Ездра 9:9 - Коми Библия 2023

⁹ Ми – кесйӧг туйынӧсь, но миян Енным эз коль миянӧс. Сійӧ бергӧдіс миянлань персияса ӧксыяслысь сьӧлӧмнысӧ, медым найӧ лэдзисны миянлы сувтны кок йыланым, лэптыны миян Енлысь крамсӧ да повтӧг овны Иуда муын да Ерусалимын.

Ездра 9:9 Referans Kwoze

Ездра 7:6

Ездра локтіс Вавилонысь. Сійӧ вӧлі велӧдчӧм морт, бура тӧдіс Мӧисейлысь Индӧдсӧ, мый вӧлі сетӧма Господь, Израильлӧн Ен. Ӧксы сетіс Ездралы ставсӧ, мый сійӧ корис, ӧд Ездракӧд вӧлі Господь, сылӧн Енмыс.

Закар 2:5

Ме лоа сы гӧгӧр биа стенмӧн, – висьталӧ Господь. – Лоа сы пытшкын дзирдлунӧн».

Аггей 1:9

– Ті виччысянныд уна, а чукӧртанныд этша. Мый ваянныд гортаныд – сійӧс Ме шердъя. Мыйла тадзи артмӧ? – висьталӧ Господь Саваоф. – Сы вӧсна, мый Менсьым крамӧс пазӧдӧма, а ті асланыд керкаяс вӧсна тӧждысянныд.

Даниил 9:25

Тӧд да гӧгӧрво, мый сійӧ кадсяньыс, кор петас тшӧктӧм выльысь сувтӧдны Ерусалим кар, да сійӧ кадӧдзыс, кор локтас мавтыштӧм Ӧксы, коляс сизимысь сизим во да квайтымын кыкысь сизим во. Сьӧкыд кадӧ Ерусалим карсӧ лоӧ выльысь кыпӧдӧма, изэрдъяссӧ да стенъяссӧ лоӧ выльысь вӧчӧма.

Езекиль 11:16

Та вӧсна шу, мый Господь Ыджыдыс тадзи висьталӧ: Ме вӧтлі найӧс мӧд муясӧ мукӧд войтыръяс пӧвстӧ, но сэні Ме Ачым лои налы вежаинӧн.

Исай 5:5

Ӧні Ме висьтала тіянлы, мый вӧча Аслам виноград йӧркӧд. Ме кисьта сылысь потшӧссӧ, и сійӧс куштасны. Ме жугӧда сылысь стенъяссӧ, и сійӧс таляласны.

Исай 5:2

Сійӧ потшис йӧрсӧ, весаліс мусӧ изъясысь да пуктіс сэтчӧ медбур виноград пуяс. Йӧр шӧрас лэптіс башня, вӧчис виноград пычкан гу да кутіс виччысьны вотӧс кисьмӧмсӧ. Но чӧскыд вотӧс пыдди воис курыд вотӧс.

Ездра 7:8

Найӧ воисны Ерусалимӧ ӧксылӧн сизимӧд веськӧдлан воӧ витӧд тӧлысьнас.

Ездра 9:10

Мый ми вермам та бӧрын шуны Тэныд, Енмӧй? Ми ӧд эновтім Тэнсьыд тшӧктӧмъястӧ,

Псалтыр 138:7

Кытчӧ ме муна Тэнад Лов дінысь, кытчӧ пышъя Тэнад чужӧмбан водзысь?

Исай 14:3

Господь мездас тэнӧ сьӧкыдалӧмысь, полӧмысь да сьӧкыд нартитана уджысь. Сійӧ лунӧ

Ездра 2:68

Кор рӧдкутысьяс локтісны Ерусалимӧ Господьлӧн жугӧдӧм крам дорӧ, на пиысь унаӧн ас кӧсйӧм сертиныс сетісны козинъяс, медым Енлысь керкасӧ лэптыны важ подув вылас.

Неемий 2:17

Ме шуи налы: «Ті аддзанныд, мый миянӧс суис: Ерусалим карнымӧс кисьтӧма, сылысь дзиръяяссӧ сотӧма. Выльысь лэптам карлысь стенъяссӧ, вештам ас вылысь янӧдӧмсӧ».

Неемий 9:17

Найӧ эз кӧсйыны кывзысьны, вунӧдісны на пӧвстын вӧчӧм шензьӧданаторъястӧ. Найӧ асныралісны да индісны веськӧдлысьӧс, пыксисны да кӧсйисны бӧр бергӧдчыны нартитӧм улӧ. Но Тэ – прӧститысь Ен, Тэ бур да мелі сьӧлӧма, Тэнад терпитӧмыд ыджыд, Тэнад буралӧмлы абу помыс, Тэ эн эновт найӧс.

Исай 61:4

Найӧ выльысь кыпӧдасны важӧн пазӧдӧм каръяс, овтӧм каръяс пыдди найӧ кыпӧдасны выльясӧс, выльысь лэптасны киссьӧм каръяс, кӧні важӧн нин некод оз ов.