Ездра 5:14 - Коми Библия 2023

¹⁴ Кир ӧксы тшӧктіс вайны став зарни да эзысь дозмук-кӧлуйсӧ, мый Навукодоносор вӧлі босьтӧма Енлӧн крамысь, вайӧма Ерусалимысь да пуктӧма вавилонса крамӧ. Кир ӧксы босьтіс найӧс вавилонса крамысь да сетіс Шешбацарлы, кодӧс сійӧ индіс юралысьӧн.

Ездра 5:14 Referans Kwoze

Ездра 6:5

Енлӧн крамын вӧдитчан зарни да эзысь дозмук-кӧлуйсӧ, мый Навукодоносор вӧлі босьтӧма ерусалимса крамысь да нуӧма Вавилонӧ, мед бӧр ваясны Ерусалимӧ да пуктасны Енлӧн крамӧ важ местаас».

Еремей 52:19

Ӧксыӧс видзысьяслӧн юралысь босьтіс зарниысь да эзысьысь вӧчӧм тасьтіяс, ӧгыр пӧртъяс, вир резан тасьтіяс, пӧим чукӧртан воръяс, бикокъяс, кӧшъяс да дозъяс.

Ездра 5:16

Шешбацар локтіс Ерусалимӧ да пуктіс Енлӧн крамлы подувсӧ. Сійӧ кадсяньыс ми лэптам крамсӧ, но сійӧс абу на эштӧдӧма”.

Ап. уджъяс 13:12

Діӧн веськӧдлысь кор аддзис тайӧ лоӧмторсӧ, шензис Господьлӧн велӧдӧмысь да кутіс эскыны.

Аггей 2:21

– Висьтав Зоровавельлы, Иуда муын юралысьлы: Ме вӧрзьӧда енэжсӧ и мусӧ,

Аггей 2:2

«Висьтав Шеалтиэллӧн Зоровавель пилы, Иуда муын юралысьлы, да Иоседеклӧн Исус пилы, аркирейлы, тшӧтш коляс войтырыслы:

Аггей 1:14

Господь ышӧдіс Шеалтиэллысь Зоровавель писӧ, Иуда муын юралысьӧс, да Иоседеклысь Исус писӧ, аркирейӧс, тшӧтш коляс войтырсӧ, и найӧ локтісны да кутісны лэптыны Господь Саваофлысь, асланыс Енлысь, крамсӧ.

Аггей 1:1

Дарий ӧксылӧн мӧд веськӧдлан воӧ, квайтӧд тӧлысьлӧн медводдза лунӧ, Шеалтиэллӧн Зоровавель пилы, Иуда муын юралысьлы, да Иоседеклӧн Исус пилы, аркирейлы, Аггей пророк пыр вӧлі Господьсянь кыв:

Шусьӧгъяс 21:1

Ӧксылӧн сьӧлӧмыс Господь киын визувтысь ва кодь, Господь веськӧдӧ сійӧс, кытчӧ кӧсйӧ.

Ездра 7:27

Ошкӧм Господьлы, миян батьяслӧн Енлы! Сійӧ пуктіс ӧксылы сьӧлӧмас, мый колӧ пыдди пуктыны Господьлысь ерусалимса крамсӧ.

2 Каднебӧг 36:18

Господь Енлӧн крамысь став дозмук-кӧлуйсӧ, ыджыдӧс и ичӧтӧс, крамысь став озырлунсӧ, ӧксылысь да сылӧн киподувса юралысьяслысь озырлунсӧ – ставсӧ вайисны Вавилонӧ.

2 Каднебӧг 36:7

Господьлӧн крамысь Навукодоносор нуис Вавилонӧ дозмук-кӧлуй да пуктіс найӧс аслас керкаӧ.

Ездра 5:15

Шешбацарлы шуис, мый Енлысь крамсӧ колӧ лэптыны Ерусалимын важ местаас и дозмук-кӧлуйсӧ нуны сэтчӧ.