Ездра 1:1 - Коми Библия 2023

¹ Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Ездра 1:1 Referans Kwoze

Еремей 29:10

Господь тадзи висьталӧ: сы бӧрти, кор Вавилонын ті оланныд сизимдас во, Ме бурсьӧлӧмтча тіян дінӧ. Ме збыльмӧда тіян йылысь Ассьым бур кывйӧс да бӧр вайӧда тіянӧс асланыд муӧ.

Шусьӧгъяс 21:1

Ӧксылӧн сьӧлӧмыс Господь киын визувтысь ва кодь, Господь веськӧдӧ сійӧс, кытчӧ кӧсйӧ.

Ездра 7:27

Ошкӧм Господьлы, миян батьяслӧн Енлы! Сійӧ пуктіс ӧксылы сьӧлӧмас, мый колӧ пыдди пуктыны Господьлысь ерусалимса крамсӧ.

Ездра 6:22

Сизим лун чӧж найӧ нимкодясьӧмӧн пасйисны Шомтӧм нянь сёян лунъяс. Господь тыртіс йӧзыслысь сьӧлӧмсӧ нимкодьлунӧн, ӧд Сійӧ бергӧдіс налань ассурса ӧксылысь сьӧлӧмсӧ, и сійӧ отсаліс лэптыны Израильлӧн Енлы крам.

Даниил 2:1

Навукодоносор аслас мӧд веськӧдлан воӧ аддзыліс вӧтъяс. Сылӧн лолыс пондіс майшасьны, и сійӧ эз вермы узьнысӧ.

Иоан 1:23

Иоан вочавидзис налы: «Ме – овтӧминын горзысьлӧн шыыс: ”Веськӧдӧй-шыльӧдӧй туй Господьлы!” Тадзи коркӧ висьталіс Исай пророк».

Ездра 1:5

Иуда да Венямин чужанкотыръясысь рӧдкутысьяс, попъяс да левитъяс – ставныс, кодӧс Ен ышӧдіс лэптыны Ерусалимын Господьлысь крам, лӧсьӧдчисны петны туйӧ.

Ездра 4:3

Зоровавель, Исус да израильса мукӧд рӧдкутысьяс вочавидзисны: «Миянкӧд тшӧтш ті онӧ кутӧй лэптыны миян Енлы крамсӧ. Ми асьным лэптам сійӧс Господьлы, Израильӧн Енлы, кыдзи тшӧктіс миянлы персияса Кир ӧксы».

Ездра 6:3

Кир ӧксы аслас медводдза веськӧдлан воӧ сетіс тшӧктӧм, медым вись вайӧм могысь Ерусалимын лэптыны Енлысь крамсӧ. Подувсӧ мед вӧчасны зумыда. Крамыс судтанас мед вӧлі квайтымын гырддза, и пасьтанас – квайтымын гырддза.

Ездра 6:14

Иудейяслӧн юрнуӧдысьяс вӧчисны крамсӧ водзӧ. Аггей пророк да Закар пророк, Иддолӧн пиыс, ышӧдісны найӧс пророкалӧмнас, та вӧсна уджыс муніс бура. Израиль Енлӧн кӧсйӧм серти, персияса Кир, Дарий да Артаксеркс ӧксыяслӧн тшӧктӧм улын крам лэптӧмсӧ вӧлі вайӧдӧма помӧдз.

Исай 44:28

Кирлы Ме шуа, мый сійӧ – Менсьым войтырӧс видзысь, сійӧ ставсӧ вӧчас Менам кӧсйӧм серти. Сійӧ шуас Ерусалимлы, тэнӧ пӧ выльысь лоӧ лэптӧма, а крамлы шуас, тэнсьыд подувтӧ пӧ выльысь лоӧ пуктӧма.

Еремей 1:1

Тайӧ кывъясыс Еремейлӧн, Хилки пилӧн. Еремей вӧлі поп рӧдысь. Сійӧ оліс Венямин муын, Анатот карын.

Езекиль 38:5

Накӧд лоӧны Персияысь, Эфиопияысь да Ливияысь сайӧда-юртупкӧда тышкайӧз,

Даниил 6:25

Та бӧрти Дарий ӧксы гижис став му вылас олысь войтыръяслы, чужанкотыръяслы да быд кыла йӧзлы: «Лӧнь олӧмыс мед содас тіянлы!

Даниил 9:2

Сылӧн медводдза веськӧдлан воӧ ме, Даниил, гӧгӧрвои Гижӧдысь, мый Ерусалим кар лоӧ овтӧминӧн сизимдас во чӧж. Та йылысь Господь водзвыв висьтавліс Еремей пророклы.

Исай 45:1

Господь тадзи висьталӧ Кирлы, Аслас мавтыштӧмалы: – Ме кута тэнӧ веськыд киӧдыд, сета тэнад киӧ войтыръясӧс, тэнад кипод улӧ – ӧксыясӧс, тэ водзвылын восьта ӧдзӧсъяс, ог лэдз пӧдлавны дзиръяяс.

Даниил 1:21

Даниил кесъяліс ӧксы керкаын Кирлӧн медводдза веськӧдлан воӧдз.