Еврейяслы 3:16 - Коми Библия 2023

¹⁶ Ӧд Енлысь гӧлӧс шысӧ кылысьяс пиысь кодсюрӧ кыпӧдчисны Енмыслы паныд, но эз ставныс, кодъяс петісны Мӧисейкӧд Египетысь.

Еврейяслы 3:16 Referans Kwoze

Лыд 14:2

Став Израиль войтырыс шуасис Мӧисей да Аарон вылӧ: «Бурджык, ми кӧ кулім Египетын! Бурджык, ми кӧ кулам тайӧ овтӧминас!

Лыд 14:30

Ті онӧ пырӧй сійӧ муас, кытчӧ Ме киӧс лэптӧмӧн кӧсйысьлі овмӧдны тіянӧс. Сэтчӧ пырасны сӧмын Ефуннилӧн Калев пиыс да Навлӧн Исус пиыс.

Индӧд 1:38

но Навлӧн Исус пиыс, коді отсасьӧ тэныд, пырас сэтчӧ. Ышӧд сійӧс, ӧд сылы ковмас пыртны Израиль войтырӧс налы сетӧм муӧ.

Лыд 26:65

Ӧд Господь вӧлі шуӧма налы, мый куласны овтӧминын. Ефуннилӧн Калев пи да Навлӧн Исус пи кындзи наысь некод ловйӧн эз коль.

Лыд 14:38

На пӧвстысь, кодъяс ветлісны видзӧдавны Ханаан му, ловйӧн колины сӧмын Навлӧн Исус пиыс да Ефуннилӧн Калев пиыс.

Лыд 14:24

Но Менам Калев кесйӧг пытшкын мӧд лов, и сійӧ став сьӧлӧмсяньыс кывзысьӧ Менсьым. Та вӧсна Ме вайӧда Калевӧс сійӧ муас, кытчӧ ветліс, и сысянь чужысьяс босьтасны аслыныс кӧсйысьӧм мусӧ.

Лыд 14:4

Йӧзыс ӧта-мӧдныслы кутісны шуавны: «Бӧръям аслыным выль веськӧдлысьӧс да бӧр бергӧдчам Египетӧ!»

Лыд 14:11

Господь шуис Мӧисейлы: «Дыр-ӧ на тайӧ войтырыс нинӧмӧ пуктӧ Менӧ? Ме вӧчи уна шензьӧданатор на пӧвстын, но найӧ пыр на оз эскыны Меным.

Еремей 32:29

Тайӧ карсӧ кытшалысь калдеяса тышкайӧз пырасны татчӧ. Найӧ сотасны карсӧ керкаяснас, кӧні вевт вылас тшынӧдчисны Ваал идоллы да вайисны вина вись мукӧд енъяслы, и тадзи дӧзмӧдісны Менӧ.

Еремей 44:3

Тайӧ каръясас олысьясыс кесъялісны да сотісны висьяс мукӧд енъяслы. Татшӧм лёк вӧчӧмнаныс найӧ скӧрмӧдісны Менӧ. Тайӧ енъяссӧ найӧ эз тӧдлыны, энӧ тӧдлӧй ни ті ни тіян батьясныд.

Еремей 44:8

Ті дӧзмӧданныд Менӧ асланыд киӧн вӧчӧмторъясӧн. Ті сотанныд висьяс мукӧд енъяслы Египет муын, кытчӧ ті овмӧдчинныд. Тадзи ті асьнытӧ бырӧданныд. Мувывса став войтыръяс кутасны ёрны да лёкӧдны тіянӧс.

Иуда 1:5

Ті, дерт, тӧданныд нин ставсӧ, но кӧсъя казьтыштны тіянлы, мый Господь мездіс Ассьыс войтырсӧ Египет муысь, но бӧрыннас на пӧвстысь бырӧдіс эскытӧмъясӧс.