Еврейяслы 3:1 - Коми Библия 2023

¹ Вокъяс, ме шыася тіян дінӧ, вежа войтыр да Енлӧн корӧмаяс дінӧ: видзӧдӧй Исус Кристос вылӧ. Сійӧс Енмыс мӧдӧдіс, Сійӧ – Аркирей, кодлы ми эскам.

Еврейяслы 3:1 Referans Kwoze

2 Тимофейлы 1:9

Енмыс мездіс миянӧс да корис вежа олӧмас эз миян уджъясным вӧсна. Сійӧ сетіс миянлы Ассьыс буралӧмсӧ олӧм пуксьытӧдзыс на Исус Кристос пытшкын.

Филипӧ 3:14

да воны помӧдзыс, мед босьтны тырдонсӧ – енэжвывса олӧм, кытчӧ Енмыс корӧма миянӧс Исус Кристос пыр.

Еврейяслы 7:26

Дзик татшӧм аркирей колӧ миянлы: вежа, сӧстӧм да мыжтӧм, кодӧс торйӧдӧма мыжа йӧзысь да кыпӧдӧма енэжсьыс вылӧджык на.

Ефесӧ 4:1

Ме, Господьлы кесъялӧм вӧсна дзескыдінын пукалысь, кора тіянӧс: олӧй сідзи, кыдзи колӧ овны Енлӧн корӧмаяслы.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

Еврейяслы 2:17

Кристослы ковмис лоны морт кодьӧн, Аслас вокъяс кодьӧн, медым лоны бур сьӧлӧма да Енлысь кывзысьысь Аркирейӧн да босьтны Ас вылас йӧзлысь мыжъяссӧ.

Еврейяслы 10:21

Миян эм ыджыд Аркирей, Сійӧ кывкутӧмӧн веськӧдлӧ ставнас Ен керканас.

Ефесӧ 4:4

Вир-яйыс ӧти, Лолыс ӧти, лачаыс, кытчӧ тіянӧс корӧма, тшӧтш ӧти.

1 Фессалоникаӧ 2:12

Ми туйдӧдім-ышӧдім тіянӧс да корим овны Ен ногӧн, коді корис тіянӧс Аслас Юраланінӧ да дзирдлунӧ.

1 Коринфӧ 9:23

Ставсӧ тайӧс вӧча Евангелльӧ вӧсна, мед меным тшӧтш вичмас сылӧн бурсиӧмыс.

2 Тимофейлы 2:7

Вежӧрт, мый висьтала. Господь мед отсалас тэныд ставсӧ гӧгӧрвоны.

1 Тимофейлы 6:12

Зумыда вермась эскӧм вӧсна, кутчысь помтӧм олӧмас, кытчӧ Енмыс корис тэнӧ. Ӧд уна йӧз водзын тэ восьсӧн висьтасин аслад эскӧм йылысь.

Римӧ 15:8

Ме тадзи гӧгӧрвоа: Исус Кристос локтіс кесъявны иудейяслы, медым збыльмӧдны батьяслы кӧсйысьӧмсӧ да петкӧдлыны, мый Енмыс кутӧ Ассьыс кывсӧ.

Еврейяслы 2:11

Вежӧдысьыс да вежа войтырыс – ӧти Батьсянь. Та вӧсна Исус оз яндысь шуны вежа войтырӧс Аслас вокъясӧн.

Иоан 20:21

Исус шуис налы мӧдысь: «Лӧнь олӧм тіянлы! Кыдзи Бать мӧдӧдіс Менӧ, сідзи Ме мӧдӧда тіянӧс».

Аггей 1:5

Господь Саваоф тадзи висьталӧ: – Видзӧдлӧй, кыдзи ті оланныд!

Псалтыр 110:4

Сылысь шензьӧданаторъяссӧ огӧ вунӧдӧй. Господь – бур да мелі сьӧлӧма.

Иуда 1:1

Гижӧ Иуда, Исус Кристослӧн кесйӧг, Яковлӧн вок. Чолӧмала тіянӧс, кодъясӧс Ен Бать корис да вежӧдіс. Исус Кристос видзӧ тіянӧс.

Еврейяслы 3:14

Ми кӧ водзысяньыс моз помӧдз кутам эскыны зумыда, сэки миянлы тшӧтш вичмас Кристослӧн озырлуныс.

Исай 1:3

Ӧш тӧдӧ, кодлӧн сійӧ, осёл тӧдӧ ассьыс вердысьсӧ, но Израиль оз тӧд [Менӧ], Менам войтырӧй оз гӧгӧрво, коді сійӧс пӧткӧдӧ.

1 Тимофейлы 6:2

Кесйӧглӧн ыджыдыс кӧ эскысь, и эскӧм сертиныс найӧ вокъяс, кесйӧг мед оз пукты ыджыдсӧ нинӧм туйӧ. Мӧдарӧ, мед ёнджыка на кесъялӧ ыджыдыслы, ӧд сійӧ кесъялӧ муса эскысь мортлы. Тадзи велӧд-туйдӧд.

2 Фессалоникаӧ 2:14

Ми висьтавлім тіянлы Бур Юӧрсӧ, код пыр Енмыс корис тіянӧс мездмӧмас, мед миян Господь Исус Кристослӧн дзирдлуныс вичмис тіянлы.

2 Фессалоникаӧ 1:11

Ми дугдывтӧг кевмысям тіян вӧсна, медым Енным вӧчас тіянӧс шогмана корӧмаясӧн, и Аслас вынӧн ёнмӧдас кӧсйӧмнытӧ бурсӧ вӧчны да отсалас помӧдз вайӧдны эскӧм пыр уджъяснытӧ.

1 Фессалоникаӧ 5:27

Кора тіянӧс Господь нимӧн: лыддьӧй тайӧ гижӧдсӧ став вежа вокъяслы.

Колосӧ 3:12

Сідзкӧ, лоӧй бур сьӧлӧмаӧсь, меліӧсь, авъяӧсь да рамӧсь, терпитӧй ӧта-мӧднытӧ. Ті ӧд Енлӧн бӧрйӧмаяс, вежаяс да Сылӧн мусаяс.

Колосӧ 1:22

Ӧні Сійӧ бурӧдіс тіянӧс Аскӧдыс Кристос вир-яйын, Сылӧн кулӧмыс пыр, медым сувтӧдны тіянӧс Ас водзас вежаӧн, сӧстӧмӧн да мыжтӧмӧн.

Колосӧ 1:12

Аттьӧалӧй Ен Батьӧс, ӧд Сійӧ вӧчис миянӧс шогманаясӧн, медым ми тшӧтш вермим босьтны Югыдінас вежа войтырлы вичмӧдӧмасӧ.

2 Коринфӧ 1:7

Та вӧсна ми кутам тіян вылӧ зумыд лача. Енмыс кӧ бурӧдӧ миянӧс – тіянлы тшӧтш вичмӧ бурӧдӧмыс да мездмӧмыс. Ми тӧдам, ті кӧ миян моз нуанныд сьӧкыдсӧ, сідзкӧ, миянлы моз тіянлы тшӧтш вичмас бурӧдӧмыс.

1 Коринфӧ 1:2

ми чолӧмалам тіянӧс, Енлысь коринфса вичкосӧ. Исус Кристос пыр Енмыс вежӧдіс тіянӧс да корис лоны Аслас вежа войтырӧн. Ми чолӧмалам быдӧнӧс, коді быдлаын миян моз шыасьӧ Исус Кристос Господьным дінӧ.

Римӧ 15:27

Тадзи шуисны вӧчны, ӧд найӧ уджйӧзаӧсь иудейяслы. Иудейяс пыр ентӧдтӧмъяслы вичмис енэжвывса бурсиӧмыс, та вӧсна налы колӧ отсавны иудейяслы быдлунъя олӧмын.

Римӧ 11:17

Быдтӧм олив пуысь кӧ ӧткымын вож чегисны, а тэнӧ, вӧрса олив пу вожӧс, йитісны чегӧминас, и тэ мукӧд вожыскӧд ӧти вужсянь кутін босьтны быдман вынсӧ,

Римӧ 9:24

”Буралӧмыслӧн дозъясыс” – тайӧ ми, ӧд Ен корис миянӧс. Корис эз сӧмын иудейясӧс, но тшӧтш мукӧд войтыръясӧс.

Иоан 20:27

Сэсся шуис Фомалы: «Вайлы чуньтӧ да видзӧдлы Менсьым киӧс. Нюжӧдлы китӧ да пуктыв Менам ордлыӧ. Эн ло эскытӧмӧн, но ло эскысьӧн».

Аггей 2:15

– Ӧні видзӧдлӧй, мый лоӧ тайӧ лунсяньыс да водзӧ. Видзӧдлӧй, мый вӧлі тайӧ кадӧдзыс, кор Господьлӧн крамын абу на вӧлі пуктӧма из вылӧ из.

Езекиль 18:28

Сійӧ кӧ бергӧдчас аслас мыжысь, сійӧ оз кув, а кутас овны.

Езекиль 12:3

Морт пиӧй, лӧсьӧд ноп да луннас налӧн син водзын пленӧ босьтӧм морт моз мӧдӧдчы мунны мӧдлаӧ. Гашкӧ, тайӧ войтырыс гӧгӧрвоас, мый найӧ асныраӧсь.

Исай 41:20

медым йӧзыс аддзасны да тӧдмаласны, видзӧдласны да гӧгӧрвоасны, мый Господьлӧн киыс вӧчис тайӧс, Израильлӧн вежа Ен артмӧдіс тайӧс.

Исай 5:12

Налӧн гажӧдчанінын ворсӧны гуслиӧн да арфаӧн, тимпанӧн да пӧлянӧн. Сэні шорӧн киссьӧ вина! Но Господьлысь уджъяссӧ найӧ оз аддзыны, Сылысь вӧчӧмторъяссӧ оз казявны.

Восьтӧм 18:20

– Нимкодясь, енэжыс! Нимкодясьӧй, вежа апостолъяс да пророкъяс! Енмыс мыждіс тайӧ карсӧ тіянлы лёк вӧчӧмысь.

Восьтӧм 17:14

Найӧ кутасны тышкасьны Балякӧд, но Баля вермас найӧс, ӧд Сійӧ – ыджыдъяслӧн Ыджыдыс да ӧксыяслӧн Ӧксыыс. Сыкӧд тшӧтш лоӧны Сылӧн корӧмаясыс, бӧрйӧмаясыс да эскана йӧзыс».

1 Иоан 1:3

Аддзывлӧм-кывлӧмыс йылысь висьталам тіянлы, мед эськӧ ті вӧлінныд миянкӧд ӧтув. А ми ӧтувъяӧсь Батькӧд да Сылӧн Исус Кристос Пиыскӧд.

1 Петыр 5:10

Тіянлы этша нин колис сьӧкыдавны. Та бӧрти буралӧмнас озыр Ен, коді корис тіянӧс Исус Кристос пыр Аслас бырлытӧм дзирдлунӧ, мед ёнмӧдас да зумыдмӧдас тіянӧс да вӧчас тыр-буръясӧн.

1 Петыр 5:1

Ӧні ме шыася вичкоса юрнуӧдысьяс дінӧ. Ачым ме тшӧтш вичкоса юрнуӧдысь, ме аддзылі Кристослысь сьӧкыдалӧмсӧ, и меным тшӧтш вичмас воссяна дзирдлуныс. Ме ёна кора тіянӧс:

1 Петыр 3:5

Тадзи асланыс верӧсныслысь кывзысьӧмӧн важӧн мичмӧдлісны асьнысӧ вежа аньяс, Ен вылӧ лача кутысьяс.

Еврейяслы 9:11

Кор локтіс Кристос, бурсӧ вайысь Аркирей, Сійӧ кутіс кесъявны ёна бурджык да ыджыдджык вежа чомйын, мый вӧчӧма абу киӧн, абу мувывса ног.

Еврейяслы 6:20

Миянысь водзджык сэтчӧ пырис Исус да восьтіс миянлы туй. Мелкиседек моз Сійӧ пыр кежлӧ лоис Аркирейӧн.

Ефесӧ 3:6

Тайӧ гусяторйыс татшӧм: иудейяс моз ентӧдтӧмъяс тшӧтш босьтасны Енсянь вичмӧдӧмасӧ, ӧд Бур Юӧр кылӧм бӧрын найӧ ӧтувтчисны Исус Кристоскӧд. Сідзкӧ, найӧ – ӧти вир-яйлӧн юкӧнъяс, налы тшӧтш вичмӧ Енлӧн кӧсйысьӧмыс.

1 Коринфӧ 10:17

Няньыс ӧти. Ми тшӧтш ӧти вир-яй, ӧд ми ставным тайӧ ӧти няньсӧ сёям, кӧть ми унаӧн.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

Ап. уджъяс 1:15

Сійӧ лунъясӧ чукӧртчис сё кызь гӧгӧр велӧдчысь. На шӧрӧ сувтӧмӧн Петыр шуис:

2 Коринфӧ 9:13

Тіянлысь бур вӧчӧмнытӧ аддзигӧн вежа войтыр кутас ошкыны Енсӧ, ӧд ті кывзысьӧмӧн оланныд Кристослӧн Евангелльӧ серти, мый йылысь восьсӧн висьтавланныд. Найӧ ошкӧны Енсӧ, ӧд ті лышкыда юксянныд накӧд, тшӧтш мукӧдыскӧд.

Еврейяслы 3:12

Вокъяс, видзчысьӧй, тіян пиысь мед некод эз вӧв эскытӧмӧн, эз ов лёк мӧвпъясӧн, медым энӧ кежӧй ловъя Енмысь.

Еврейяслы 7:28

Индӧд серти аркирейӧн вермис лоны морт, кодлӧн эмӧсь тырмытӧмторъяс. Но Индӧдыс бӧрын Енмыс кыв сетӧмӧн пуктіс Аркирейӧ Ассьыс вежсьывлытӧм тыр-бур Писӧ.

Еврейяслы 9:15

Сійӧн Кристос лои Енма-морта костын Выль Йитӧд Кӧрталысьӧн. Аслас кулӧмӧн Кристос вештысис воддза йитӧд дырйи вӧчӧм мыжъясысь, медым Енлӧн корӧмаяслы пыр кежлӧ вичмис Енсянь кӧсйысьӧмыс.

Еврейяслы 10:19

Вокъяс, Исус Кристослӧн вирӧн ми вермам повтӧг пырны Вежасьыс-вежаинӧ, ӧд Сійӧ восьтіс миянлы выль туй, олӧмас нуӧдысь туй.

Еврейяслы 10:23

Зумыда кутчысямӧй лачаас да сы йылысь восьсӧн висьтасьӧмас, ӧд миянлы Кӧсйысьысьыс эскана.

Еврейяслы 13:22

Вокъяс, кора тіянӧс: терпитӧмӧн сибӧдӧй менсьым ышӧдана кывъясӧс, ӧд ме гижи тіянлы дженьыдика.