Ездра 6:22 - Коми Библия 2023

²² Сизим лун чӧж найӧ нимкодясьӧмӧн пасйисны Шомтӧм нянь сёян лунъяс. Господь тыртіс йӧзыслысь сьӧлӧмсӧ нимкодьлунӧн, ӧд Сійӧ бергӧдіс налань ассурса ӧксылысь сьӧлӧмсӧ, и сійӧ отсаліс лэптыны Израильлӧн Енлы крам.

Ездра 6:22 Referans Kwoze

Шусьӧгъяс 21:1

Ӧксылӧн сьӧлӧмыс Господь киын визувтысь ва кодь, Господь веськӧдӧ сійӧс, кытчӧ кӧсйӧ.

Ездра 1:1

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

2 Каднебӧг 30:21

Ерусалимӧ чукӧртчӧм Израиль войтыр ёна нимкодясьӧмӧн сизим лун чӧж пасйис Шомтӧм нянь сёян лунъяс. Левитъяс да попъяс быд лун ошкисны Господьӧс ворсанторъясӧн, кодъясӧс вӧлі вӧчӧма Господьӧс ошкӧм вылӧ.

Шусьӧгъяс 16:7

Весиг мустӧмтысьяс бурасьӧны сыкӧд, кодлӧн туйыс Господьлы шогмана.

Ездра 7:27

Ошкӧм Господьлы, миян батьяслӧн Енлы! Сійӧ пуктіс ӧксылы сьӧлӧмас, мый колӧ пыдди пуктыны Господьлысь ерусалимса крамсӧ.

2 Каднебӧг 35:17

Ерусалимӧ чукӧртчӧм Израиль войтыр пасйис Ыджыд лун. Та бӧрын сизим лун чӧж нӧшта пасйисны Шомтӧм нянь сёян лунъяс.

Иоан 19:11

Исус вочавидзис: «Тэ эськӧ нинӧм эн вермы вӧчны Мекӧд, эз кӧ вӧв сетӧма тэныд вылісянь. Та вӧсна Менӧ вузалысь ёнджыка на мыжа».

Матвей 26:17

Шомтӧм нянь сёян лунъяс дырйи медводдза лунӧ Исус дінӧ локтісны велӧдчысьясыс да юалісны: «Кӧні кӧсъян сёйны ыджыдлунся баляӧс? Ми мунам да дасьтам».

2 Каднебӧг 33:11

Сэки Господь мӧдӧдіс налы паныд ассурса ӧксылӧн тышкайӧзлысь юралысьясӧс. Найӧ дорисны Манассейлысь ки-коксӧ чепъясӧн да нуӧдісны сійӧс Вавилонӧ.

Ӧксыяслӧн 4 небӧг 23:29

Иосейлӧн ӧксыалігӧн Неко фараон, египетса ӧксы, мӧдӧдчис Ефрат ю дорӧ ассурса ӧксылы отсӧг вылӧ. Иосей ӧксы петіс фараонлы паныд тышӧ, но Мегиддо кар дорын фараон виис сійӧс.

Ездра 6:1

Дарий ӧксы тшӧктіс корсьны вавилонса озырлун видзанінъясысь небӧгъяс.

Неемий 13:6

Тайӧ лоӧмтор дырйиыс ме эг вӧв Ерусалимын, ӧд вавилонса Артаксеркс ӧксылӧн комын кыкӧд веськӧдлан воӧ ме бӧр муні сы дінӧ. Но кад мысти ме бара вӧзйыси ӧксылысь.

Езекиль 23:23

Вайӧда йӧзӧс Вавилонысь, Калдеяысь, Пекодысь, Шоаысь да Коаысь. Накӧд локтасны и ассурсаяс, мича том зонъяс. Ставныс найӧ нималана йӧз, ыджыдалысьяс да юралысьяс, тарантаса тышкайӧзӧн веськӧдлысьяс.

2 Каднебӧг 23:18

Иодай индіс попъясӧс да левитъясӧс тӧждысьны Господьлӧн крам вӧсна [да тшӧктіс, кодлы кор кесъявны]. Мӧисейлӧн Индӧд серти Давид вӧлі индӧма найӧс вайны крамын сотан висьяс Господьлы, тайӧс колӧ вӧлі вӧчны сьылӧмӧн-нимкодясьӧмӧн.

2 Каднебӧг 29:30

Езекей ӧксы да юралысьяс тшӧктісны левитъяслы ошкыны Господьӧс Давидлӧн да Асаф пророклӧн кывъясӧн. Левитъяс нимкодьпырысь ошкисны Господьӧс да копыртчӧмӧн юрбитісны Сылы.