Еврейяслы 3:8 - Коми Библия 2023

⁸ энӧ чорзьӧдӧй сьӧлӧмнытӧ, кыдзи ті вӧчинныд овтӧминын, кор кыпӧдчинныд Меным паныд да дӧзмӧдінныд Менӧ.

Еврейяслы 3:8 Referans Kwoze

Шусьӧгъяс 28:14

Енмысь полысь – майбыр, сьӧлӧмсӧ чорзьӧдысь лёкас веськалӧ.

Петӧм 17:7

Татчӧсінлы Мӧисей сетіс Масса да Мерива ним, ӧд Израиль пиян дӧзмӧдісны Господьӧс да шуасисны: «Миянкӧд-ӧ Господь али абу?»

Даниил 5:20

Но ачыс сійӧ вылӧ кыпӧдчис, чорзьӧдіс сьӧлӧмсӧ да пондіс этш тӧдтӧг ышнясьны, и сійӧс вӧлі шыбитӧма ӧксылӧн юралан пуклӧсысь, сійӧ воштіс ассьыс нималӧмсӧ.

Еремей 7:26

Но ті энӧ кывзӧй Менӧ, энӧ сибӧдӧй Менсьым кывъясӧс. Ті асныралінныд да вӧчинныд лёксӧ асланыд батьяс дорысь унджык на.

Матвей 13:15

Чорзьӧма тайӧ войтырыслӧн сьӧлӧмныс, найӧ сьӧкыд пеляӧсь, куньса синмаӧсь. Аддзынысӧ оз зільны, кывзынысӧ оз кӧсйыны, сьӧлӧмнаныс оз гӧгӧрвоны. Мелань бергӧдчынысӧ оз кӧсйыны, медым Ме бурдӧді найӧс.

Шусьӧгъяс 29:1

Ӧлӧдӧм бӧрын коді асныралӧ, сійӧс тӧдлытӧг лоӧ жугӧдӧма, и сійӧ оз нин бурд.

Иов 9:4

Енмыс – ыджыд мывкыдлуна, вынасьыс-вына, Сылы паныд кыпӧдчӧмысь мортлы бурыс оз ло.

Петӧм 8:15

Кор фараон аддзис, мый мынісны жабаясысь, сійӧ чорзьӧдіс сьӧлӧмсӧ, эз кут кывзыны Мӧисейӧс да Ааронӧс. Та йылысь водзвыв висьтавліс Господь.

Псалтыр 106:14

Сійӧ петкӧдіс найӧс пемыдсьыс, сап пемыдсьыс, жугліс налысь чепъяссӧ.

2 Каднебӧг 36:13

Седекей кыпӧдчис Навукодоносор ӧксылы паныд, кодлы Ен водзын кыв сетіс, мый лоас ӧксылӧн кипод улын. Седекей пыксис да чорзьӧдіс сьӧлӧмсӧ, эз кӧсйы бергӧдчыны Израильлӧн Господь Ен дінӧ.

Индӧд 6:16

Энӧ дӧзмӧдӧй Господьӧс, ассьыныд Ентӧ, кыдзи дӧзмӧдінныд Сійӧс Массаын.

1 Коринфӧ 10:9

Энӧ дӧзмӧдӧй Кристосӧс, кыдзи дӧзмӧдісны кодсюрӧ миян батьяс пӧвстысь, сэсся найӧ кулісны змейясысь.

Ап. уджъяс 19:9

Но эскӧм пыдди кодсюрӧ чорзьӧдчисны да став йӧз водзас омӧльтісны ”Господь туй” йылысь велӧдӧмсӧ. Сэки Павел эновтіс тайӧ йӧзсӧ, велӧдчысьясыскӧд муніс сэтысь. Тайӧ кадсяньыс сійӧ быд лун сёрнитіс-велӧдіс Тиранлӧн велӧданінын.

Неемий 9:16

Но найӧ, миян батьяс, пыксисны, асныралісны да эз кывзыны Тэнсьыд тшӧктӧмъястӧ.

Ӧксыяслӧн 1 небӧг 6:6

Энӧ чорзьӧдӧй сьӧлӧмнытӧ, кыдзи коркӧ чорзьӧдчисны египетсаяс да фараон. Найӧ лэдзисны Израиль войтырӧс Египет муысь сӧмын сэки, кор Господь петкӧдліс Ассьыс вынсӧ.

Лыд 14:11

Господь шуис Мӧисейлы: «Дыр-ӧ на тайӧ войтырыс нинӧмӧ пуктӧ Менӧ? Ме вӧчи уна шензьӧданатор на пӧвстын, но найӧ пыр на оз эскыны Меным.

2 Каднебӧг 30:8

Ӧні батьясныд моз энӧ асныралӧй. Сетчӧй Господьлы да локтӧй Сылӧн крамӧ, кодӧс Сійӧ вежӧдіс пыр кежлӧ. Кесъялӧй Господьлы, асланыд Енлы, и Сійӧ вештас тіян вылысь Ассьыс ыпъялан скӧрлунсӧ.

Ӧксыяслӧн 4 небӧг 17:14

Но израильсаяс эз кывзысьны. Найӧ асныралісны асланыс батьяс моз, кодъяс эз эскыны Господьлы, асланыс Енлы.

Псалтыр 95:8

ошкӧй Господьлысь нимсӧ, локтӧй Сылӧн крамбердса йӧръясӧ, вайӧй Сылы козинъяс,

Ап. уджъяс 7:36

Мӧисей петкӧдіс Израиль войтырӧс Египетысь. Уна шензьӧданатор да индысьпас сійӧ вӧчис Египет муын, Гӧрд саридз вуджигӧн да нелямын во чӧж овтӧминын ветлӧдлігӧн.