Ездра 6:20 - Коми Библия 2023

²⁰ Попъяс да левитъяс ставныс сӧстӧммӧдчисны. Сэсся пленысь локтӧмаяс вӧсна, мукӧд попъяс вӧсна да ас вӧснаныс начкисны ыджыдлунся баляясӧс.

Ездра 6:20 Referans Kwoze

2 Каднебӧг 35:11

Левитъяс начкисны ыджыдлунся баляясӧс, кулисны налысь кучиксӧ, а вирсӧ сетісны попъяслы. Тайӧ вирнас попъяс резісны висьпуктанінсӧ.

Еврейяслы 7:27

Мукӧд аркирейлы моз Сылы абу колана быд лун вись вайны медводз аслас мыжъяс вӧсна, сэсся йӧзлӧн мыжъяс вӧсна. Ӧд Сійӧ вайис нин Асьсӧ вись пыдди ӧтчыдысь да пыр кежлӧ.

2 Каднебӧг 29:34

Но попъяс вӧліны этшаӧнӧсь, и найӧ эз удитны кульны сотан вись пыдди вайӧм пемӧсъяслысь кучиксӧ. Налӧн левит вокъясыс отсасисны налы, кытчӧдз эз помась тайӧ уджыс да кытчӧдз мукӧд попъяс эз вежӧдны-сӧстӧммӧдны асьнысӧ. Ӧд левитъяс, кодъяс вӧлі вежӧдӧмаӧсь-сӧстӧммӧдӧмаӧсь нин асьнысӧ, попъяс дорысь вӧліны унджыкӧнӧсь.

Петӧм 12:21

Мӧисей корис Израиль войтырлысь став юрнуӧдысьсӧ да шуис налы: «Быд котыр мед бӧръяс да начкас ыджыдлунся баля.

2 Каднебӧг 35:14

Та бӧрти левитъяс дасьтісны ыджыдлунся баляӧс аслыныс да попъяслы. Ӧд попъяс, Ааронсянь чужысьяс, сёр рытӧдз вайисны сотан висьяс да сотісны пемӧсъяслысь госсӧ.

2 Каднебӧг 35:15

Давид ӧксылӧн да сылӧн Асаф, Еман да Едутун пророкъяслӧн тшӧктӧм серти сьылысьяс, Асафсянь чужысьяс, сулалісны асланыс местаын. Быд дзиръя дорын сулалісны дзиръя видзысьяс. Сьылысьяслӧн да дзиръя видзысьяслӧн вокъясыс, левитъяс, дасьтісны налы ыджыдлунся баляӧс, та вӧсна налы эз вӧв колана мунны асланыс кесъяланінысь.