Еврейяслы 10:5 - Коми Библия 2023

⁵ Та вӧсна муюгыдас локтігӧн Кристос шуӧ: – Вись да вайӧмтор Тэныд оз ков, Тэ дасьтін Меным вир-яй.

Еврейяслы 10:5 Referans Kwoze

Исай 1:11

Меным абу колана тіян уна вись вайӧмныд, – висьталӧ Господь. Ме пӧтӧма нин сотӧм межъясӧн да тшӧгӧдӧм ыж-мӧслӧн госӧн. Ӧшъяслысь, ыжъяслысь да кӧзаяслысь вирсӧ Ме ог кӧсйы.

Исай 7:14

Но Господь Ачыс петкӧдлас тіянлы пас: со, ныв сьӧктас, сэсся пи чужтас, Эммануил ним Сылы пуктас.

1 Петыр 2:24

Миянлысь мыжъяснымӧс Аслас вир-яйын Сійӧ кыпӧдіс крест вылӧ, медым ми дугдім вӧчны мыжсӧ да олім веськыда. Сылӧн дойясӧн ті бурдінныд.

Еврейяслы 1:6

Муюгыдас Ассьыс медводдза Чужысьсӧ пыртігӧн Енмыс шуӧ: – Копыртчылӧй Сылы ставныд, Енлӧн анделъяс.

Еврейяслы 10:7

Сэки Ме шуи: со, Ме локті, кыдзи гартӧм гижӧдас Ме йылысь гижӧма. Енмӧй, ме кӧсъя збыльмӧдны Тэнсьыд кӧсйӧмтӧ.

Еврейяслы 2:14

Тайӧ ныв-пиыслӧн эм вир-яй. Та вӧсна Кристос тшӧтш лоис на кодьӧн, медым кувлӧмнас бырӧдны омӧльӧс – кулӧмыс вылын ыджыдалысьӧс –

Еврейяслы 10:10

Ен кӧсйӧм серти ми лоим вежаӧсь, ӧд Исус Кристос вайис Ассьыс вир-яйсӧ вись пыдди ӧтчыдысь да пыр кежлӧ.

Галатӧ 4:4

А кор воис урчитӧм кадыс, Енмыс мӧдӧдіс Ассьыс Писӧ, кодӧс ань чужтіс. Ен Пи оліс Индӧд улын,

2 Иоан 1:7

Ӧні муюгыдас уна ылӧдысьыс. Найӧ оз эскыны, мый Исус Кристос локтіс вир-яйын. Татшӧм мортыс – ылӧдчысь да антикрист.

Еврейяслы 8:3

Быд аркирейӧс сувтӧдӧны сы могысь, медым вайны вись да сетӧмтор Енмыслы. Сідзкӧ, миян Аркирейлы, Исуслы, тшӧтш колӧ вӧлі вись вайны Енмыслы.

1 Тимофейлы 3:16

Кывшутӧг, миян эскӧмлӧн гусяторйыс ыджыд: Енмыс восьтіс Асьсӧ вир-яйын, Лолыс петкӧдліс Сылысь веськыдлунсӧ, Сійӧс аддзылісны анделъяс, Сы йылысь юӧртісны ентӧдтӧмъяслы, Сылы эскисны муюгыдас, Сійӧ кыпӧдчис дзирдлунас.

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

Лука 1:35

Андел вочавидзис: «Вежа Лов лэччас тэ вылӧ, Медвылыссалӧн выныс вевттяс тэнӧ. Та вӧсна тайӧ чужысьыс вежа, Сійӧс шуасны Ен Пиӧн.

Еремей 6:20

Меным оз ков Саваысь вайӧм ладаныс, оз ков ылі муысь вайӧм чӧскыд дука туруныс. Тіянлысь сотан висьяснытӧ Ме ог кӧсйы, тіян висьясныд Меным абу шогманаӧсь».

Матвей 11:3

юавны Исуслысь, збыльысь-ӧ Исус сійӧ, кодлы колӧ локнысӧ, али налы мӧдӧс виччысьны.

Еремей 31:22

Дыр-ӧ на тэ кутан шӧйтны, нылӧй, тэ, коді кежин Меысь? Господь выльтор вӧчас му вылын: гӧтырыс кутас видзны-дорйыны верӧссӧ.

Олӧм 3:15

Тэ да ань костӧ, тэсянь чужысь да аньсянь чужысь костӧ пукта лӧгалӧм: сійӧ пасьвартас юртӧ, а тэ сылы коклябӧрас чушкан».

Лука 7:19

Иоан корис ас дінас на пиысь кыкӧс да мӧдӧдіс найӧс Исус дінӧ юавны, збыльысь-ӧ Исус сійӧ, кодлы колӧ локнысӧ, али налы мӧдӧс виччысьны.

Исай 40:16

Ливанса пуяс да пемӧсъяс абу тырманаӧсь, медым пестыны би да вись вайны Господьлы.

Еврейяслы 5:7

Му вылын олігӧн Исус кыз синваӧн да гораа бӧрдӧмӧн корис-кевмысис Сылы, коді вермис мездыны Сійӧс кулӧмысь. Ен кыліс Сылысь кевмӧмсӧ, ӧд Исус кывзысис Сылысь.

Еврейяслы 10:8

Висьсӧ вайӧны Индӧд серти, но Кристос шуӧ: «Вись да вайӧмтор, сотан вись да мыжысь вись Тэныд оз ков, тайӧ абу шогмана Тэныд».