Ездра 9:1 - Коми Библия 2023

¹ Тайӧ лоӧмторъясыс бӧрын локтісны ме дінӧ израильса юралысьяс да шуисны: «Израиль войтыр, попъяс да левитъяс абу торйӧдчӧмаӧсь ханаан, хеттей, перезей, евус, аммон, моав, египет да аморей войтыръясысь, и на моз вӧчӧны быд пежсӧ.

Ездра 9:1 Referans Kwoze

Неемий 9:2

Израиль войтыр торйӧдчис мукӧд войтыръясысь. Найӧ сувтісны да висьтасисны асланыс мыжъясысь да батьясныслӧн мыжъясысь.

Петӧм 33:16

Мый серти ми тӧдмалам, мый Тэ бур сьӧлӧма ме дінӧ да Аслад войтырыд дінӧ? Ог-ӧ сы серти, мый Тэ миянкӧд мунан? Ӧд сэки тыдовтчас, мый Тэ торйӧдін менӧ да Ассьыд войтыртӧ став мукӧд войтырсьыс».

Еремей 26:16

Юралысьяс да став войтырыс шуисны попъяслы да пророкъяслы: «Тайӧ мортсӧ оз ков мыждыны да вины, ӧд сійӧ пророкаліс миян Господь Енлӧн нимсянь».

Еремей 26:10

Кор иудаса юралысьяс кылісны та йылысь, найӧ локтісны ӧксы керкаысь Господьлӧн крам йӧрӧ да пуксисны Выль дзиръя дорӧ.

Исай 52:11

Мунӧй, мунӧй, ылыстчӧй сэтысь, энӧ инмӧдчӧй пежас, дзикӧдз ылыстчӧй сэтысь, лоӧй сӧстӧмӧсь, Господьлысь вежа дозъяс новлӧдлысьяс.

Псалтыр 106:35

Кушинысь Сійӧ артмӧдӧ ты, кос муысь – ва петанінъяс,

Неемий 4:3

Аммон войтырысь Тови, коді сулаліс Санваллаткӧд орччӧн, шуис: «Мед-мед лэптӧны. Весиг руч кӧ кавшасяс, налӧн изъя стенмыс киссяс».

Ездра 10:8

А коді куим лун чӧжӧн оз лок, сійӧс веськӧдлысьяслӧн да юрнуӧдысьяслӧн шуӧм серти киритасны локтӧмаяслӧн котырысь да сылысь овмӧс-эмбурсӧ сиасны Господьлы.

2 Каднебӧг 33:2

Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Ӧксыяслӧн 3 небӧг 11:1

Фараон нылысь ӧтдор Соломонлӧн вӧлі мукӧд войтыръяс пиысь босьтӧм уна гӧтыр, кодъясӧс сійӧ тшӧтш радейтіс. Найӧ вӧліны моав, аммон, эдом, сидон да хеттей

Индӧд 18:9

«Кор ті локтанныд сійӧ муас, мый Господь, тіян Енныд, сетас тіянлы, сэтчӧс войтыръяс моз зывӧксӧ энӧ вӧчӧй.

Лыд 23:9

Изкырта вывсянь ме аддза найӧс, керӧс вывсянь видзӧда на вылӧ. Со, тайӧ войтырыс олӧ торйӧн, асьсӧ мукӧд войтыръяс лыдӧ оз пырт.

Левит 18:3

Энӧ вӧчӧй Египет муын олысьяс моз, кодъяс пӧвстын ті олінныд. Ме нуӧда тіянӧс Ханаан муӧ, но энӧ вӧчӧй сэні олысьяс моз, энӧ олӧй налӧн оласног серти.

Петӧм 23:23

Кор Менам анделӧй мунас тіян водзын да нуӧдас тіянӧс аморейяс, хеттейяс, перезейяс, ханаансаяс, [гергесейяс,] хивейяс да евуссаяс дінӧ, сэки Ме бырӧда найӧс [тіян водзысь].

Петӧм 13:5

Господь [тіян Енныд] кыв сетӧмӧн кӧсйысис тіян батьяслы, мый сетас тіянлы ханаансаяслысь, хеттейяслысь, аморейяслысь, хивейяслысь да евуссаяслысь [и гергесейяслысь да перезейяслысь] мусӧ, кӧні визувтӧ йӧв да ма. Кор Сійӧ вайӧдас тіянӧс сэтчӧ, сэки тайӧ тӧлысяс ті вӧчӧй тшӧктӧмыс серти.

Олӧм 15:16

Сӧмын нёльӧд чужанвужйын тэсянь чужысьяс бӧр локтасны татчӧ, ӧд аморейяслӧн мыж лыдыс эз на тыр».

Неемий 4:7

Санваллат да Тови, арабъяс, аммонсаяс да азотсаяс ёна скӧрмисны, кор кылісны, мый Ерусалимлӧн стенмыс ӧдйӧ кыптӧ, и мый сылысь жугалӧминъяссӧ дзоньталӧны.

Неемий 13:23

Сійӧ кадас ме нӧшта казялі, мый иудейяс босьтӧмаӧсь гӧтыръяссӧ азот, аммон да моав войтыръясысь.

Малакий 2:11

Иуда войтыр пӧръясьӧ, Израиль муын да Ерусалим карын вӧчсьӧны зывӧкторъяс. Господь радейтӧ Ассьыс вежаинсӧ, но Иуда войтыр пежаліс Сылысь вежаинсӧ, ӧтувтчис идолкӧд.

Лыд 25:6

Кор Мӧисей да став Израиль войтыр бӧрдісны вежа чом пыранін водзын, найӧ аддзисны, кыдзи израильса морт локтӧ вокъясыс дінӧ мадианса анькӧд.

Индӧд 7:1

«Кор Господь, тіян Енныд, вайӧдас тіянӧс сійӧ муас, кытчӧ ті мунанныд сійӧс босьтӧм могысь, сэки Сійӧ вӧтлас тіян водзысь сизим войтырӧс – хеттейясӧс, гергесейясӧс, аморейясӧс, ханаансаясӧс, перезейясӧс, хивейясӧс да евуссаясӧс. Тайӧ войтыръясыс уна лыдаӧсь, тіян дорысь ёнджыкӧсь.

Индӧд 23:8

Налӧн пияныс коймӧд чужанвужсянь вермасны лоны Господь войтырлӧн чукӧртчӧмын».

Нав Исус 23:12

Но кежанныд кӧ Сыысь да ӧтувтчанныд тіян пӧвстӧ кольӧм войтыръяскӧд, кутанныд рӧдвужасьны да сорласьны накӧд,

2 Каднебӧг 8:7

Хеттейясысь, аморейясысь, перезейясысь, хивейясысь да евуссаясысь ловйӧн кольӧмаясӧс Соломон уджӧдіс. Тадзи найӧ талунӧдз мынтӧны сылы вот. Тайӧ йӧзыс эз вӧвны Израиль войтырысь, а чужисны Израиль муын мукӧд войтыръяссянь, кодъясӧс израильсаяс эз бырӧдны.

Ездра 10:2

Элам рӧдысь Ехиэллӧн Шеканий пиыс шыасис Ездра дінӧ: «Ми эновтім ассьыным Енмӧс, кор босьтім гӧтыръяснымӧс мукӧд войтырысь. Но Израиль войтырлӧн эм на лачаыс.