Ездра 6:21 - Коми Библия 2023

²¹ Ыджыдлунся баляӧс сёйисны пленысь локтӧм Израиль войтыр да мукӧд войтыръясысь найӧ, кодъяс торйӧдчисны сэтчӧс олысьяслӧн пежысь, медым юрбитны Господьлы, Израильлӧн Енлы.

Ездра 6:21 Referans Kwoze

Ездра 9:11

кодъясӧс Тэ сетін миянлы Аслад кесъялысь пророкъяс пыр. Тэ шулін: ”Муыс, кытчӧ ті мунанныд, медым босьтны сійӧс, пежалӧм му. Мукӧд войтыръяс пежалісны сійӧс асланыс зывӧкторъясӧн, помсянь помӧдзыс тыртісны пежнас.

2 Коринфӧ 7:1

Мусаяс, со мыйта кӧсйысьӧм Енмыс сетӧма миянлы! Сідзкӧ, весалам ассьыным вир-яйнымӧс да ловнымӧс став пежсьыс. Кутам овны Енсьыс полӧмӧн, Сылӧн вежалуныс мед тырвыйӧ лоӧ миян пытшкын!

Исай 52:11

Мунӧй, мунӧй, ылыстчӧй сэтысь, энӧ инмӧдчӧй пежас, дзикӧдз ылыстчӧй сэтысь, лоӧй сӧстӧмӧсь, Господьлысь вежа дозъяс новлӧдлысьяс.

Неемий 9:2

Израиль войтыр торйӧдчис мукӧд войтыръясысь. Найӧ сувтісны да висьтасисны асланыс мыжъясысь да батьясныслӧн мыжъясысь.

Ездра 9:1

Тайӧ лоӧмторъясыс бӧрын локтісны ме дінӧ израильса юралысьяс да шуисны: «Израиль войтыр, попъяс да левитъяс абу торйӧдчӧмаӧсь ханаан, хеттей, перезей, евус, аммон, моав, египет да аморей войтыръясысь, и на моз вӧчӧны быд пежсӧ.

2 Коринфӧ 6:17

Сідзкӧ: – Петӧй на пӧвстысь да ылыстчӧй наысь, – висьталӧ Господь. – Энӧ инмӧдчӧй пежас, сэки Ме сибӧда тіянӧс.

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Псалтыр 93:5

Господьӧй, Тэнсьыд войтыртӧ найӧ топӧдӧны, Тэнсьыд бӧрйӧм войтыртӧ дзескӧдӧны.

Неемий 10:28

Мукӧдыс – попъяс, левитъяс, дзиръя видзысьяс, сьылысьяс, крамбердса кесйӧгъяс да найӧ, кодъяс тшӧтш торйӧдчисны мукӧд войтырысь, мед овны Енлӧн Индӧд серти, асланыс гӧтыръяскӧд да челядькӧд, кодъяс сяммисны гӧгӧрвоны –

2 Каднебӧг 30:19

но Езекей кевмысис на вӧсна. Сійӧ шуис: «Бур сьӧлӧма Господь мед вештас мыжсӧ быдӧнлысь, коді эз сӧстӧммӧдчы вежаин йылысь индӧд серти, но став сьӧлӧмсяньыс корсьысьӧ Господь Енмӧс, аслас батьяслысь Енсӧ».