Ездра 9:6 - Коми Библия 2023

⁶ Ме шуи: «Енмӧй, меным сэтшӧм яндзим, весиг пола лэптыны синмӧс Тэлань, ӧд лёк вӧчӧмным содӧма-быдмӧма юрысь вылӧджык на, ыджыд мыжным кыптӧма енэжӧдзыс.

Ездра 9:6 Referans Kwoze

Восьтӧм 18:5

Ӧд сылӧн мыжъясыс кыптӧны енэжӧдзыс, и Енмыс оз вунӧд сылысь лёк вӧчӧмсӧ.

Псалтыр 38:4

Менам сьӧлӧмӧй пондіс сотчыны, мӧвпъясӧй кутісны ыпъявны, сэки ме понді сёрнитны.

2 Каднебӧг 28:9

Самарияын оліс Господьлӧн Одед нима пророк. Сійӧ воча петіс Самарияӧ локтысь тышкайӧзлы да шуис налы: «Господь, тіян батьяслӧн Ен, скӧрмис Иуда войтыр вылӧ да сетіс найӧс тіян киӧ. Ті виалінныд найӧс сэтшӧм скӧрлунӧн, мый тайӧ воис весиг енэжӧдзыс.

Лука 15:21

Пиыс шуас: ”Батьӧй, ме мыжа енэжыс водзын да тэ водзын. Ме ог шогмы шусьыны тэнад пиӧн”.

Иов 42:6

Та вӧсна шуӧм кывъясӧс ме бӧр босьта, бус да пӧим пытшкын пукалӧмӧн каитча.

Ездра 9:15

Господьӧй, Израильлӧн Енмӧй, Тэ веськыд Ен! Талун ми, войтырлӧн колясыс, асланым мыжъясӧн сулалам Тэ водзын. Дерт, татшӧмтор бӧрын ми огӧ шогмӧй локны Тэнад чужӧмбан водзӧ».

Римӧ 6:21

Кутшӧм вотӧс ті сэки чукӧртінныд? Ӧні сыысь весиг аслыныд яндзим, ӧд сійӧ вайӧ кулӧм.

Езекиль 16:63

Тэ уськӧдан тӧд вылад уджъястӧ, и тэныд лоӧ яндзим. Тэ весиг вомтӧ он восьт, кор Ме вешта став мыжтӧ, мый тэ вӧчин, – висьталӧ Господь Ыджыдыс».

Еремей 31:19

Ме гӧгӧрвои, мый вӧчи, и вачки ачымӧс морӧсам, ме бӧр бергӧдчи и каитчи. Менӧ янӧдісны-увтыртісны, томдырсянь ме нуа яналӧмӧс».

Еремей 8:12

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Еремей 6:15

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Еремей 3:3

Та вӧсна зэрыс эз вӧв, эз киссьы тувсовъя зэр. Тэнад чужӧмыд кырсалысь аньлӧн кодь, тэ воштӧмыд яндзимтӧ.

Исай 59:12

Ӧд ми Тэныд паныд уна лёк вӧчим, миян мыжъясным мыждӧны миянӧс, лёк вӧчӧмъясным век миянкӧд, ми тӧдам ассьыным мыжъяснымӧс.

Исай 1:18

Локтӧй да сёрнитчам, – висьталӧ Господь. Тіян мыжъясныд кӧ пемыдгӧрд рӧмаӧсь, найӧ лоӧны лым кодь еджыдӧсь. Мыжъясныд кӧ чим гӧрд рӧмаӧсь, найӧ лоӧны еджыд вурун кодьӧсь.

Иов 40:4

Тэнад ӧмӧй Енлӧн кодь выныд, тэ ӧмӧй верман Сы моз гымыштны?

Ездра 9:13

Ми ёна сьӧкыдалім лёк уджъясным да ыджыд мыжным вӧсна. Но Тэ, миян Енмӧй, чорыда мыждӧм пыдди бурсьӧлӧмтчин миян дінӧ да мездін тайӧ коляс войтырсӧ.

Олӧм 13:13

Содомын олысьяс вӧліны зэв лёкӧсь, найӧ уна мыж вӧчисны Господьлы паныд.

Лука 18:13

А вот перйысь сулаліс бокын да весиг синсӧ эз лысьт лэптывны енэжланьыс, сӧмын морӧсас кучкалӧмӧн шуаліс: ”Енмӧй, ло бур сьӧлӧма ме дінӧ, мыжа морт дінӧ!”

Ӧксыяслӧн 3 небӧг 8:47

и сэні кӧ найӧ сьӧлӧмсяньныс бергӧдчасны да Тэ водзын кевмысьӧмӧн висьтасясны, ми пӧ мыжмим, лёксӧ да мыжсӧ вӧчим,

Еремей 51:9

– Ми зілим бурдӧдны Вавилонӧс, но сійӧ эз бурд. Эновтӧй сійӧс! Быдӧн мунамӧй асланым муӧ, ӧд Вавилонӧс мыждӧмыс сэтшӧм ыджыд, мый воис енэжӧдз, кыпӧдчис кымӧръясӧдз.

Петӧм 32:31

Мӧисей бӧр локтіс Господь дінӧ да шуис: «[Господьӧй,] тайӧ войтырыс ыджыд мыж вӧчис. Найӧ зарниысь вӧчисны аслыныс енмӧс.

Левит 26:40

Но найӧ висьтасясны асланыс да батьясныслӧн мыжысь, Меным паныд сувтӧмысь да Менӧ эновтӧмысь,

Неемий 1:6

Видзӧдлы да веськӧд пельтӧ, медым кывны Аслад кесйӧглысь кевмӧмсӧ. Лун и вой ме кевмыся Тэ водзын Израиль войтыр вӧсна, Тэнад кесйӧгъяс вӧсна. Ме висьтася Израильлӧн мыжъясысь, кодъясӧс ми вӧчим Тэныд паныд. Ми ставным, тшӧтш ме да менам рӧдвужӧй, мыжаӧсь Тэ водзын.

Псалтыр 38:5

Господьӧй, висьтав меным олӧм помӧс, висьтав олан лунъяслысь лыдсӧ, мед ме тӧді ассьым нэмӧс.

Бӧрданкыв 3:42

Ми мыж вӧчим, Тэныд паныд кыпӧдчим, и Тэ миянӧс эн прӧстит.