Ездра 5:11 - Коми Библия 2023

¹¹ Найӧ вочавидзисны миянлы тадзи: ”Ми енэжын да му вылын ыджыдалысь Енлӧн кесйӧгъяс. Ми выльысь вӧчам крамсӧ, кодӧс вӧлі лэптӧма тані уна во сайын. Сійӧс лэптыліс Израильлӧн ыджыд ӧксы.

Ездра 5:11 Referans Kwoze

Галатӧ 6:14

Ме ог кӧсйы ошйысьны нинӧмӧн, ошйыся сӧмын миян Господь Исус Кристослӧн крестӧн. Сэні муюгыдсӧ тувъялӧма меным, а менӧ – муюгыдыслы.

Римӧ 6:16

Ті ӧмӧй онӧ тӧдӧй: кодлы ті сетанныд асьнытӧ кесъявны, сылӧн ті и кесйӧгъяс. Кывзысянныд кӧ мыжыслысь – куланныд, Енмыслысь кӧ кывзысянныд – веськыдӧн лоанныд.

Римӧ 1:16

Ме ог яндысь висьтавлыны Кристослысь Бур Юӧрсӧ, ӧд сійӧ Енлӧн выныс, мездӧ быд эскысьӧс: медводз иудейясӧс, сэсся грекъясӧс.

Ап. уджъяс 27:23

Тайӧ войнас петкӧдчыліс меным андел, сійӧс мӧдӧдіс Ен, кодлы ме сеті ачымӧс да кодлы ме кесъяла.

Лука 12:8

«Висьтала тіянлы: коді оз яндысь Меысь йӧз водзын, сыысь Морт Пи оз яндысь Енлӧн анделъяс водзын.

Матвей 10:32

«Коді оз яндысь Меысь йӧз водзын, сыысь Ме ог яндысь Аслам енэжвыв Бать водзын.

Иона 1:9

Иона вочавидзис: «Ме – еврей. Юрбита Господьлы, енэжвывса Енлы, саридзсӧ да мусӧ Вӧчысьлы».

Даниил 3:26

– Господьӧй, миян батьяслӧн Енмӧй, Тэ ёна ошкана! Мед лоӧ ошкӧма-нимӧдӧма Тэнсьыд нимтӧ нэмъяс чӧж!

Нав Исус 24:15

Но ті кӧ онӧ кӧсйӧй кесъявны Господьлы, бӧрйӧй талун, кутанныд-ӧ кесъявны енъяслы, кодъяслы батьясныд юрбитісны Ефрат ю сайын, либӧ аморейяслӧн енъяслы налӧн му вылын, кӧні ті ӧні оланныд. А ме аслам гортсакӧд кутам кесъявны Господьлы [ӧд Сійӧ вежа]».

Ӧксыяслӧн 3 небӧг 6:38

а дас ӧтиӧд вонас бул нима кӧкъямысӧд тӧлысьӧ сійӧ помаліс крам лэптӧмсӧ. Крамсӧ да сэні кесъялӧм могысь став коланаторсӧ вӧлі вӧчӧма, кыдзи вӧлі водзвыв шуӧма вӧчны. Крамсӧ лэптісны сизим во чӧж.

Ездра 5:10

Нӧшта ми юалім нимъяснысӧ, медым юӧртны тэныд, коді веськӧдлӧ уджнас.

Олӧм 24:3

кыв сет Господь водзын, енэжыслӧн да муыслӧн Ен водзын, мый Исаак пиӧйлы гӧтырсӧ тэ он вай ханаан войтырысь, кодъяс пӧвстын ме ола,

Ӧксыяслӧн 3 небӧг 9:10

Кызь во чӧжӧн Соломон лэптіс кык керка – Господьлы крам да аслыс ӧксы керка.