Ездра 2:1 - Коми Библия 2023

¹ Иуда муысь йӧз, кодъясӧс вавилонса Навукодоносор ӧксы коркӧ нуӧдліс пленӧ, ӧні бӧр локтісны Вавилонысь Ерусалимӧ да Иуда муӧ – быдӧн аслас карӧ.

Ездра 2:1 Referans Kwoze

Ӧксыяслӧн 4 небӧг 25:11

А карас кольӧм войтырсӧ, весиг вавилонса ӧксы дор вуджӧм йӧзӧс, Навузардан, ӧксыӧс видзысьяслӧн юралысь, нуӧдіс Вавилонӧ.

Ап. уджъяс 23:34

Сійӧс лыддьӧм бӧрын юралысь юаліс Павеллысь, кытысь сійӧ. Кор тӧдмаліс, мый Павел Киликияысь,

Софоний 2:7

Сійӧ муыс вичмас Иуда чужанкотырлӧн коляслы, сэні найӧ пондасны видзны ыж-мӧснысӧ, войнас найӧ пондасны узьны-шойччыны аскалонса керкаясын. Ӧд Господь Ен кутас тӧждысьны на вӧсна, Сійӧ бара сетас налы бур олӧм.

Бӧрданкыв 4:22

Сион нылӧй, тэнӧ мыждӧмлы воис пом, Господь оз нин вӧтлы тэнӧ аслад муысь. А тэнӧ, эдом войтыр, Сійӧ мыждас, став тэнсьыд мыжъястӧ эрдӧдас.

Бӧрданкыв 1:5

Дзескӧдысьяс ыджыдалӧны Сион вылын, мустӧмтысьяс гажаа олӧны. Сионлӧн уна мыж вӧсна Господь ыстіс сылы шог. Сылысь челядьсӧ нуӧдісны пленӧ, дзескӧдысьяс вӧтлісны найӧс водзвыланыс.

Бӧрданкыв 1:3

Иудаӧс нуӧдісны йӧз муӧ, сійӧ шогсьӧ, нартитӧмсьыс сьӧкыдалӧ. Сійӧ олӧ мукӧд войтыръяс пӧвстын, оз тӧд шойччӧгсӧ. Дзескӧдысьяс суӧдісны Иудаӧс, сійӧ эз вермы пышйыны.

Эсфир 8:9

Коймӧд сиван тӧлысьлӧн кызь коймӧд лунӧ чукӧртісны ӧксылысь гижалысьясӧс. Мардокейлысь тшӧктӧмсӧ гижисны иудейяслы, ыджыдалысьяслы, сатрапъяслы да ӧксыув муясын юралысьяслы Индиясянь Эфиопияӧдз, сё кызь сизим муӧ – быдлаӧ сэні олысьяслӧн шыпасъясӧн да быд войтырлӧн чужан кыв вылын. Иудейяслы тшӧтш гижисны налӧн шыпасъясӧн да налӧн кыв вылын.

Эсфир 1:11

Тшӧктіс налы вайӧдны ас дінас Астинь ӧксы-аньӧс юр вылас юркытшсӧ пуктӧмӧн, медым петкӧдлыны войтыръяслы да юралысьяслы сылысь мичлунсӧ. Астинь збыльысь вӧлі зэв мича.

Эсфир 1:8

Йӧзсӧ юктӧдісны зарни дозъясысь, быд доз вӧлі аслыспӧлӧс. [Вӧліны тшӧтш эзысь дозъяс. А ӧти рубин дозлӧн доныс вӧлі комын сюрс талант.] Ӧксы вӧлі зэв озыр, та вӧсна винаыс вӧлі вывті уна. Юктасисны ӧксылӧн тшӧктӧм серти. Ӧксы керкаӧн веськӧдлысьяс быдӧнлы кисьталісны, мыйтӧм коді кӧсйис юны, некодлы мырдӧн эз кисьтны.

Эсфир 1:3

Коймӧд веськӧдлан воӧ став аслас юралысь-веськӧдлысьыслы ӧксы лӧсьӧдіс гаж. Сэтчӧ локтісны Персия да Мидия муясысь тышкайӧзӧн веськӧдлысьяс да ӧксыув муясӧн юралысьяс.

Эсфир 1:1

Тайӧ вӧлі Артаксеркс ӧксы дырйи. Сы кипод улын сэки вӧлі сё кызь сизим му Индиясянь да Эфиопияӧдз.

Ездра 6:2

Мидия муын Экбатана карын ӧксы керкаысь сюри небӧг, кытчӧ вӧлі гижӧма: «Казьтылан пасйӧдъяс.

Ездра 5:8

Юӧртам тэныд, ӧксыӧй, мый ми ветлім Иуда муӧ видзӧдлыны ыджыд Енлысь крамсӧ. Крамсӧ лэптӧны ыджыд изъясысь, стенсӧ эжӧны пӧвъясӧн. Уджыс мунӧ ӧдйӧ да бура.

Ездра 1:11

Ставнас зарни да эзысь дозмук-кӧлуйыс вӧлі вит сюрс нёльсё. Ставсӧ тайӧс Шешбацар босьтіс аскӧдыс, кор пленӧ босьтӧмаяс Вавилонысь мӧдӧдчисны Ерусалимӧ.

Ездра 2:2

Найӧс вайӧдісны Зоровавель, Исус, Неемий, Серай, Релай, Мардокей, Билшан, Миспар, Бигвай, Рехум да Баан. Израиль войтырлӧн айулов лыдыс:

Ездра 8:35

Пленысь локтӧмаяс вайисны Израильлӧн Енлы сотан висьяс: став Израиль войтыр вӧсна вайисны дас кык ӧшкӧс, ӧкмысдас квайт межӧс, сизимдас сизим баляӧс да мыжысь вись пыдди дас кык ай кӧзаӧс. Ставыс тайӧ вӧлі Господьлы вайӧм сотан вись.

Неемий 12:1

Шеалтиэллӧн Зоровавель пикӧд да Исускӧд пленысь локтісны попъяс да левитъяс. Попъясысь локтісны Серай, Еремей, Ездра,

1 Каднебӧг 9:1

Тадзи став Израиль войтырсӧ вӧлі лыддьӧдлӧма рӧд сертиныс да гижалӧма израильса ӧксыяслӧн небӧгӧ. Енсӧ эновтӧм вӧсна Иуда войтырӧс вӧлі нуӧдӧма пленӧ Вавилонӧ.

1 Каднебӧг 9:2

Медводдзаясӧн Вавилонысь Израильӧ локтісны попъяс, левитъяс да крамбердса кесйӧгъяс. Найӧ овмӧдчисны асланыс му юкӧнӧ, асланыс карӧ.

Ездра 2:70

Попъяс, левитъяс, войтыр, сьылысьяс, дзиръя видзысьяс да крамбердса кесйӧгъяс овмӧдчисны асланыс каръясӧ. Быд израильса морт овмӧдчис аслас карӧ.

Исай 48:20

Петӧй Вавилонысь, пышйӧй Калдеяысь! Гораа нимкодясьӧмӧн юӧртӧй, висьтавлӧй та йылысь, паськӧдӧй тайӧ юӧрсӧ му помӧдзыс. Висьтавлӧй тадзи: Господь мездіс Ассьыс Яков кесйӧгсӧ.

Еремей 50:19

Израиль войтырӧс Ме бӧр бергӧда аслас йирсянінӧ, сійӧ пондас йирсьыны Кармил да Васан ыбъяс вылын, кутас пӧткӧдчыны Ефрем да Галаад керӧсвыв муясын.