Еврейяслы 7:19 - Коми Библия 2023

¹⁹ Ӧд Индӧдыс нинӧм эз вермы вайӧдны тыр-бурӧдз. Но миянлы сетӧма лача, коді ёна бурджык Индӧдыс дорысь. Тайӧ лачаыс отсӧгӧн ми матыстчам Ен дінӧ.

Еврейяслы 7:19 Referans Kwoze

Ап. уджъяс 13:39

Сы пыр быд эскысь лоӧ веськыдӧн да мездмӧ ставсьыс, мыйысь эз вермы мездмыны Мӧисейлӧн Индӧд пыр.

Еврейяслы 4:16

Та вӧсна ми повтӧг матыстчам бур сьӧлӧма Енлӧн юралан пуклӧс дінӧ, медым колана кадӧ босьтны Енсянь буралӧмсӧ да бурсетӧмсӧ отсӧгным вылӧ.

Еврейяслы 9:9

Ставыс тайӧ висьталӧ ӧнія кад йылысь, мый Енлы вайӧм вись да сетӧмтор оз вермы тырвыйӧ сӧстӧммӧдны мортлысь сьӧлӧмсӧ.

Римӧ 8:3

Ен вӧчис сійӧ, мый эз вӧв вермана Индӧдыслы, ӧд мортлӧн тшыкӧм вир-яй вӧсна Индӧдыс вӧлі вынтӧм. Миян мыжъяс вӧсна Енмыс мӧдӧдіс Ассьыс Писӧ мыжа морт кодьӧн. Тадзи морт вир-яйын Сійӧ мыждіс мортлысь мыжсӧ,

Еврейяслы 11:40

Енмыс дасьтӧма миянлы ёна бурджыктор, та вӧсна найӧ сӧмын миянкӧд ӧтвыв воасны тыр-бурас.

Еврейяслы 10:1

Индӧдыс – сӧмын локтана бурыслӧн вуджӧрыс, но абу ачыс бурыс. Та вӧсна Индӧдыс некор оз вермы вӧчны тыр-бурӧн Ен водзӧ локтысьясӧс, кодъяс воысь-во вайӧны ӧтипӧлӧс вись.

Еврейяслы 6:18

Тайӧ кыкторйыс – Енлӧн кӧсйысьӧмыс да кыв сетӧмыс – вежсьывлытӧмӧсь, ӧд Енмыс оз вермы ылӧдлыны. Тайӧ кыкторйыс ышӧдӧ миянӧс да отсалӧ кутчысьны сетӧм лачаас.

Римӧ 5:2

Эскӧм пыр Кристос восьтіс миянлы Енлӧн буралӧмӧ ӧдзӧссӧ. Буралӧмас олігӧн ми лача кутӧмӧн нимкодясям, ӧд лоам Енлӧн дзирдлунас.

Еврейяслы 8:6

Мукӧд аркирейлы дорысь Исуслы вӧлі сетӧма ёна бурджык кесъялӧм. Исус пыр кӧрталӧм йитӧдыс тшӧтш ёна бурджык, ӧд подуласьӧ бурджык кӧсйысьӧм вылӧ.

Еврейяслы 7:25

Та вӧсна Сійӧ дзикӧдз вермӧ мездыны найӧс, кодъяс Сы пыр локтӧны Ен дінӧ. Сійӧ помтӧг олӧ, медым кевмысьны на вӧсна.

Галатӧ 2:16

Ми тӧдам, мый мортсӧ веськыднас вӧчӧ Исус Кристослы эскӧм, а оз Индӧд серти уджъясыс. Ми эским Исус Кристослы, медым вӧлім веськыдӧсь Кристослы эскӧмӧн, а эгӧ Индӧд серти уджъясӧн. Ӧд Индӧд серти уджъяс некодӧс оз вӧчны Ен водзас веськыдӧн.

Иоан 14:6

Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.

Еврейяслы 7:11

Левий чужанкотырысь попъяслӧн кесъялӧм йылысь вӧлі гижӧма Индӧдас. Тайӧ попъяслӧн кесъялӧм пыр кӧ вӧлі позьӧ воны тыр-бурас, сэки эськӧ эз вӧв колана локны Мелкиседек кодь мӧд Аркирейлы, коді абу Аарон кодь.

1 Тимофейлы 1:1

Гижӧ Павел, Исус Кристослӧн апостол. Миянӧс мездысь Ен да Господь Исус Кристос, код вылӧ ми лача кутам, индісны менӧ апостолӧн.

Колосӧ 1:27

Енмыс кӧсйис, мед найӧ тӧдісны дзирдлуныслысь гусяторсӧ, мый воссьӧ став войтыръяслы. А гусяторйыс сыын, мый Кристос тіян пытшкын, локтана дзирдлуныс вылӧ лачаныд.

Ефесӧ 3:12

Ми – Кристос пытшкынӧсь, Сылы эскӧм пыр ми повтӧг-майшасьтӧг вермам локны Ен дінӧ.

Галатӧ 3:24

Тадзи Индӧдыс быдтіс-видзис миянӧс Кристос локтӧдз, медым эскӧм пыр ми лоим веськыдӧсь.

Иоан 1:17

Индӧдсӧ вӧлі сетӧма Мӧисей пыр, а буралӧмыс да збыльыс воис Исус Кристос пыр.

Бӧрданкыв 3:57

Кор ме шыаси Тэ дінӧ, Тэ матыстчин ме дінӧ да шуин: «Эн пов».

Римӧ 7:7

Мый шуам татчӧ? Индӧдыс ӧмӧй мыжыс? Дерт, абу. Индӧдыс восьтіс меным мыжсӧ. Индӧдыс кӧ эз висьтав: «Эн ышты», ме эськӧ эг и гӧгӧрволы ыштӧмсӧ.

Галатӧ 3:21

Индӧдыс ӧмӧй паныд Ен кӧсйысьӧмлы? Абу! Индӧдыс кӧ вермис сетны олӧм, сэки веськыдлунсӧ эськӧ босьтім Индӧдыс пыр.

Еврейяслы 3:6

Ен керкаын Пиыс – Кристос, Сійӧ кывкутӧмӧн веськӧдлӧ ставнас Ен керканас. Ен керкаыс – тайӧ ми, лоам кӧ повтӧмӧсь да помӧдз кутам зумыда кутчысьны лачаас, мыйӧн ошйысям.

Еврейяслы 7:20

Кыв сетӧмӧн вӧлі вынсьӧдӧма пыр кежлӧ Аркирейӧ пуктӧмсӧ.

Еврейяслы 11:6

Эскытӧгыд Енмыслы он шогмы. Ӧд Ен дінӧ локтысьлы колӧ эскыны, мый Енмыс эм, и мый Сійӧс корсьысьлы Сійӧ сетӧ тырдон.

Яков 4:8

Матыстчӧй Ен дінас, и Сійӧ матыстчас тіян дінӧ. Мыськӧй кинытӧ, мыж вӧчысьяс! Кык бана шаньгаяс, сӧстӧммӧдӧй сьӧлӧмнытӧ!