Еврейяслы 2:2 - Коми Библия 2023

² Ӧд анделъяс пыр висьталӧм юӧрыс кӧ вӧлі вына, да быд кывзысьтӧмлунысь да лёк вӧчӧмысь кӧ мыждылісны веськыда,

Еврейяслы 2:2 Referans Kwoze

Ап. уджъяс 7:53

Анделъяс вайисны тіянлы Индӧдсӧ, но ті энӧ олӧй сы серти».

Галатӧ 3:19

Мыйла, сідзкӧ, колӧ Индӧдыс? Сійӧс сетӧма вӧлі бӧрынджык йӧзыслӧн мыж вӧчӧм вӧсна, и вӧлі вына кӧсйысьӧм серти чужысьлӧн локтӧдз. Индӧдсӧ сетӧма анделъяс пыр да шӧракостас сулалысьлӧн киӧн.

Еврейяслы 10:28

Мӧисейлысь Индӧдсӧ торкысьӧс кӧ кык либӧ куим мортлӧн висьталӧм серти нем жалиттӧг мыждылісны кулӧм вылӧ,

Иуда 1:5

Ті, дерт, тӧданныд нин ставсӧ, но кӧсъя казьтыштны тіянлы, мый Господь мездіс Ассьыс войтырсӧ Египет муысь, но бӧрыннас на пӧвстысь бырӧдіс эскытӧмъясӧс.

Индӧд 27:26

”Ёрӧм улӧ веськалӧ быдӧн, коді оз ов тайӧ Индӧдыс серти”. И став войтырыс мед шуас: ”Мед лоӧ тадзи!”»

Еврейяслы 11:26

Кристос вӧсна лёкӧдӧмсӧ Мӧисей лыддис ыджыдджык озырлунӧн египетса став озырлун дорысь. Ӧд сійӧ тӧдіс, мый сылы лоӧ сетӧма тырдон.

Еврейяслы 10:35

Сідзкӧ, лоӧй повтӧмӧсь! Ӧд таысь тіянлы вичмас ыджыд тырдон.

Индӧд 17:12

Но коді кутас ышнясьны да оз кывзысь поплысь, коді кесъялӧ сэні Господь Енныд водзын, либӧ оз кывзысь [сійӧ кадас уджалысь] ёрдысьлысь, сійӧс колӧ вины. Бырӧдӧй Израильысь лёксӧ.

Индӧд 17:5

сэки сійӧс вӧчысь айловӧс либӧ аньӧс вайӧдӧй карса дзиръя дорӧ да изъялӧй кувтӧдзыс.

Еврейяслы 11:6

Эскытӧгыд Енмыслы он шогмы. Ӧд Ен дінӧ локтысьлы колӧ эскыны, мый Енмыс эм, и мый Сійӧс корсьысьлы Сійӧ сетӧ тырдон.

Еврейяслы 1:1

Енмыс важысянь унаысь да уна ногӧн шыасьліс миян батьяс дінӧ пророкъяс пыр.

Псалтыр 68:17

Господьӧй, вочавидз меным, ӧд Тэ бур сьӧлӧма. Ыджыд буралӧмыд кузя видзӧдлы ме вылӧ.

Индӧд 17:2

Господьӧн, тіян Енмӧн, сетӧм карын кӧ айлов либӧ ань вӧчас Господь Енныд водзын шогмытӧмсӧ – торкас йитӧдсӧ, мый Сійӧ кӧрталіс тіянкӧд,

Лыд 25:9

Бырӧдӧмаяслӧн лыдыс вӧлі кызь нёль сюрс морт.

Лыд 21:6

Господь мӧдӧдіс Израиль войтыр вылӧ чушкысь змейясӧс. Налӧн чушкалӧмысь унаӧн кулісны.

Лыд 16:49

Корейлӧн мыж вӧсна кулӧмаясысь ӧтдор вӧлі бырӧдӧма дас нёль сюрс сизимсё мортӧс.

Лыд 11:33

Сёйиганыс, кор яйыс вӧлі воманыс на, ӧзйис Господьлӧн скӧрлуныс. Господь чорыда мыждіс войтырсӧ – унаӧн висьмисны да кулісны.

Индӧд 32:2

Велӧдӧмӧй зэр моз киссьӧ, сёрниӧй лысва моз усьӧ, быдмӧгӧс моз юкталӧ, турунӧс моз киськалӧ.

Еврейяслы 12:25

Видзчысьӧй, медым энӧ бергӧдчӧй тіянлы Висьталысьысь! Енмыс сёрнитіс му вылас Израиль войтыркӧд, но найӧ бергӧдчисны Сыысь. Та вӧсна найӧс вӧлі мыждӧма. Сідзкӧ, миянӧс ёнджыка на лоӧ мыждӧма, огӧ кӧ кывзӧй енэжсянь Висьталысьӧс.

2 Петыр 1:19

Нӧшта на, миян эм пророкъяслӧн веськыд кыв. Ті бура вӧчанныд, кутчысянныд кӧ тайӧ кывъяс пемыдын ӧзйысь биӧ моз, кытчӧдз оз во лунъюгыдыс да оз мыччысь асъя кодзулыс тіян сьӧлӧмын.