Еврейяслы 9:4 - Коми Библия 2023

⁴ Сэні вӧліны зарниысь вӧчӧм тшынӧдчан висьпуктанін да зарниӧн эжӧм Йитӧд куд. Тайӧ кудсӧ вӧлі быд боксянь эжӧма зарниӧн. Куд пытшкас вӧліны манна тыра зарни доз, Ааронлӧн дзоридзалысь бедь да йитӧдлӧн изпӧвъяс.

Еврейяслы 9:4 Referans Kwoze

Лыд 17:10

Господь шуис Мӧисейлы: «Ааронлысь бедьсӧ бӧр пукты Йитӧд куд водзӧ. Беддьыс лоӧ кывзысьтӧм йӧзлы пасӧн, медым найӧ эз ропкыны Ме вылӧ и та вӧсна эз кувны».

2 Каднебӧг 5:10

Кудйын вӧлі сӧмын кык изпӧв, найӧс сэтчӧ Хорив керӧсын пуктыліс Мӧисей. Буретш сэні Израиль войтырлӧн Египетысь петӧм бӧрын Господь кӧрталіс накӧд йитӧд.

Левит 16:12

Господь водзысь висьпуктанінысь мед босьтас тшынӧдчан доз тыр ӧгыр да кык китыр ниртӧм чӧскыд дука тшынӧдчантор. Мед пыртас найӧс Вежаинын ӧшалысь дӧра сайӧ.

Петӧм 40:3

Пырт Йитӧд кудсӧ вежа чомйӧ да ӧшӧд куд водзӧ дӧра.

Петӧм 26:33

Дӧрасӧ ӧшӧдӧм бӧрын Йитӧд кудсӧ пырт дӧра саяс. Тайӧ ӧшӧдӧм дӧраыс кутас торйӧдны Вежаинсӧ Вежасьыс-вежаинысь.

Лыд 17:5

Кодӧс Ме бӧръя, сылӧн беддьыс кутас дзоридзавны. Ме вӧча тадзи, медым тіян вылӧ ропкысь Израиль пиян тупкисны вомнысӧ».

Петӧм 34:29

Мӧисей лэччис Синай керӧс вылысь йитӧдлысь кык изпӧв киас кутӧмӧн. Сійӧ эз тӧд, мый Господькӧд сёрнитӧм бӧрын сылӧн чужӧмыс дзирдаліс.

Восьтӧм 8:3

Сэсся матыстчис нӧшта ӧти андел да сувтіс тшынӧдчан висьпуктанін водзӧ. Киас сійӧ кутіс зарни тшынӧдчан доз. Сылы вӧлі сетӧма уна ладан, медым вежа войтырлӧн кевмысьӧмъяснас пуктыны сійӧс зарни тшынӧдчан висьпуктанін вылӧ, мый сулаліс юралан пуклӧс водзын.

Ӧксыяслӧн 3 небӧг 8:21

Крамас ме дасьті места Господьлӧн Йитӧд кудлы, кытчӧ пуктӧма йитӧдлысь изпӧвъяс. Тайӧ йитӧдсӧ Сійӧ кӧрталіс миян батьяскӧд Египет муысь найӧс петкӧдӧм бӧрын».

Ӧксыяслӧн 3 небӧг 8:9

Кудйын вӧлі сӧмын кык изпӧв, найӧс сэтчӧ Хорив керӧсын пуктыліс Мӧисей. Буретш сэні Израиль войтырлӧн Египет муысь петӧм бӧрын Господь кӧрталіс накӧд йитӧд.

Ӧксыяслӧн 3 небӧг 7:50

весалӧм зарниысь вӧчӧдіс тасьтіяс, пуртъяс, вир резан тасьтіяс, кӧшъяс да пӧим воръяс. Зарниысь вӧчисны тшӧтш крампытшкӧсса ӧдзӧсъяслысь дзирсӧ – Вежаинӧ да Вежасьыс-вежаинӧ пыран ӧдзӧсъяслысь дзирсӧ.

Лыд 17:8

Мӧд луннас Мӧисей пырис [Ааронкӧд] вежа чомйӧ да аддзис, мый Левий чужанкотырысь Ааронлӧн беддьыс дзоридзалӧ. Беддьыс гаръялӧма, а гаръяссьыс мыччысьӧма дзоридз да вотӧсалӧма миндаль.

Петӧм 39:35

Йитӧд куд, сылысь потшъяссӧ да вевтсӧ,

Петӧм 31:18

Синай керӧсын Мӧисейкӧд сёрнитӧм бӧрын Ен сетіс сылы йитӧдлысь кык изпӧв, кытчӧ Аслас киӧн гижис кывъяссӧ.

Петӧм 32:15

Мӧисей бергӧдчис да лэччис керӧс вылысь. Сылӧн киас вӧлі йитӧдлӧн кык изпӧв, кытчӧ ӧтарсяньыс и мӧдарсяньыс вӧлі гижӧма кывъяс.

Петӧм 37:25

Акация пуысь Безалел вӧчис тшынӧдчан висьпуктанін. Сійӧ вӧлі нёль пельӧса, кузьтанас и пасьтанас – ӧти гырддза, а судтанас – кык гырддза. Сюръясыс висьпуктанінкӧд вӧліны ӧтторъяӧсь.

Индӧд 9:9

Ме кайи керӧс вылӧ, медым босьтны Господь да тіян костын кӧрталӧм йитӧдлысь изпӧвъяс. Керӧс вылын ме вӧлі нелямын лун да нелямын вой, нянь эг сёйлы ни ва эг юлы.

Индӧд 9:11

Нелямын лун да нелямын вой кольӧм бӧрын Господь сетіс меным йитӧдлысь изпӧвъяс.

Восьтӧм 11:19

Енэжас воссис Енлӧн крамыс, и крамысь тыдовтчис Йитӧд куд. Сэки кутіс чардавны-гымавны, кылісны гора шыяс, муыс кутіс вӧрны, да киссис гырысь шер.