Еврейяслы 7:18 - Коми Библия 2023

¹⁸ Воддза тшӧктӧмсӧ вӧлі бырӧдӧма, ӧд сійӧ вӧлі вынтӧм да ковтӧм.

Еврейяслы 7:18 Referans Kwoze

Римӧ 8:3

Ен вӧчис сійӧ, мый эз вӧв вермана Индӧдыслы, ӧд мортлӧн тшыкӧм вир-яй вӧсна Индӧдыс вӧлі вынтӧм. Миян мыжъяс вӧсна Енмыс мӧдӧдіс Ассьыс Писӧ мыжа морт кодьӧн. Тадзи морт вир-яйын Сійӧ мыждіс мортлысь мыжсӧ,

Ап. уджъяс 13:39

Сы пыр быд эскысь лоӧ веськыдӧн да мездмӧ ставсьыс, мыйысь эз вермы мездмыны Мӧисейлӧн Индӧд пыр.

Еврейяслы 7:19

Ӧд Индӧдыс нинӧм эз вермы вайӧдны тыр-бурӧдз. Но миянлы сетӧма лача, коді ёна бурджык Индӧдыс дорысь. Тайӧ лачаыс отсӧгӧн ми матыстчам Ен дінӧ.

Галатӧ 4:9

Но ӧні ті тӧданныд Енсӧ, бурджык шуны, Енмыс тӧдӧ тіянӧс. Сідзкӧ, мыйла ті бӧр бергӧдчанныд муюгыдса ковтӧм жеб вынъяс дінӧ да важ мозыс бара кӧртасянныд сэтчӧ?

1 Тимофейлы 4:8

Вир-яйтӧ ёнмӧдӧмысь бурыс этша, а вежавидзана олӧмысь – уна, ӧд сійӧ сетӧ лача ӧнія да локтана олӧм вылӧ.

Еврейяслы 13:9

Энӧ лэдзӧй кежӧдны асьнытӧ быдпӧлӧс ылӧгвелӧдӧмас. Бурджык, ті кӧ ёнмӧданныд сьӧлӧмнытӧ Енлӧн буралӧмӧн, а онӧ сёян-юан йылысь велӧдӧмӧн. Ӧд татшӧм велӧдӧмыс сы серти олысьяслы нинӧм бурсӧ оз сет.

Галатӧ 3:17

Ме кӧсъя шуны: нёльсё комын во бӧрын петӧм Индӧдыс оз вермы бокӧ вештыны Кристос йылысь Енлысь кӧсйысьӧмсӧ да бырӧдны сійӧс.

Галатӧ 4:21

Висьталӧй меным, Индӧд улын овны кӧсйысьяс, гӧгӧрвоанныд-ӧ ті, мый висьталӧ Индӧдыс?

Галатӧ 3:15

Вокъяс, весигтӧ олӧмас тадзи овлӧ: мортыс кӧ кольӧ ас бӧрсяыс вынсьӧдӧм кӧсйысян гижӧд, сэки некод оз вермы торкны гижӧмасӧ да мыйкӧ содтыны сэтчӧ.

Римӧ 3:31

Сідзкӧ, мый артмӧ? Эскӧмнаным ми бырӧдам Индӧдсӧ? Огӧ. Мӧдарӧ, вынсьӧдам.

Галатӧ 3:21

Индӧдыс ӧмӧй паныд Ен кӧсйысьӧмлы? Абу! Индӧдыс кӧ вермис сетны олӧм, сэки веськыдлунсӧ эськӧ босьтім Индӧдыс пыр.