Еврейяслы 9:10 - Коми Библия 2023

¹⁰ Ӧд став тайӧ вайӧмторйыс вӧлі йитчӧма сӧмын вир-яйкӧд: сёян-юанкӧд да мыссьӧмкӧд. Татшӧм кесъялӧмсӧ Енмыс лӧсьӧдіс сӧмын кад кежлӧ, выль кесъяланногсӧ лӧсьӧдтӧдз.

Еврейяслы 9:10 Referans Kwoze

Колосӧ 2:16

Сідзкӧ, некод мед оз мыжав тіянӧс сёян-юанысь, вежа лунъясысь, выль тӧлысь пасйӧмысь да шойччан лунӧ кутчысьӧмысь,

Ефесӧ 2:15

тадзи Аслас вир-яйнас бырӧдіс на костысь лёксьӧмсӧ. Сійӧ пуктіс пом Индӧдлы да сэтчӧ пырысь быд тшӧктӧмлы да велӧдӧмлы, медым иудейясӧс да мукӧд войтырӧс бурӧдны ӧта-мӧдныскӧд. Сійӧ йитіс найӧс Аскӧдыс да вӧчис наысь ӧти выль олысьӧс.

Еврейяслы 7:16

Сійӧ лоис Аркирейӧн эз Индӧд тшӧктӧм серти, кӧні гижӧма поп чужанкотыр йылысь, а помтӧм олӧмлӧн вынсянь.

Езекиль 4:14

Ме шуи: «Господьӧй Ыджыдӧй! Ме некор эг пежавлы ачымӧс. Том кадсянь талунъя лунӧдз ме эг сёйлы зверӧн косявлӧм пемӧслысь либӧ шой пемӧслысь яй. Ме вомӧ эг босьтлы пеж яй».

Индӧд 23:11

Рытнас сійӧ мед мыссяс, а шонді лэччигӧн вермас бӧр локны тышкайӧзлӧн сувтанінӧ.

Левит 16:24

Вежаинас мед мыссяс ваӧн да бӧр пасьталас ассьыс паськӧмсӧ. Вежа чомйысь петӧм бӧрын ас вӧснаыс да войтырыс вӧсна мед ваяс сотан вись. Тадзи вештас ассьыс да войтырлысь мыжсӧ [тшӧтш гортсаясыслысь да попъяслысь мыжсӧ].

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

Еврейяслы 9:1

Важ Йитӧдас вӧлі сетӧма Енлы кесъялӧм да мувывса вежа чом йылысь индӧдъяс.

Еврейяслы 2:5

Енмыс эз сет анделъяслы веськӧдлыны локтана муюгыднас, мый йылысь ми сёрнитам.

Индӧд 21:6

Медматысса карсянь локтӧм юрнуӧдысьяс мед мыськаласны кинысӧ мӧс [юр] весьтын, кодлысь сьылісӧ песовтісны ковтысын.

Левит 16:4

Сійӧ мед пасьталас вежа шабді дӧрӧм да улыс шабді гач, кӧрталас коскас шабді вӧнь да вевттяс юрсӧ шабді юркӧртӧднас. Тайӧ вежа паськӧмсӧ мед пасьталас мыссьӧм бӧрас.

Петӧм 40:12

Вайӧд Ааронӧс да сылысь пиянсӧ вежа чом пыранінӧ да мыссьӧд найӧс ваӧн.

Еврейяслы 13:9

Энӧ лэдзӧй кежӧдны асьнытӧ быдпӧлӧс ылӧгвелӧдӧмас. Бурджык, ті кӧ ёнмӧданныд сьӧлӧмнытӧ Енлӧн буралӧмӧн, а онӧ сёян-юан йылысь велӧдӧмӧн. Ӧд татшӧм велӧдӧмыс сы серти олысьяслы нинӧм бурсӧ оз сет.

Еврейяслы 6:2

пыртчӧм да ки пуктылӧм йылысь, кулӧмысь ловзьӧм да пыр кежлӧ мыждӧм йылысь.

Ефесӧ 1:10

медым колана кадӧ ӧтувтны став енэжвывсасӧ да мувывсасӧ Кристос веськӧдлӧм улӧ.

Галатӧ 4:9

Но ӧні ті тӧданныд Енсӧ, бурджык шуны, Енмыс тӧдӧ тіянӧс. Сідзкӧ, мыйла ті бӧр бергӧдчанныд муюгыдса ковтӧм жеб вынъяс дінӧ да важ мозыс бара кӧртасянныд сэтчӧ?

Марк 7:4

и вузасянінысь локтӧм бӧрын мыссьытӧг эз сёйлыны. Нӧшта уна мукӧдторйӧ на кутчысисны, шуам, дозмук, тасьті-пӧрт да вольпась мыськалӧмӧ.

Левит 22:6

рытӧдзыс лоӧ пеж. Вежа вайӧмтор сійӧ мед оз сёй, кытчӧдз ставнас оз мыссьы.

Петӧм 29:4

Ааронӧс пияныскӧд вайӧд вежа чом пыранін водзӧ да мыссьӧд найӧс ваӧн.

Лыд 6:3

сэки сылы оз позь юны вина-сур да виноградысь юантор. Сылы оз позь сёйны нинӧм, мый кӧтӧдӧма винаысь вӧчӧм уксусӧн. Оз позь сёйны косьтӧм да выль воӧм виноград вотӧс.

Еврейяслы 7:12

Попъяслӧн кесъяланногыс кӧ вежсьӧ, сідзкӧ, Индӧдсӧ тшӧтш колӧ вежны.

Левит 13:58

Паськӧм, шӧрт-дӧра либӧ кучикысь вӧчӧмтор мыськалӧм бӧрын кӧ чутыс бырас, мед нӧшта ӧтчыдысь мыськасны кӧлуйсӧ, и сійӧ лоӧ сӧстӧм».