Ездра 9:7 - Коми Библия 2023

⁷ Батьяслӧн кадсянь и ӧнӧдз миян вылын куйлӧ ыджыд мыж. Асланым мыжъяс вӧсна ми асьным, миян ӧксыяс и попъяс шедім мукӧд войтырлӧн ӧксыяс киӧ да шыпурт улӧ. Найӧ нуӧдісны миянӧс пленӧ, мырддялісны эмбурнымӧс да янӧдісны миянӧс. Тадзи найӧ вӧчӧны весиг талун.

Ездра 9:7 Referans Kwoze

2 Каднебӧг 29:6

Миян батьяс мыж вӧчисны, вӧчисны Господь Енным водзын шогмытӧмсӧ. Найӧ эновтісны Господьӧс, бергӧдчисны Сылӧн оланінлы мышкӧн.

Бӧрданкыв 5:7

Батьясным вӧчисны мыж. Найӧ абуӧсь нин, а налӧн мыж вӧсна ми нуам мыждӧмсӧ.

Еремей 44:22

Господь эз нин вермы терпитны тіянлысь лёк да зывӧк вӧчӧмнытӧ. Та вӧсна тіян муныд лои овтӧминӧн да повзьӧдчанторйӧн, сійӧс ёрӧма, и ӧні олысьыс сэні абу.

Еремей 25:18

Ме юктӧді Ерусалимын да Иуда каръясын олысьясӧс, иудаса ӧксыясӧс да юралысьясӧс, медым вӧчны налысь каръяссӧ из чукӧрӧн да повзьӧдчанторйӧн, сетны найӧс ёрны-омӧльтны. Ставыс ӧніӧдз тадзи.

Неемий 9:30

Уна во чӧж Тэ виччысин, Аслад Ловсянь Тэ ӧлӧдлін найӧс пророкъяс пыр, но найӧ эз кывзыны. Сэки Тэ сетін найӧс мукӧд войтыръяслӧн киӧ.

2 Каднебӧг 30:7

Энӧ лоӧй асланыд батьяс кодьӧсь да асланыд войтыр кодьӧсь, кодъяс мыж вӧчисны Господьлы паныд, асланыс батьяслӧн Енлы паныд. Та вӧсна Енмыс сетіс найӧс бырӧдӧм вылӧ, ті асьныд тӧданныд тайӧс.

Ӧксыяслӧн 1 небӧг 12:15

Онӧ кӧ кутӧй кывзыны Господьӧс, а Сылы паныд кыпӧдчанныд, сэки Господь лэптас Ассьыс кисӧ тіянлы паныд, кыдзи лэптіс кисӧ батьясныдлы паныд.

Лыд 32:14

И ӧні ті, мыж вӧчысьяслӧн йылӧм, батьясныд моз кыпӧдчинныд паныд, медым Господьлӧн скӧрлуныс ёнджыка на ыпнитіс Израиль вылӧ!

Ӧксыяслӧн 3 небӧг 8:47

и сэні кӧ найӧ сьӧлӧмсяньныс бергӧдчасны да Тэ водзын кевмысьӧмӧн висьтасясны, ми пӧ мыжмим, лёксӧ да мыжсӧ вӧчим,

Ездра 9:13

Ми ёна сьӧкыдалім лёк уджъясным да ыджыд мыжным вӧсна. Но Тэ, миян Енмӧй, чорыда мыждӧм пыдди бурсьӧлӧмтчин миян дінӧ да мездін тайӧ коляс войтырсӧ.

Еремей 3:25

Яналӧмӧн уськӧдчамӧй муас, юръяндзим мед вевттяс миянӧс, ӧд томдырсянь да ӧніӧдз ми да миян батьясным мыж вӧчим асланым Господь Енлы паныд. Ми эгӧ кывзӧй Господьӧс, ассьыным Енмӧс.

Еремей 32:23

Найӧ локтісны да босьтісны тайӧ мусӧ, но найӧ эз кывзысьны Тэнсьыд, эз овны Тэнад Индӧдыд серти. Найӧ эз вӧчны сійӧ, мый Тэ тшӧктін вӧчны налы, та вӧсна Тэ мӧдӧдін налы став тайӧ шогсӧ.

Еремей 32:32

став лёк вӧчӧмсьыныс, мый вӧчисны Израиль войтыр, Иуда войтыр, налӧн ӧксыясныс, юралысьясныс, попъясныс, пророкъясныс, Иуда муын да Ерусалим карын олысьяс.

2 Каднебӧг 34:24

мый Господь тадзи висьталӧ: Ме ыста ыджыд шог тайӧ карыс да сэні олысьяс вылӧ. Ме олӧмӧ пӧрта став ёрӧмсӧ, мый гижӧма сійӧ небӧгас, кодӧс ті лыддинныд иудаса ӧксылы.

Исай 64:4

Му пуксьӧмсяньыс на некод эз тӧдлы, эз кывлы пель, эз аддзывлы син, мый Тэ кындзи эм кутшӧмкӧ мӧд ен, коді эськӧ та мында вӧчис сы вылӧ лача кутысьлы.

Еремей 44:9

Ті ӧмӧй вунӧдінныд ассьыныд лёк вӧчӧмнытӧ, батьясныдлысь, иудаса ӧксыяслысь, налӧн да асланыд гӧтыръяслысь лёк вӧчӧмнысӧ – ставсӧ, мый вӧлі вӧчӧма Иуда муын да ерусалимса уличьяс вылын?

Езекиль 11:9

Ме вӧтла тіянӧс тайӧ карсьыс да сета тіянӧс йӧз муысь локтысьяс киӧ. Ме мыжда тіянӧс,

Езекиль 39:23

Войтыръяс тӧдмаласны, мый Израиль войтырӧс вӧлі нуӧдӧма пленӧ асланыс мыж вӧсна – сыысь, мый эновтісны Менӧ. Та вӧсна Ме дзеби наысь Ассьым чужӧмбанӧс да сеті найӧс вӧрӧг киӧ, и найӧ ставныс кулісны шыпурт помысь.