Еврейяслы 5:1 - Коми Библия 2023

¹ Быд аркирейӧс бӧрйӧны йӧз пӧвстысь да сувтӧдӧны кесъявны Енлы, медым йӧзыслӧн мыжъяс вӧсна вайны висьяс да сетӧмторъяс.

Еврейяслы 5:1 Referans Kwoze

Еврейяслы 8:3

Быд аркирейӧс сувтӧдӧны сы могысь, медым вайны вись да сетӧмтор Енмыслы. Сідзкӧ, миян Аркирейлы, Исуслы, тшӧтш колӧ вӧлі вись вайны Енмыслы.

Еврейяслы 10:11

Крамын кесъялігӧн попъяс быд лун вайӧны ӧтипӧлӧс вись. Но тайӧ висьыс оз вермы бырӧдны мортлысь мыжъяссӧ.

Еврейяслы 11:4

Эскӧмӧн Авель вайис Енлы бурджык вись Каин дорысь. Авельлӧн эскӧм вӧсна Енмыс сибӧдіс сылысь висьсӧ да лыддис сійӧс веськыдӧн. Эскӧмыс вӧсна Авель весиг кулӧм бӧрас сёрнитӧ.

Еврейяслы 9:9

Ставыс тайӧ висьталӧ ӧнія кад йылысь, мый Енлы вайӧм вись да сетӧмтор оз вермы тырвыйӧ сӧстӧммӧдны мортлысь сьӧлӧмсӧ.

Еврейяслы 7:27

Мукӧд аркирейлы моз Сылы абу колана быд лун вись вайны медводз аслас мыжъяс вӧсна, сэсся йӧзлӧн мыжъяс вӧсна. Ӧд Сійӧ вайис нин Асьсӧ вись пыдди ӧтчыдысь да пыр кежлӧ.

Еврейяслы 2:17

Кристослы ковмис лоны морт кодьӧн, Аслас вокъяс кодьӧн, медым лоны бур сьӧлӧма да Енлысь кывзысьысь Аркирейӧн да босьтны Ас вылас йӧзлысь мыжъяссӧ.

Левит 9:7

Ааронлы Мӧисей шуис: «Матыстчы висьпуктанін дорӧ да вай мыжысь висьтӧ да сотан висьтӧ, медым вештыны ассьыд мыжтӧ да войтырлысь мыжсӧ. Сэсся вай войтырлысь висьсӧ, медым вештыны налысь мыжсӧ, кыдзи тшӧктіс Господь».

Левит 8:2

«Босьт аскӧдыд Ааронӧс да сылысь пиянсӧ, налысь попӧн кесъялан паськӧмсӧ, мавтыштан вый, мыжысь вись пыдди ваян ӧшкӧс, кык межӧс да куд тыр шомтӧм нянь.

Римӧ 15:17

Исус Кристос пытшкын ме верма ошйысьны Енлы кесъялӧмӧн.

1 Коринфӧ 15:3

Ме висьтавлі тіянлы медколанаторсӧ, мый ачым босьті сьӧлӧмӧ: Гижӧдыс серти Кристос куліс миян мыжъяс вӧсна.

Еврейяслы 8:4

Сійӧ кӧ кольччис му вылас, сэки эськӧ эз вӧв аркирейӧн, ӧд тані эмӧсь нин Индӧд серти вись вайысьяс.

Еврейяслы 10:12

Кристос ӧтчыдысь вайис мыж вӧсна вись да пуксис Ен веськыдладорӧ пыр кежлӧ.