Еврейяслы 11:1 - Коми Библия 2023

¹ Эскӧмыс – виччысянторлӧн збыльмӧм да аддзытӧмсӧ аддзӧм.

Еврейяслы 11:1 Referans Kwoze

2 Коринфӧ 5:7

Ӧд ми олам эскӧмӧн, огӧ аддзананас.

2 Коринфӧ 4:18

Ми видзӧдам тыдавтӧмыс вылӧ, огӧ тыдаланаыс вылӧ, ӧд тыдавтӧмыс бырлытӧм, а тыдаланаыс бырана.

Еврейяслы 11:7

Эскӧм вӧсна Нойлы вӧлі водзвыв сетӧма тӧдны аддзытӧмсӧ. Сійӧ кывзысис Енмыслысь да вӧчис ковчег, медым мездыны ассьыс гортсасӧ. Эскӧмнас сійӧ мыждіс муюгыдсӧ, эскӧм вӧсна сылы вичмис Енсянь веськыдлун.

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

Еврейяслы 11:27

Эскӧмӧн Мӧисей петіс Египетысь, эз повзьы ӧксылӧн скӧрлунысь. Сійӧ вӧлі зумыд, ӧд видзӧдіс Тыдавтӧмыс вылӧ.

Еврейяслы 6:12

Энӧ дышӧдчӧй, но лоӧй на кодьӧсь, кодъяс эскӧмӧн да терпитӧмӧн босьтӧны Енсянь кӧсйысьӧмасӧ.

Еврейяслы 10:39

Но ми абу на пӧвстысь, коді Енсьыс кежӧ да кулӧ. Ми на пӧвстысь, коді эскӧ да босьтӧ мездмӧмсӧ.

1 Коринфӧ 13:13

Ӧні кольӧ куимтор: эскӧм, лача да муслун. Но муслуныс на пиысь медыджыд.

Еврейяслы 11:13

Тайӧ эскысьясыс эз удитны босьтны Енсянь кӧсйысьӧмасӧ, но найӧ помӧдз видзисны эскӧмсӧ. Найӧ сӧмын ылісянь аддзылісны Енсянь кӧсйысьӧмасӧ да нимкодясисны сыӧн. Ас йывсьыныс найӧ шуалісны, ми пӧ тайӧ му вылас ветлысь-мунысьяс.

Еврейяслы 3:14

Ми кӧ водзысяньыс моз помӧдз кутам эскыны зумыда, сэки миянлы тшӧтш вичмас Кристослӧн озырлуныс.

Галатӧ 5:6

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колана сӧмын муслуна эскӧм.

2 Коринфӧ 5:17

Сідзкӧ, коді Кристос пытшкын, сійӧ – выль олысь. Важыс кольӧма, ӧні ставыс выль.

2 Петыр 1:1

Гижӧ Симон-Петыр, Исус Кристослӧн кесйӧг да апостол. Чолӧмала тіянӧс, миян моз сьӧлӧманыд эскӧмсӧ босьтысьясӧс. Тайӧ донаторсӧ ми босьтім миян Енлӧн да Мездысь Исус Кристослӧн веськыдлун вӧсна.

Ап. уджъяс 20:21

Висьталі иудейяслы и грекъяслы, мед бергӧдчасны мыжъяссьыныс Ен дінӧ да эскасны миян Господь Исус Кристослы.

Титлы 1:1

Гижӧ Павел, Енлӧн кесйӧг да Исус Кристослӧн апостол. Менӧ мӧдӧдӧма, мед отсавны Енлӧн бӧрйӧмаяслы эскыны да тӧдны збыльсӧ, медым эськӧ найӧ вермисны овны вежавидзӧмӧн

Еврейяслы 2:3

сідзкӧ, мынам-ӧ ми мыждӧмсьыс, кутам кӧ нинӧм туйӧ пуктыны тайӧ ыджыдторсӧ – мездмӧмсӧ? Тайӧ мездмӧмыс йылысь медводз висьталіс Господь, сэсся Сысянь кылысьяс эскӧдісны миянӧс, мый тайӧ висьталӧмыс збыль.

2 Коринфӧ 11:17

Дерт, тайӧ абу Господьсянь, но ме кута ошйысьны тіян водзын мывкыдтӧм морт моз.

2 Коринфӧ 9:4

Локтасны кӧ мекӧд тшӧтш Македонияысь эскысьяс, а ті кӧ онӧ лоӧй дасьӧсь, миянлы юръяндзим лоӧ, и тіянлы тшӧтш яндзим лоӧ. Ми ӧд ёна ошйысим тіянӧн.

Еврейяслы 3:6

Ен керкаын Пиыс – Кристос, Сійӧ кывкутӧмӧн веськӧдлӧ ставнас Ен керканас. Ен керкаыс – тайӧ ми, лоам кӧ повтӧмӧсь да помӧдз кутам зумыда кутчысьны лачаас, мыйӧн ошйысям.