Ездра 10:4 - Коми Библия 2023

⁴ Чеччы, тэныд колӧ тайӧс вӧчны. Ми тэкӧд. Вӧч повтӧг».

Ездра 10:4 Referans Kwoze

1 Каднебӧг 28:10

Видзӧдлы, Господь бӧрйис тэнӧ вӧчны вежа керка. Сідзкӧ, ло зумыд, вӧч сійӧс!»

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Еврейяслы 10:24

Кутам тӧждысьны ӧта-мӧдным вӧсна, ышӧдны ӧта-мӧдӧс муслун да бур уджъяс вылӧ.

1 Каднебӧг 22:19

Сідзкӧ, став сьӧлӧмсяньныд да став олӧмнаныд корсьысьӧй Господьӧс, ассьыныд Ентӧ. Лэптӧй Господь Енлы вежаин, нуӧй сэтчӧ Господьлысь Йитӧд кудсӧ да Енлы кесъялан вежа дозмук-кӧлуйсӧ. Крамсӧ сиӧй Господьлы».

1 Каднебӧг 22:16

Тэнад эм лыдтӧм-тшӧттӧм зарни, эзысь, ыргӧн да кӧрт. Босьтчы уджӧ, Господь лоӧ тэкӧд».

Марк 13:34

Тайӧс позьӧ ӧткодявны морткӧд, коді гортсьыс мунігӧн кольӧ ассьыс керкасӧ кесйӧгъяслы да быдӧнлы сетӧ удж, а керкасӧ видзысьлы тшӧктӧ лоны дасьӧн.

1 Каднебӧг 28:21

Попъяс да левитъяс дасьӧсь вӧчны быдпӧлӧс уджсӧ Енлӧн крамын. Тэнад эм йӧз, кодъяс кӧсйӧны да кужӧны вӧчны быдтор. А юралысьяс да став войтырыс кутасны кывзыны став тэнсьыд тшӧктӧмъястӧ».

Ездра 10:5

Ездра чеччис да тшӧктіс попъяслӧн, левитъяслӧн да став Израиль войтырлӧн веськӧдлысьяслы кыв сетны, мый найӧ вӧчасны шуӧм сертиныс. Найӧ кыв сетісны.

1 Каднебӧг 28:20

Давид шуис аслас Соломон пиыслы: «Ло зумыд да повтӧм, босьтчы уджӧ! Эн пов, эн майшась, ӧд Господь Ен, менам Енмӧй, тэкӧд. Сійӧ оз коль, оз эновт тэнӧ, но отсалас помавны Господьлысь крам вӧчан уджъяссӧ.