Еврейяслы 13:4 - Коми Библия 2023

⁴ Гозъякост олӧмныд мед лоӧ сӧстӧм, вольпасьныд мед лоӧ пежасьтӧм, ӧд кырсалысьӧс да гозъякост олӧм пежалысьӧс мыждас Ен.

Еврейяслы 13:4 Referans Kwoze

Олӧм 2:24

Та вӧсна морт кольӧ бать-мамсӧ да ӧтлаасьӧ гӧтырыскӧд, и тайӧ кыкыс лоӧ ӧти вир-яй».

Галатӧ 5:19

Вир-яйлӧн уджыс тӧдса: тайӧ – гозъякост олӧм пежалӧм, кырсалӧм, пеж вӧчӧм, лэдзчысьӧм оласног,

Галатӧ 5:21

вежалӧм, виӧм, кодалӧм-гажӧдчӧм да мукӧд шогмытӧмтор на. Водзынсӧ висьтавлі нин, ӧні нӧшта висьтала: татшӧмторсӧ вӧчысьлы Енлӧн Юраланіныс оз вичмы.

1 Коринфӧ 6:9

Ті ӧмӧй онӧ тӧдӧй, мый лёксӧ вӧчысьяслы оз вичмы Енлӧн Юраланіныс. Энӧ ылӧдлӧй асьнытӧ! Кырсалысьлы, идоллы юрбитысьлы, гозъякост олӧм пежалысьлы, пеж оласногалы, ӧта-мӧдныскӧд узьлысь айуловлы,

Ефесӧ 5:5

Тӧдӧй, мый Кристослӧн да Енлӧн Юраланіныс оз вичмы ни ӧти кырсалысьлы, пеж оласногалы да горшасьысьлы, коді копрасьӧ озырлунлы Енмыслы пыдди.

1 Тимофейлы 3:12

Вичкоса отсасьысь мед вӧлі ӧти гӧтыра, бура веськӧдліс гортнас да ныв-пинас.

1 Тимофейлы 3:4

аслас гортсанас бура веськӧдлӧ. Сылӧн ныв-пиыс кывзысьӧны сылысь да пыдди пуктӧны сійӧс.

1 Коринфӧ 7:38

Та вӧсна, мортыс кӧ гӧтрасьӧ – бура вӧчӧ, а оз кӧ – нӧшта на бурджыка.

Олӧм 2:21

Сэки Господь Ен унмовськӧдіс мортӧс. Кор мортыс чорыда узис, Ен босьтіс сылысь ӧти ордлы, а босьтӧминсӧ тупкис яйӧн.

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Титлы 1:6

Юрнуӧдысь мед вӧлі бур оласнога, ӧти гӧтыра, ныв-пиыс мед эскисны, быдторйын кывзысисны да лэдзчысьӧмӧн эз овны, на йылысь мед эз кыв лёк сёрни.

1 Тимофейлы 5:14

Та вӧсна кӧсъя, медым том дӧваяс верӧс сайӧ петісны, кага чужтісны да гортныс вӧсна тӧждысисны. Сэки найӧ оз сетны помкасӧ паныд сувтысьяслы омӧльтны эскысьясӧс.

1 Тимофейлы 4:3

Найӧ оз лэдзны гӧтрасьны да сёйны сійӧ, мый Енмыс вӧчис. Но Енмыс вӧчис сёянсӧ, медым эскысьяс, збыльсӧ тӧдысьяс, сёйисны сійӧс Енсӧ аттьӧалӧмӧн.

2 Коринфӧ 5:10

Миянлы ӧд быдӧнлы ковмас сувтны Кристослӧн ёрд водзӧ. Сэки быдӧнӧс лоӧ мыждӧма уджъясыс серти: бурсӧ али лёксӧ мортыс вӧчис вир-яйын олігас.

1 Коринфӧ 9:5

Гашкӧ, миянлы оз позь мукӧд апостолыс моз босьтны аскӧд эскысь гӧтырӧс? Ӧд тадзи вӧчӧны Господьлӧн вокъяс да Кифа.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

1 Тимофейлы 3:2

Вичкоса веськӧдлысьӧн вермӧ лоны сӧмын сӧстӧм оласнога, ӧти гӧтыра, садь да сюсь вежӧра, бур оласнога морт. Ветлысь-мунысьӧс сибӧдӧ, кужӧ велӧдны,

Исай 8:3

Ме узи гӧтыркӧд, и сійӧ сьӧктаммис. Сэсся пи чужтіс. Господь шуис меным: «Нимсӧ сылы пукты Магер-Шалал-Хаш-Баз.

Ӧксыяслӧн 4 небӧг 22:14

Хилки поп, Ахикам, Акбор, Шафан да Асай мунісны Олдана пророк ань дінӧ. Сылӧн верӧсыс вӧлі Шаллум, коді вӧлі вежа паськӧм видзысьӧн. Шаллумлӧн батьыс вӧлі Тиквай, Тиквайлӧн – Хархас. Олдана оліс Ерусалим карлӧн мӧд юкӧнас. Локтысьяс висьталісны сылы ӧксылысь корӧмсӧ.

Еврейяслы 12:16

Тіян пӧвстын мед оз ло ни ӧти кырсалысь да Исав моз Енсьыс кежысь. Тасьті шыд вылӧ сійӧ вежис ассьыс медводдза чужысь нимсӧ.

Левит 18:20

Мӧдлӧн гӧтыркӧд эн узьлы, эн пежав асьтӧ.

Индӧд 22:22

Айловӧс кӧ суасны мӧдлӧн гӧтыркӧд узигӧн, кыкнаннысӧ колӧ вины. Бырӧдӧй Израильысь лёксӧ.

1 Коринфӧ 6:18

Сідзкӧ, энӧ кырсалӧй! Мукӧд мыжсӧ мортыд оз аслас вир-яйлы паныд вӧч, а кырсалысь аслас вир-яйлы паныд мыж вӧчӧ.

1 Фессалоникаӧ 4:6

Эскысь мед оз вӧч лёксӧ мӧд эскысьлы, оз ылӧдлы сійӧс, ӧд Господь мыждас таысь. Та йылысь висьтавлім нин тіянлы да ӧлӧдлім тіянӧс.

Левит 15:18

Айловлӧн кӧ петас кӧйдысыс, кор узьлӧ анькӧд, налы кыкнанныслы колӧ мыссьыны. Рытӧдзыс найӧ лоӧны пежӧсь.

Иов 31:12

Татшӧм мыжыс эськӧ кушӧдз нетшкис менсьым быдмӧм няньӧс, би моз эськӧ ньылыштіс да бырӧдіс ставсӧ.