Ездра 3:2 - Коми Библия 2023

² Иоседеклӧн Исус пиыс аслас вокъяскӧд, кодъяс вӧліны попъясӧн, да Шеалтиэллӧн Зоровавель пиыс аслас вокъяскӧд вӧчисны Израильлӧн Енлы висьпуктанін, медым вайны сэні сотан висьяс, кыдзи гижӧма Енлӧн морт Мӧисейлӧн Индӧдын.

Ездра 3:2 Referans Kwoze

Лука 3:27

Иуда – Йоаннанлӧн, Йоаннан – Рисайлӧн, Рисай – Зоровавельлӧн, Зоровавель – Шеалтиэллӧн, Шеалтиэл – Нирийлӧн,

Аггей 1:1

Дарий ӧксылӧн мӧд веськӧдлан воӧ, квайтӧд тӧлысьлӧн медводдза лунӧ, Шеалтиэллӧн Зоровавель пилы, Иуда муын юралысьлы, да Иоседеклӧн Исус пилы, аркирейлы, Аггей пророк пыр вӧлі Господьсянь кыв:

Ездра 2:2

Найӧс вайӧдісны Зоровавель, Исус, Неемий, Серай, Релай, Мардокей, Билшан, Миспар, Бигвай, Рехум да Баан. Израиль войтырлӧн айулов лыдыс:

1 Каднебӧг 3:17

Еконейлӧн вӧліны Асир, Шеалтиэл,

Закар 6:11

Босьт налысь эзысь-зарнисӧ да вӧч юркытш, сэсся пукты сійӧс юр вылас Исус аркирейлы, Иоседеклӧн пилы.

Закар 3:8

Кывзӧй, Исус аркирей да тэкӧд кесъялысь попъяс! Ті – сійӧ пасыс, мый регыд Ме мӧдӧда Ассьым кесйӧгӧс, коді эм Выль Вож.

Закар 3:1

Сэсся Господь петкӧдліс меным Исус нима аркирейӧс, коді сулаліс Господьлӧн андел водзын. Исуслӧн веськыдладорын сулаліс сӧтана да мыжаліс сійӧс.

Аггей 2:23

Сійӧ лунӧ, – висьталӧ Господь Саваоф, – Ме босьта тэнӧ, Шеалтиэллӧн Зоровавель пи, босьта тэнӧ, Ассьым кесйӧгӧс, – висьталӧ Господь, – да вӧча тэнӧ чунькытшӧн, кӧні лоӧ Менам пасӧй, ӧд Ме бӧрйи тэнӧ, – висьталӧ Господь Саваоф.

Аггей 2:21

– Висьтав Зоровавельлы, Иуда муын юралысьлы: Ме вӧрзьӧда енэжсӧ и мусӧ,

Аггей 1:14

Господь ышӧдіс Шеалтиэллысь Зоровавель писӧ, Иуда муын юралысьӧс, да Иоседеклысь Исус писӧ, аркирейӧс, тшӧтш коляс войтырсӧ, и найӧ локтісны да кутісны лэптыны Господь Саваофлысь, асланыс Енлысь, крамсӧ.

Аггей 1:12

Зоровавель, Шеалтиэллӧн пиыс, да Исус аркирей, Иоседеклӧн пиыс, тшӧтш пленысь воӧм коляс войтырыс кывзысисны Господьлысь, асланыс Енлысь. Найӧ сибӧдісны-кывзісны Аггей пророклысь кывъяссӧ, ӧд Господь, налӧн Енмыс, мӧдӧдіс сійӧс на дінӧ. Войтырыс поліс-вежавидзис Господьысь.

Неемий 12:8

Левитъясысь локтісны Исус, Биннуй, Кадмиэл, Шеревий, Иуда да Маттанай. Аслас вокъяскӧд Маттанай веськӧдліс сьылӧм-ошкӧмӧн.

Неемий 12:1

Шеалтиэллӧн Зоровавель пикӧд да Исускӧд пленысь локтісны попъяс да левитъяс. Попъясысь локтісны Серай, Еремей, Ездра,

2 Каднебӧг 6:6

А ӧні Ме бӧрйи Ерусалим кар, медым сэні вӧлі Менам нимӧй. Ме бӧрйи Давидӧс, медым сійӧ веськӧдліс Менам Израиль войтырӧн”.

1 Каднебӧг 3:19

Педайлӧн вӧліны Зоровавель да Шимей пиян. Зоровавельлӧн вӧліны Мешуллам да Хананей пиян, налӧн вӧлі Шеломит нима чой.

Петӧм 27:1

«Вӧч акация пуысь висьпуктанін. Сійӧ мед вӧлі нёль пельӧса, кузьтанас и пасьтанас – вит гырддза, судтанас – куим гырддза.

Ездра 3:8

Ерусалимӧ Енлӧн крам вӧчанінӧ локтӧмсянь мӧд во мӧд тӧлысьнас Шеалтиэллӧн Зоровавель пиыс да Иоседеклӧн Исус пиыс, нӧшта налӧн вокъясыс – попъяс да левитъяс – да пленысь Ерусалимӧ локтӧмаяс босьтчисны вӧчны крам. Уджнас веськӧдлыны пуктісны кызь арӧса да ыджыдджык арлыда левитъясӧс.

Ездра 5:2

Сэки Шеалтиэллӧн Зоровавель пиыс да Иоседеклӧн Исус пиыс босьтчисны лэптыны Енлысь крамсӧ Ерусалимын. Енлӧн пророкъяс вӧліны накӧд да отсасисны налы.

Олӧм 12:7

Сэні Ӧврамлы петкӧдчис Господь да шуис: «Тайӧ мусӧ Ме сета тэсянь чужысьяслы». Ӧврам сувтӧдіс висьпуктанін Господьлы, коді петкӧдчис сылы.

Лыд 28:2

«Висьтав Израиль пиянлы: ас кадӧ вайӧй Меным чӧскыда ӧвтан висьяс, Менсьым няньӧс.

Ёрдысьяс 6:24

Гедеон вӧчис сэні Господьлы висьпуктанін да нимтіс сійӧс ”Яхве-шалом”. Висьпуктаніныс ӧнӧдз сулалӧ Офраын, Авиэзер рӧдлӧн му вылас.

1 Каднебӧг 23:14

Мӧисей вӧлі Енлӧн морт. Сысянь чужысьяс вӧліны левитъяс.

Ездра 10:18

Мукӧд войтырысь гӧтыръясӧс вӧлі босьтӧмаӧсь тшӧтш тайӧ попъясыс: Иоседек Исуслӧн да сылӧн вокъяс рӧдысь Маасей, Элизер, Ярив да Гедалий.

Ездра 10:20

Мукӧд войтырысь гӧтыръяссӧ вӧлі босьтӧмаӧсь нӧшта Иммер рӧдысь Ханани да Зевадай попъяс,

Ездра 10:21

Харим рӧдысь Маасей, Илля, Шемай, Ехиэл да Озей попъяс,

Ездра 10:22

Пашхур рӧдысь Элионай, Маасей, Измаил, Нафанаил, Иозавад да Элас попъяс,