Еврейяслы 11:3 - Коми Библия 2023

³ Эскӧмӧн ми гӧгӧрвоам, мый ентыкӧлаыс артмӧма Ен кывйӧн. Тадзи аддзытӧмсьыс лои аддзанаыс.

Еврейяслы 11:3 Referans Kwoze

Псалтыр 33:6

Сы вылӧ видзӧдысьяслӧн чужӧмныс югдӧ, найӧ некор оз янавны.

2 Петыр 3:5

Тадзи мӧвпалысьяс быттьӧ оз тӧдны, мый Ен кывйӧн артмӧдӧма енэжсӧ да мусӧ, вӧчӧма ваысь да ва отсӧгӧн,

Иоан 1:3

Ставсӧ Сы пыр вӧчӧма. Сытӧг немтор абу лоӧма.

Римӧ 4:17

Гижӧма: «Ме пукті тэнӧ войтыръяслы батьӧн». Сійӧ Ен водзын миянлы бать. Ӧвраам эскис Енлы, кулӧмаӧс Ловзьӧдысьлы да вӧвлытӧмторсӧ олӧмӧ Пӧртысьлы.

Ап. уджъяс 17:24

Муюгыдсӧ да ставсӧ вӧчысь Ен, енэжыслӧн да муыслӧн Господь, оз киӧн вӧчӧм крамъясын ов.

Восьтӧм 4:11

– Господьӧй, Тэ шогман сибӧдны ошкӧм-нимӧдӧмсӧ да вынсӧ, ӧд Тэ вӧчин ставсӧ. Тэнад кӧсйӧм серти вӧчӧма ставсӧ, Тэнад кӧсйӧм серти ставыс олӧ.

Еврейяслы 1:2

Тайӧ бӧръя кадас Сійӧ шыасьліс миян дінӧ Пиыс пыр. Енмыс сетіс Сылы ставсӧ, Сы пыр вӧчис ентыкӧласӧ.

Еремей 10:11

Висьталӧй мукӧд войтыръяслы, мый му вывсьыс и енэж увсьыс бырасны сійӧ енъясыс, кодъяс эз вӧчны енэжсӧ ни мусӧ.

Олӧм 1:1

Медводз Ен вӧчис енэж да му.

Исай 40:26

Лэптӧй синнытӧ вывлань да видзӧдлӧй: коді ставсӧ тайӧс вӧчис? Сійӧ, коді вӧчис енэжвывса югзьӧданторъяс, тӧдӧ налысь лыдсӧ, ставнысӧ шуӧ нимнас. Найӧ ставныс ӧтитӧг мыччысьӧны – татшӧм ыджыд Сылӧн выныс да вынйӧрыс!

Ап. уджъяс 14:15

«Мый ті вӧчанныд? Ми ӧд тіян кодь жӧ мортъяс. Ми вайим Бур Юӧр тіянлы, медым ті бергӧдчинныд ковтӧм енъяссьыныд ловъя Ен дінӧ, коді вӧчис енэжсӧ, мусӧ, саридзсӧ да ставсӧ, мый сэні эм.

Еремей 10:16

Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.

Псалтыр 33:9

Тӧдмалӧй Господьӧс, и аддзанныд, кутшӧм Сійӧ бур! Шуда сійӧ мортыс, коді лача кутӧ Господь вылӧ.

1 Коринфӧ 2:7

Ми висьталам Енлӧн гуся мывкыдлуныс йылысь, кодӧс быдӧнысь вӧлі дзебӧма. Но олӧм пуксьытӧдзыс на Енмыс вӧлі мӧвпыштӧма, мый Сылӧн мывкыдлуныс ваяс миянлы дзирдлун.

1 Тимофейлы 4:5

Кевмысьӧмыд да Енлӧн кывйыс вежӧдӧны сёянтӧ.