Ме – налӧн Енмӧн.