Ездра 6:18 - Коми Библия 2023

¹⁸ Мӧисей небӧгын тшӧктӧм серти поп котыръясӧс да левит чукӧръясӧс индісны кесъявны Енлы Ерусалимын.

Ездра 6:18 Referans Kwoze

Лыд 3:6

«Левийлысь чужанкотырсӧ сувтӧд Аарон поп веськӧдлӧм улӧ. Найӧ мед отсасясны сылы.

1 Каднебӧг 24:1

Ааронсянь чужысьясӧс юклісны котыръяс вылӧ. Ааронлӧн вӧліны Надав, Авиуд, Элазар да Итамар пиян.

Лыд 3:9

Левитъяс мед кесъяласны Ааронлӧн да пияныслӧн веськӧдлӧм улын, ӧд Израиль пиян пӧвстысь найӧс сувтӧдӧма отсасьны Ааронлы.

1 Каднебӧг 24:24

Узиэллӧн вӧлі Микей нима пи, Микейлӧн – Шамир.

1 Каднебӧг 25:1

Давид да тышкайӧзӧн веськӧдлысьяс торйӧдісны кесъялӧм вылӧ Асафлысь, Еманлысь да Едутунлысь пиянсӧ, медым найӧ Енмӧс ошкӧмӧн ворсісны гуслиӧн, арфаӧн да кимвалӧн. Кесъявны индӧм йӧзлӧн нимъясныс татшӧмӧсь:

2 Каднебӧг 7:6

Попъяс сулалісны асланыс кесъяланінын, а левитъяс сулалісны шылада ворсанторъясӧн. Налысь ворсанторъяссӧ вӧлі вӧчӧма Давид ӧксыалӧм дырйи на. Господьӧс ошкисны Давидлӧн кывъясӧн: «Сылӧн буралӧмыс оз помасьлы». Трубаясӧ тутсысь попъяс сулалісны левитъяс водзвылын. Став Израиль войтырыс сулаліс.

2 Каднебӧг 35:10

Кор ставсӧ вӧлі дасьтӧма кесъялӧм кежлӧ, сэки ӧксылӧн тшӧктӧм серти попъяс сувтісны асланыс местаӧ, а левитъяс сувтісны котыръясӧн.