Еврейяслы 11:32 - Коми Библия 2023

³² Мый нӧшта содтыны татчӧ? Кадыс меным оз тырмы висьтавны Гедеон, Варак, Самсон, Еффай, Давид, Самуил да [мукӧд] пророкъяс йылысь.

Еврейяслы 11:32 Referans Kwoze

Ӧксыяслӧн 1 небӧг 16:1

Господь шуис Самуиллы: «Дыр-ӧ на тэ кутан шогсьыны Саул вӧсна, кодӧс Ме вешті Израильын ӧксыалӧмысь? Тырт ассьыд дозтӧ выйӧн да мун Виплиемӧ. Ме ыста тэнӧ сэні олысь Ессей дінӧ. Сылӧн пиян пӧвстысь Ме бӧрйи Аслым ӧксыӧс».

Ӧксыяслӧн 1 небӧг 1:20

Анна кутіс нӧбасьны. Кад мысти сійӧ чужтіс пиӧс да пуктіс сылы Самуил ним, ӧд шуис, Господьлысь [Ен Саваофлысь] пӧ ме кори сійӧс.

Ӧксыяслӧн 1 небӧг 16:13

Самуил босьтіс вый тыра доз да мавтыштіс Давидӧс сылӧн вокъяс водзын. Сэки Господьлӧн Лов лэччис Давид вылӧ и сійӧ лунсяньыс вӧлі Давидкӧд. Сэсся Самуил бӧр муніс Рама карӧ.

Иоан 21:25

Уна мукӧдтор на вӧчис Исус. Но гижны кӧ та йылысь ставсӧ, сэки, ме чайта, муюгыдас эськӧ эз тӧр та мында небӧгыс. Аминь.

2 Петыр 1:21

Ӧд пророкалӧм некор эз вӧв мортлӧн кӧсйӧмсянь, сійӧс висьтавлісны Вежа Лов ышӧдӧмсянь Енлӧн вежа йӧзыс.

Римӧ 7:7

Мый шуам татчӧ? Индӧдыс ӧмӧй мыжыс? Дерт, абу. Индӧдыс восьтіс меным мыжсӧ. Индӧдыс кӧ эз висьтав: «Эн ышты», ме эськӧ эг и гӧгӧрволы ыштӧмсӧ.

Римӧ 4:1

Мый шуам Ӧвраам батьным йылысь? Мый сійӧ босьтіс олігас на?

Римӧ 3:5

Миян лёк вӧчӧмным кӧ восьтӧ Енлысь веськыдлунсӧ, сэки мый миянлы шуны? Енмыс ӧмӧй абу веськыд, кисьтӧ кӧ миян вылӧ Ассьыс скӧрлунсӧ? Тадзи мортыс мӧвпалӧ.

Ап. уджъяс 13:20

Ставыс тайӧ кыссис матӧ нёльсё ветымын во. Та бӧрти сетіс налы ёрдысьясӧс Самуил пророклӧн олан кадӧдз.

Ап. уджъяс 10:43

Сы йылысь став пророкыс висьталӧ, мый быдӧнлысь, коді эскӧ Сылы, лоӧ прӧститӧма мыжъяссӧ Сы нимӧн».

Ап. уджъяс 3:24

Самуил да сы бӧрти став мукӧд пророкыс тшӧтш водзвыв висьтавлісны тайӧ лунъясыс йылысь.

Ӧксыяслӧн 1 небӧг 12:11

Сэки Господь мӧдӧдіс Ероваалӧс, Варакӧс, Еффайӧс, Самуилӧс да мездіс тіянӧс став вӧрӧгысь, и ті олінныд повтӧг.

2 Петыр 3:2

Кутӧй тӧд выланыд вежа пророкъяслысь важысянь шуӧмсӧ да Мездысь Господьлысь апостолъяс пыр сетӧм тшӧктӧмсӧ.

Яков 5:10

Вокъяс, видзӧдӧй пророкъяс вылӧ, кодъяс сёрнитісны Господь нимсянь. Найӧ терпитӧмӧн нуисны сьӧкыдсӧ.

Римӧ 6:1

Мый нӧ шуам? Пондам ӧмӧй водзӧ овны мыжас, медым буралӧмыс содіс? Дерт, огӧ.

Лука 16:31

Сэки Ӧвраам шуис сылы: ”Мӧисейӧс да пророкъясӧс кӧ оз кывзыны, найӧ оз эскыны весиг кулӧмысь ловзьысьлы”».

Лука 13:28

Кор ті аддзанныд Енлӧн Юраланінысь Ӧвраамӧс, Исаакӧс, Яковӧс да став пророксӧ, а асьнытӧ ортсыас шыбитӧмаӧн, сэки лоӧ бӧрдӧм да пинь йирӧм.

Матвей 5:12

Долыда нимкодясьӧй, ӧд ыджыд тырдон виччысьӧ тіянӧс енэжас. Тадзи войдӧр тшӧтш вӧтлісны пророкъясӧс».

Еремей 15:1

Господь шуис меным: «Весиг кӧ Мӧисей да Самуил сувтасны Ме водзӧ да кутасны кевмысьны, Ме ог бурсьӧлӧмтчы тайӧ войтырыс дінӧ. Вӧтлы найӧс Менам син водзысь!

Ӧксыяслӧн 1 небӧг 2:18

А Самуил зонка кесъяліс Господь водзын, новліс шабдіысь вурӧм ефод.

Ӧксыяслӧн 1 небӧг 2:11

Сэсся Элкан гӧтырыскӧд бӧр муніс Рамаӧ. Пинысӧ найӧ колисны Илий поп дінӧ кесъявны Господьлы.

Ёрдысьяс 13:24

Манойлӧн гӧтырыс чужтіс пиӧс да пуктіс сылы Самсон ним. Кага быдмис, и Господь бурсиис сійӧс.

Ёрдысьяс 6:11

Господьлӧн андел локтіс Офраӧ да пуксис Авиэзер рӧдысь Йоаслӧн тупу улӧ. Тайӧ кадас Гедеон, Йоаслӧн пиыс, виноград пычкан гуын вартіс шобді. Сэтчӧ сайӧдчис мадиансаясысь, медым найӧ эз тӧдмавны нянь йылысь.

Ёрдысьяс 4:1

Эхудлӧн кулӧм бӧрын Израиль пиян бара кутісны вӧчны Господь водзын шогмытӧмсӧ.

Ёрдысьяс 6:1

Израиль пиян бара вӧчисны Господь водзын шогмытӧмсӧ. Таысь Господь сетіс найӧс мадиансаяс киӧ сизим во кежлӧ.

Ёрдысьяс 6:14

Гедеон вылӧ видзӧдлӧмӧн Господь шуис: «Тэнад эм вын. Мун да мезды Израильӧс мадианса киысь. Ме мӧдӧда тэнӧ».

Ёрдысьяс 15:20

Самсон вӧлі Израиль войтырлы ёрдысьӧн кызь во филистимсаяслӧн ыджыдалӧм дырйи.

Ӧксыяслӧн 1 небӧг 2:4

Вынаяслӧн ньӧввужйыс чегъясьӧ, а вынтӧмъяслӧн выныс содӧ.

Ӧксыяслӧн 1 небӧг 17:45

Давид воча шуис: «Тэ петін меным паныд шыпуртӧн, шыӧн да сайӧдӧн, а ме петі тэныд паныд Господь Саваоф нимӧн. Сійӧ – Ен израильса тышкайӧзлы, кодъясӧс тэ увтыртан.