Еврейяслы 9:2 - Коми Библия 2023

² Вежа чомйын вӧлі кык вежӧс. Воддза вежӧсас сулалісны бикок да пызан, а пызан вылас вӧлі вежа нянь. Тайӧ вежӧсыс шусис Вежаин.

Еврейяслы 9:2 Referans Kwoze

Петӧм 40:4

Пырт сэтчӧ пызан да пуктав сы вылӧ став коланаторсӧ. Пырт бикок да пуктав сы вылӧ би дозъяссӧ.

Петӧм 26:35

Пызансӧ сувтӧд ӧшӧдӧм дӧра водзӧ, а сылы воча – бикок. Бикокыс мед сулалас вежа чомлӧн лунвывладорас, а пызаныс – войвывладорас.

Петӧм 40:2

«Медводдза тӧлысьлӧн медводдза лунӧ сувтӧд вежа чом.

Петӧм 26:33

Дӧрасӧ ӧшӧдӧм бӧрын Йитӧд кудсӧ пырт дӧра саяс. Тайӧ ӧшӧдӧм дӧраыс кутас торйӧдны Вежаинсӧ Вежасьыс-вежаинысь.

Петӧм 29:35

Ааронлы да сылӧн пиянлы вӧч ставсӧ сідзи, кыдзи Ме тшӧкті тэныд. Найӧс попӧ сувтӧдан лунъясыс мед мунасны сизим лун чӧж.

Петӧм 29:1

«Ааронӧс да сылысь пиянсӧ вежӧд, медым найӧ кесъялісны Меным попъясӧн. Бӧрйы ӧшкӧс да дзоньвидза кык межӧс.

Петӧм 25:23

«Вӧч акация пуысь пызан: кузьтанас кык гырддза, пасьтанас ӧти гырддза, судтанас гырддза да джын.

Петӧм 25:30

Пызан вылас тэныд колӧ пыр пуктыны Ме водзӧ вежа нянь».

Петӧм 25:31

«Весалӧм зарниысь серлӧдлӧмӧн дор бикок. Сылӧн заыс, вожъясыс, чашаясыс, чаша подъясыс да дзоридзьясыс мед лоӧны ӧтторъяӧсь.

Петӧм 26:1

«Вежа чомсӧ вӧч дас дӧраысь. Кы найӧс путшкӧм шабді шӧртысь да гӧрдовлӧз, пемыдгӧрд да югыдгӧрд вурун шӧртъясысь. Дӧраяссӧ мичмӧд херувим серпасъясӧн.

Матвей 5:15

Ӧзтӧм битӧ оз пуктыны доз улӧ, сійӧс пуктӧны бикок вылӧ. Сэки керкаын югыдыс быдлаті югзьӧдӧ.

Матвей 12:4

Сійӧ пырис Ен керкаӧ да сёйис аслас йӧзкӧд вежа нянь. Тайӧс налы вӧчнысӧ эз позь, сӧмын попъяслы позис.

Еврейяслы 9:25

Сійӧ пырис енэжас эз сы могысь, медым выльысь вайны Асьсӧ вись пыдди. Но аркирей быд во пырӧ Вежасьыс-вежаинӧ пемӧс вирӧн.