Езекиль 1:16 - Коми Библия 2023

¹⁶ Тайӧ нёльнан гӧгыльыс вӧліны ӧткодьӧсь. Найӧ вӧліны хризолитысь вӧчӧмтор кодьӧсь да сы моз югъялісны. Быд гӧгыль пытшкын вӧлі нӧшта гӧгыль.

Езекиль 1:16 Referans Kwoze

Даниил 10:6

Сылӧн вир-яйыс вӧлі хризолит из кодь, чужӧмыс – чардби кодь, синмыс – би кодь, киыс да кокыс югъялісны весалӧм ыргӧн моз, гӧлӧс шыыс вӧлі уна лыда йӧзлӧн шы кодь.

Ефесӧ 3:10

медым вичкоыс пыр ӧні петкӧдлыны енэжвывса ыджыдалысь-веськӧдлысьяслы Ассьыс уна ногӧн петкӧдчысь мывкыдлунсӧ.

Римӧ 11:33

Енлӧн озырлуныс пыдӧстӧм, Сылӧн мывкыдлуныс да тӧдӧмлуныс шымыртны вермытӧм. Сылӧн мыждана кывъясыс вежӧрӧ тӧрӧдтӧмӧсь, Сылысь туйяссӧ он вермы туявны!

Псалтыр 40:5

Ме шуи: «Господьӧй, ме мыж вӧчи Тэныд паныд. Ло бур сьӧлӧма ме дінӧ, бурдӧд менӧ!»

Псалтыр 36:6

Тэнсьыд мыжтӧмлунтӧ Сійӧ петкӧдас югыдас, тэнад веськыдлуныд кутас дзирдавны луншӧрся шонді моз.

Иов 9:10

Сылӧн уджъясыс ыджыдӧсь, вежӧрӧ тӧрӧдтӧмӧсь, Сылӧн шензьӧданаторъяслы лыдыс абу.

Петӧм 39:13

нёльӧд визяс – хризолит, оникс да яшма изъяс. Став изсӧ вӧлі доргӧгӧралӧма зарниӧн.

Сьылан 5:14

Сылӧн киыс зарни шы кодь, мичмӧдӧма дона изъясӧн. Сылӧн кынӧмыс слӧн лыысь, вевттьӧма сапфир изъясӧн.

Ӧксыяслӧн 3 небӧг 7:33

Гӧгыльясыс вӧліны тарантас гӧгыль кодьӧсь. Гӧгыль чӧрссӧ, кытшсӧ, тассӧ да трубичасӧ – ставсӧ вӧлі сывдӧма ыргӧнысь.

Даниил 7:9

Сэсся ме аддзи сувтӧдӧм юралан пуклӧсъяс, и важысянь Олысь пуксис. Сылӧн паськӧмыс вӧлі лым кодь еджыд, юрсиыс – еджыд вурун кодь. Сылӧн юралан пуклӧсыс вӧлі ыпъялысь би кодь, пуклӧс гӧгыльясыс вӧліны яра сотчысь би кодьӧсь.