Еврейяслы 12:23 - Коми Библия 2023

²³ да гажӧдчысь йӧз чукӧр дінӧ. Найӧ – Енлӧн медводдза чужысьяс, налысь нимъяссӧ гижӧма енэжас. Ті матыстчинныд став йӧзсӧ мыждысь Ен дінӧ да тыр-бурас воӧм веськыда олысьяслӧн ловъяс дінӧ.

Еврейяслы 12:23 Referans Kwoze

Яков 1:18

Ас кӧсйӧм сертиыс Сійӧ чужтіс миянӧс збыльыслӧн кывнас, медым Сылӧн вӧчӧмторъясысь ми вӧлім медводдзаясӧн.

Еврейяслы 11:40

Енмыс дасьтӧма миянлы ёна бурджыктор, та вӧсна найӧ сӧмын миянкӧд ӧтвыв воасны тыр-бурас.

Лука 10:20

Энӧ нимкодясьӧй сыысь, мый пеж ловъяс кывзысьӧны тіянлысь, а нимкодясьӧй сыысь, мый тіянлысь нимъяснытӧ гижӧма енэжас».

Восьтӧм 14:4

Тайӧ йӧзыс эз пежавны асьнысӧ аньяскӧд узьлӧмӧн, найӧ сӧстӧмӧсь. Найӧ мунӧны Баля бӧрся быдлаӧ, кытчӧ Сійӧ мунӧ. Найӧс ньӧбӧма мувывса йӧз пӧвстысь, найӧ – медводдза вайӧмтор Енмыслы да Балялы.

Петӧм 4:22

Сэки шу фараонлы, мый Господь [еврейяслӧн Ен] тадзи висьталӧ: Израиль – Менам пи, Менам медводдза чужысь.

Олӧм 18:25

Оз вермы лоны сідзи, мый Тэ веськыда олысьӧс бырӧдан мыжаяскӧд, и веськыда олыськӧд лоас сійӧ жӧ, мый мыжакӧд. Тайӧ абу Тэсянь! Став мусӧ мыждысь оз ӧмӧй мыжды веськыда?»

Восьтӧм 20:15

Быдӧнӧс, кодлысь нимсӧ эз вӧв гижӧма Олӧмыслӧн небӧгӧ, шыбитісны биа тыӧ.

Псалтыр 94:2

Локтӧй Сылӧн чужӧмбан водзӧ Сійӧс аттьӧалӧмӧн, ошкӧй Сійӧс гораа сьылӧмӧн!

Еврейяслы 9:27

Мортыслы шуӧма кувны ӧтчыдысь, сэсся лоӧ мыждӧм.

Восьтӧм 13:8

Сылы копыртчыласны мувывса став йӧзыс, кодъяслысь нимсӧ му пуксьӧмсяньыс абу гижӧма начкӧм Балялӧн небӧгӧ – Олӧмыслӧн небӧгӧ.

1 Петыр 2:23

Сійӧс лёкӧдігӧн Сійӧ воча эз лёкӧд. Сьӧкыдсӧ нуигӧн эз кӧсйысь мынтысьны лёк вӧчӧмӧн, а ставсӧ сетіс веськыда Мыждысьлы.

Еврейяслы 11:4

Эскӧмӧн Авель вайис Енлы бурджык вись Каин дорысь. Авельлӧн эскӧм вӧсна Енмыс сибӧдіс сылысь висьсӧ да лыддис сійӧс веськыдӧн. Эскӧмыс вӧсна Авель весиг кулӧм бӧрас сёрнитӧ.

1 Тимофейлы 3:5

Сійӧ кӧ оз сяммы веськӧдлыны гортсанас, вермас-ӧ тӧждысьны Енлӧн вичкоыс вӧсна?

Филипӧ 4:3

Кора тэнӧ, эскана уджъёртӧй, отсав тайӧ аньясыслы. Кор ме висьтавлі Бур Юӧрсӧ, найӧ пыр вӧліны мекӧд, кыдзи и Климент да мукӧд уджалысьяс, кодъяслысь нимъяссӧ гижӧма Олӧмыслӧн небӧгӧ.

Ефесӧ 1:22

Енмыс ставсӧ пуктіс Кристос кок улӧ да индіс Сійӧс медыджыдӧн, вичколы юрӧн.

Ап. уджъяс 20:28

Тӧждысьӧй ас вӧснаныд да став чукӧрыс вӧсна. Ӧд Вежа Лов пуктіс тіянӧс, мед видзны Господь Енлысь вичкосӧ. На вӧсна Сійӧ мынтысис Аслас вирӧн.

Иоан 5:27

Батьыс сетіс Пиыслы вын мыждыны, ӧд сійӧ Морт Пи.

Псалтыр 98:9

Ыдждӧдлӧй Господьӧс, миянлысь Енмӧс! Копыртчӧй Сылӧн вежа керӧслань, ӧд Господь, миян Енным, вежа!

Колосӧ 1:24

Ӧні ме нимкодяся тіян вӧсна сьӧкыдалігӧн. Кристослӧн вир-яйыс вӧсна, Сылӧн вичкоыс вӧсна, аслам вир-яйын сьӧкыдсӧ нуигӧн ме тырта Кристос шогъяслысь лыдсӧ.

Колосӧ 1:12

Аттьӧалӧй Ен Батьӧс, ӧд Сійӧ вӧчис миянӧс шогманаясӧн, медым ми тшӧтш вермим босьтны Югыдінас вежа войтырлы вичмӧдӧмасӧ.

2 Коринфӧ 5:8

Ми повтӧмӧсь, ёнджыка на кӧсъям петны тайӧ вир-яйсьыс да овмӧдчыны гортӧ, Господь дінӧ.

1 Коринфӧ 15:54

Кор тайӧ сісьмана вир-яйыс вежсяс сісьмытӧмӧ да кулана вир-яйыс – кувлытӧмӧ, сэки инасны Гижӧдысь кывъясыс: – Кулӧмсӧ бырӧдӧма, вермӧма пыр кежлӧ!

1 Коринфӧ 13:12

Ӧні ми аддзам Енсӧ ылӧсас, чусмӧм рӧмпӧштанысь моз, а бӧрыннас аддзам Сійӧс асланым синмӧн. Ӧні сӧмын этшаник тӧда Енмыс йылысь, а бӧрыннас кута тырвыйӧ тӧдны Енсӧ, кыдзи Сійӧ тӧдӧ менӧ.

Еремей 31:9

Найӧ петасны бӧрдӧмӧн, а Ме вайӧда найӧс бурӧдӧмӧн, нуӧда найӧс визув ва дінӧ шыльыд туйӧд, кӧні найӧ оз крукасьны, ӧд Ме – Израиль войтырлӧн бать, Ефрем – Менам медводдза чужысьӧй.

Еклесиаст 12:7

Муысь вӧчӧм вир-яйыд бӧр бергӧдчас муӧ, а лолыд бӧр мунас Ен дінӧ, коді сетіс сійӧс.

Псалтыр 111:1

Аллилуйя! Шуда сійӧ мортыс, коді полӧ Господьысь да ёна радейтӧ Сылысь тшӧктӧмъяссӧ.

Псалтыр 89:7

Тэнад скӧралӧмысь ми бырам, Тэнад лӧгалӧмысь ми полам-тіралам.

Индӧд 21:17

Сылы быть колӧ шуны медводдза чужысьнас мустӧм гӧтырыслысь писӧ да аслас эмбурысь вичмӧдны сылы кыкпӧвста пай. Ӧд тайӧ пиыс – выныслӧн медводдза вотӧсыс, сылы вичмӧ медводдза чужысьлӧн ним.

Петӧм 13:2

«Став медводдза ай чужысьсӧ вежӧд-торйӧд Меным. Израиль войтыр пӧвстысь медводдза чужысьыс и ыж-мӧс пӧвстысь медводдза чужысьыс лоӧны Менам».

Петӧм 32:32

Прӧстит налысь мыжсӧ, а он кӧ, вушты менсьым нимӧс Аслад небӧгысь».

1 Коринфӧ 15:49

Кыдзи ми ӧткодьӧсь муысь вӧчӧмторйыскӧд, сідзи лоам ӧткодьӧсь и енэжсянь Локтысьыскӧд.

Еврейяслы 2:12

Сійӧ шуӧ: – Аслам вокъяслы юӧрта Тэнсьыд нимтӧ, Тэнад войтырлӧн чукӧртчӧмын ошка Тэнӧ.

Восьтӧм 6:9

Кор Баля жугӧдіс витӧд печатьсӧ, висьпуктанін улысь ме аддзи ловъяссӧ налысь, кодъясӧс вӧлі виӧма Ен кыв вӧсна да Ен йылысь висьталӧм вӧсна.

Восьтӧм 6:11

Сэки быдӧнлы налы сетісны еджыд паськӧм да тшӧктісны виччысьыштны, кытчӧдз оз тыр на моз виӧм уджъёртъясныслӧн да вокъясныслӧн лыдыс.