Ездра 2:68 - Коми Библия 2023

⁶⁸ Кор рӧдкутысьяс локтісны Ерусалимӧ Господьлӧн жугӧдӧм крам дорӧ, на пиысь унаӧн ас кӧсйӧм сертиныс сетісны козинъяс, медым Енлысь керкасӧ лэптыны важ подув вылас.

Ездра 2:68 Referans Kwoze

2 Коринфӧ 9:7

Быдӧн сетӧй сьӧлӧм тшӧктӧм сертиныд: энӧ мырдӧн, энӧ шогпырысь, ӧд долыда сетысь муса Енмыслы.

2 Коринфӧ 8:3

Ме тӧда, мый найӧ сетӧны мыйтӧм вермӧны, весиг верманасьыс унджык на.

Петӧм 36:3

Мӧисей сетіс налы став вайӧмторсӧ, мый Израиль пиян чукӧртісны вежаин вӧчӧм могысь. Быд асыв йӧзыс вайисны Мӧисейлы козинъяс ас кӧсйӧм сертиныс.

Петӧм 35:29

Израильса айулов да аньяс сьӧлӧмсяньныс вайисны ассьыныс козинъяссӧ, медым вӧчны ставсӧ, мый Господь тшӧктіс Мӧисейлы. Быдӧн ас кӧсйӧм сертиыс вайис Господьлы козинсӧ.

2 Коринфӧ 8:12

Мортыс кӧ сетӧ сьӧлӧмсяньыс, сылысь сетӧмторсӧ донъялӧны эмлуныс серти, а оз абутӧмлуныс серти.

Псалтыр 110:3

Сылӧн уджъясыс ошканаӧсь да мичаӧсь, Сылӧн веськыдлуныс олӧ нэмъяс чӧж,

Ездра 3:3

Найӧ полісны налӧн муын олысь войтыръясысь. Но та вылӧ видзӧдтӧг найӧ сувтӧдісны висьпуктанінсӧ важ подув вылас да пондісны вайны Господьлы сотан висьяс асывнас и рытнас.

2 Каднебӧг 3:1

Соломон пондіс лэптыны Господьлы крам Ерусалимын, Мориа керӧс вылын, мый вӧлі индӧма сылӧн Давид батьлы. Давид водзвыв дасьтіс унатор, медым евусса Орнанлӧн гумла вылын сэсся лэптісны крам.

1 Каднебӧг 22:1

Давид шуис: «Тані лоӧ Господь Енлӧн керкаыс, тайӧ висьпуктанін вылас Израиль войтыр кутасны сотны висьяс».

1 Каднебӧг 21:18

Гад пророк пыр Господьлӧн анделыс тшӧктіс Давидлы мунны евусса Орнанлӧн гумла вылӧ да сувтӧдны сэтчӧ Господьлы висьпуктанін.

Петӧм 25:2

«Висьтав Израиль войтырлы, мед ваясны Меным козинъяс. Сибӧдӧй быдӧнлысь ас кӧсйӧм серти вайӧм козинъяссӧ:

Ездра 2:67

нёльсё комын вит верблюд да квайт сюрс сизимсё кызь осёл.

Ездра 2:69

Быдӧн сетіс сы мында, мыйта вермис. Ставнас вӧлі сетӧма квайтымын ӧти сюрс зарни сьӧм, вит сюрс эзысь сьӧм да попъяслы сё дӧрӧм.

Петӧм 35:21

Сэсся бӧр локтісны да вайисны, мый сьӧлӧмсяньныс кӧсйисны сетны Господьлы, медым вӧчны вежа чом, лӧсьӧдны сэні кесъялӧм да вурны вежа паськӧм.

Ездра 9:9

Ми – кесйӧг туйынӧсь, но миян Енным эз коль миянӧс. Сійӧ бергӧдіс миянлань персияса ӧксыяслысь сьӧлӧмнысӧ, медым найӧ лэдзисны миянлы сувтны кок йыланым, лэптыны миян Енлысь крамсӧ да повтӧг овны Иуда муын да Ерусалимын.