Еврейяслы 13:2 - Коми Библия 2023

² Энӧ вунӧдӧй сибӧдны ветлысь-мунысьясӧс. Тадзи вӧчигӧн ӧткымынӧн сибӧдісны анделъясӧс, весиг асьныс та йылысь эз тӧдны.

Еврейяслы 13:2 Referans Kwoze

Матвей 25:35

Кор Менам кынӧмӧй сюмаліс, ті Менӧ вердінныд, кор горшӧй косьмис, ті Менӧ юкталінныд. Кор Ме локті мӧд муысь, ті Менӧ керкаад сибӧдінныд,

Олӧм 18:1

Господь петкӧдчис Ӧвраамлы Мамре тупу раскын, кор лунся пӧжигӧн сійӧ пукаліс чом пыранінас.

Римӧ 12:13

Вежа войтырлы отсалӧй абутӧмлун дырйиныс, сибӧдӧй ветлысь-мунысьясӧс,

1 Петыр 4:9

Сибӧдӧй ӧта-мӧднытӧ шуасьтӧг.

Матвей 25:43

Кор Ме локті мӧд муысь, ті Менӧ энӧ сибӧдӧй, кор вӧлі пасьтӧм, ті Менӧ энӧ пасьтӧдӧй. Висигӧн ті энӧ видлалӧй Менӧ, дзескыдінын пукалігӧн энӧ волывлӧй Ме дінӧ”.

Титлы 1:8

ветлысь-мунысьӧс мед сибӧдіс, бурсӧ радейтіс, вӧлі сюсь вежӧра, быдторйын веськыд, вежавидзысь да кужис асьсӧ кутны.

Иов 31:32

Йӧз муысь локтысьӧс эг кольлы ывлаӧ, менам ӧдзӧсӧй пыр вӧлі восьса.

Левит 19:34

Йӧз муысь локтысьясӧс, кодъяс олӧны тіян пӧвстын, лыддьӧй вужвойтырӧн. Радейтӧй найӧс асьнытӧ моз. Ӧд Египетын ті асьныд вӧлінныд локтысь войтырӧн. Ме – Господь, тіян Енныд.

Матвей 25:40

Ӧксы шуас налы: ”Веськыда висьтала тіянлы: тайӧс кӧ ті вӧчинныд Менам ичӧт вокъясысь ӧтилы, сідзкӧ, вӧчинныд Меным”.

1 Тимофейлы 5:10

да тӧдӧны кӧ сійӧс бур уджъясыс серти: сійӧ бур ногӧн быдтӧма-велӧдӧма ныв-писӧ, сибӧдӧма ветлысь-мунысьӧс, мыськалӧма вежа войтырлысь кокнысӧ, отсалӧма сьӧкыдалысьяслы да вӧчӧма быд бурсӧ.

1 Тимофейлы 3:2

Вичкоса веськӧдлысьӧн вермӧ лоны сӧмын сӧстӧм оласнога, ӧти гӧтыра, садь да сюсь вежӧра, бур оласнога морт. Ветлысь-мунысьӧс сибӧдӧ, кужӧ велӧдны,

Римӧ 16:23

Чолӧм Гайсянь. Сійӧ сибӧдӧ ас ордас став эскысьсӧ, тшӧтш и менӧ. Тіянлы ыстӧны чолӧм Кварт вок да карса сьӧм видзысь Ераст.

Исай 58:7

тшыгъялыськӧд юк няньтӧ, коньӧр шӧйтысьӧс вайӧд гортад, пасьтӧмӧс пасьтӧд, рӧдвужыдлӧн отсӧг корӧмысь эн бергӧдчы.

Ап. уджъяс 16:15

да сійӧ став гортсаыскӧд пыртчис. Сэсся шуис миянлы: «Ті кӧ лыддянныд менӧ Господьлы эскысьӧн, пырӧй менам керкаӧ да олӧй ме ордын». Сійӧ корӧмӧн корис миянӧс ас дорас.

Иов 31:19

Ме кӧ аддзывлі кынмысьӧс, коді вӧлі куланвыйын, коньӧрӧс, кодлӧн эз вӧв мыйӧн вевттьысьны,

Ӧксыяслӧн 4 небӧг 4:8

Ӧтчыд Елисей локтіс Шунем карӧ. Сэні оліс зэв озыр ань. Сійӧ ёна корис Елисейӧс пыравны сы ордӧ сёйны. И быд пӧрйӧ, кор Елисей волывліс тайӧ карас, сійӧ пыравліс сёйны тайӧ аньыс ордӧ.

Олӧм 19:1

Рытнас тайӧ кык анделыс локтісны Содомӧ. Карса дзиръя дорын пукаліс Лот. Сійӧ аддзис локтысьясӧс да чеччис найӧс вочаавны. Муӧдзыс копыртчӧмӧн шыасис на дінӧ:

3 Иоан 1:5

Муса вокӧй, вокъяс да локтысьяс вӧсна тэнад тӧждысьӧмыд петкӧдлӧ, мый тэ эскана морт.