Ездра 9:15 - Коми Библия 2023

¹⁵ Господьӧй, Израильлӧн Енмӧй, Тэ веськыд Ен! Талун ми, войтырлӧн колясыс, асланым мыжъясӧн сулалам Тэ водзын. Дерт, татшӧмтор бӧрын ми огӧ шогмӧй локны Тэнад чужӧмбан водзӧ».

Ездра 9:15 Referans Kwoze

Псалтыр 130:3

Израиль мед лача кутас Господь вылӧ ӧні и нэмъяс чӧж.

Иоан 8:24

Ме шуи тіянлы: ті куланныд мыж пытшканыд. Онӧ кӧ эскӧй, мый Ме збыльысь Сійӧ, кодӧн шуа Ачымӧс, куланныд мыж пытшканыд».

Римӧ 3:19

Ми тӧдам, мый Индӧдыс висьталӧ Индӧд улын олысьяслы. Та вӧсна некод оз вермы мыйкӧ паныд шуны, ӧд став муюгыдыс Ен мыждӧм улын.

Иоан 8:21

Исус бара висьталіс йӧзыслы: «Ме регыд муна. Ті кутанныд корсьны Менӧ, но мыж пытшканыд куланныд. Кытчӧ Ме муна, сэтчӧ ті онӧ вермӧй локнысӧ».

Римӧ 10:3

Найӧ оз гӧгӧрвоны Енмыслысь веськыдлунсӧ да зільӧны сувтӧдны ассьыныс веськыдлун. Та вӧсна найӧ эз сетчыны Ен веськыдлунлы.

Даниил 9:14

Господьӧй, Тэ видзӧдін миян бӧрся да ыстін тайӧ шогсӧ миян вылӧ. Господьӧй, миян Енмӧй, Тэ ставсӧ вӧчан веськыда, но ми эгӧ кывзысьӧй Тэнсьыд.

Езекиль 33:10

Морт пиӧй, висьтав Израиль войтырлы: ті шуаланныд, мыжъясным да лёк вӧчӧмъясным пӧ личкӧны миянӧс, и на вӧсна пӧ ми косьмам-сісьмам, ловйӧн огӧ кольӧй.

Еремей 12:1

– Господьӧй, кор ме вая ассьым могӧс Тэ водзӧ, Тэ веськыда вӧчан. Но ме юала Тэнсьыд веськыда мыждӧм йылысь. Мыйла лёк вӧчысьяслӧн ставыс артмӧ, мыйла Енсӧ эновтысьяс бура олӧны?

Псалтыр 143:2

Сійӧ буралӧ ме дінӧ. Сійӧ – менӧ Дорйысьыс да Мездысьыс, менам дзебсяніныс да сайӧдыс. Сы вылӧ ме лача кута, Сійӧ сетӧ менам кипод улӧ менсьым войтырӧс.

1 Коринфӧ 15:17

Но Кристос кӧ эз ловзьы, сідзкӧ, ті эсканныд весьшӧрӧ, и тіян мыжъясныд пыр на тіян вылын.

Ездра 9:6

Ме шуи: «Енмӧй, меным сэтшӧм яндзим, весиг пола лэптыны синмӧс Тэлань, ӧд лёк вӧчӧмным содӧма-быдмӧма юрысь вылӧджык на, ыджыд мыжным кыптӧма енэжӧдзыс.

Псалтыр 76:7

Войнас ме казьтывла ассьым сьыланкывъясӧс, мӧвпала да кӧсъя тӧдны,

Езекиль 7:16

Ловйӧн кольысьяс керӧсӧ пышъясны, гулюяс моз кырта потасӧ дзебсясны. Быдӧн пондас ымзыны-бӧрдны аслас мыж вӧснаыс.

Левит 26:40

Но найӧ висьтасясны асланыс да батьясныслӧн мыжысь, Меным паныд сувтӧмысь да Менӧ эновтӧмысь,

Левит 26:41

мый вӧсна Ме [скӧрмӧмӧн] налы паныд сувті, вӧтлі найӧс вӧрӧг муӧ. Сэні найӧ мынтысясны мыжсьыныс, и налӧн вундыштчытӧм сьӧлӧмныс раммас Ме водзын.

Нав Исус 22:15

Найӧ воисны Рувим да Гад чужанкотыръяс да Манассейлӧн джын чужанкотырыс дінӧ Галаад муӧ да шуисны налы:

Ездра 1:4

Быдлаын, кӧні олӧ тайӧ коляс войтырыс, сэтчӧс олысьяс мед отсасясны тайӧ войтырыслы. Ерусалимын Енлысь крам лэптӧм вылӧ мед сетасны эзысь-зарни, эмбур, ыж-мӧс да ас кӧсйӧм серти козинъяс».

Неемий 9:8

Тэ аддзин, мый сылӧн сьӧлӧмыс эскана Тэ водзын. Тэ кӧрталін сыкӧд йитӧд, мед сетны [сылы да] сысянь чужысьяслы ханаан, хеттей, аморей, перезей, евус да гергесей войтырлысь муяссӧ. Ассьыд кывтӧ Тэ кутін, ӧд Тэ – веськыд.