Еврейяслы 13:12 - Коми Библия 2023

¹² Исус тшӧтш куліс кар ортсыас, медым Аслас вирӧн вежӧдны йӧзсӧ.

Еврейяслы 13:12 Referans Kwoze

1 Коринфӧ 6:11

Кодсюрӧ тіян пӧвстысь тшӧтш вӧлінныд татшӧмӧсь, но миян Господь Исус Кристос нимӧн да Ен Лов вынӧн ті лоинныд сӧстӧмӧсь, вежаӧсь да веськыдӧсь.

Ап. уджъяс 7:58

Сэсся петкӧдісны сійӧс кар сайӧ да пондісны изъявны. Изъялысьяс пукталісны вылыс паськӧмнысӧ Савл нима том мортлӧн кок дорӧ.

Ефесӧ 5:26

медым вежӧдны сійӧс. Сійӧ сӧстӧммӧдіс вичкосӧ ваӧн да кывнас,

Лыд 15:36

Войтырыс петкӧдіс сійӧс чомъяс сайӧ да кувтӧдзыс изъяліс, кыдзи Господь тшӧктіс Мӧисейлы.

Левит 24:23

Мӧисей висьталіс тайӧс Израиль пиянлы. Омӧльтысьӧс петкӧдісны чомъяс сайӧ да изъялісны. Израиль пиян вӧчисны сідзи, кыдзи Господь тшӧктіс Мӧисейлы.

Еврейяслы 10:29

сідзкӧ, кымын пӧв чорыдджыка лоӧ мыждӧма сійӧс, коді талялӧ Енлысь Писӧ, оз лыддьы вежаӧн Енкӧд йитысь да эскысьӧс вежӧдысь вирсӧ, да нӧшта лёкӧдӧ Ловсӧ, коді восьтӧ Енлысь буралӧмсӧ.

Иоан 17:19

Ачымӧс Ме сета Тэныд на вӧсна, медым збыльыс вежӧдас найӧс.

Нав Исус 7:24

Израиль войтыркӧд Исус петкӧдіс Акор ковтысӧ Зерахлысь Акан писӧ, Господьлы сиӧмторйысь босьтӧм паськӧмсӧ, эзысьсӧ да зарни ёкмыльсӧ, тшӧтш сылысь ныв-писӧ, ыж-мӧссӧ, осёлъяссӧ да чомсӧ – дзик ставсӧ, мый сылӧн вӧлі.

Еврейяслы 2:11

Вежӧдысьыс да вежа войтырыс – ӧти Батьсянь. Та вӧсна Исус оз яндысь шуны вежа войтырӧс Аслас вокъясӧн.

Иоан 19:34

Шыпуртаяс пиысь ӧти бытшкис Исуслы шынас ордлы костас, сэтысь чепӧсйис вир да ва.

Лука 4:29

Найӧ сувтісны, медым вӧтлыны Исусӧс карсьыс. Сійӧс нуӧдісны кыр йылӧ, кӧні сулаліс карыс, да сэсянь кӧсйисны йӧткыштны Сійӧс увлань.

Еврейяслы 10:10

Ен кӧсйӧм серти ми лоим вежаӧсь, ӧд Исус Кристос вайис Ассьыс вир-яйсӧ вись пыдди ӧтчыдысь да пыр кежлӧ.

Восьтӧм 14:20

Кор виноград вотӧссӧ вӧлі талялӧма кар ортсыса пычкан гуын, сэтысь вирыс петіс ортсӧ да визувтіс сюрс квайтсё стадий ылнаӧдз. Вирыслӧн джудждаыс вӧлі вӧв домӧдз.