Еврейяслы 10:27 - Коми Библия 2023

²⁷ Сӧмын ыджыд полӧмӧн ковмас виччысьны мыждӧмсӧ да яр бисӧ, мый бырӧдас Енлы паныд кыпӧдчысьясӧс.

Еврейяслы 10:27 Referans Kwoze

Исай 26:11

Господьӧй, Ассьыд китӧ Тэ лэптӧмыд вылӧ, но лёк вӧчысьяс оз аддзыны сійӧс. А кор аддзасны, лоӧ юръяндзим налы, кодъяс мустӧмтӧны Тэнсьыд войтыртӧ. Тэныд паныд сувтысьясӧс сотас би.

Еврейяслы 2:3

сідзкӧ, мынам-ӧ ми мыждӧмсьыс, кутам кӧ нинӧм туйӧ пуктыны тайӧ ыджыдторсӧ – мездмӧмсӧ? Тайӧ мездмӧмыс йылысь медводз висьталіс Господь, сэсся Сысянь кылысьяс эскӧдісны миянӧс, мый тайӧ висьталӧмыс збыль.

Софоний 1:18

Господьлӧн скӧралан лунӧ налӧн эзысь-зарниныс оз вермы мездыны найӧс, Господьлӧн скӧрлуна биыс бырӧдас ставнас мусӧ, Сійӧ виччысьтӧг бырӧдас му вылас став олысьсӧ.

Восьтӧм 20:15

Быдӧнӧс, кодлысь нимсӧ эз вӧв гижӧма Олӧмыслӧн небӧгӧ, шыбитісны биа тыӧ.

Еврейяслы 12:25

Видзчысьӧй, медым энӧ бергӧдчӧй тіянлы Висьталысьысь! Енмыс сёрнитіс му вылас Израиль войтыркӧд, но найӧ бергӧдчисны Сыысь. Та вӧсна найӧс вӧлі мыждӧма. Сідзкӧ, миянӧс ёнджыка на лоӧ мыждӧма, огӧ кӧ кывзӧй енэжсянь Висьталысьӧс.

Еврейяслы 9:27

Мортыслы шуӧма кувны ӧтчыдысь, сэсся лоӧ мыждӧм.

Матвей 13:50

да биӧ шыбитасны. Сэні лоӧ бӧрдӧм да пинь йирӧм».

Матвей 8:29

«Мый Тэныд миянсянь колӧ, Исус, Ен Пи? Мыйла кадысь водз Тэ локтін песны миянӧс?» – горзісны найӧ.

Наум 1:2

Господь – вежӧгтысь Ен, Сійӧ – водзӧс перйысь Ен. Господь водзӧс перйӧ, Сійӧ тырӧма скӧрлунӧн. Господь мынтысьӧ Сійӧс мустӧмтысьяслы, Сійӧ дугдывтӧг скӧралӧ паныд сувтысьяс вылӧ.

Яков 5:3

Тіян зарни-эзысьныд сімӧма. Тайӧ сімыс кутас висьтавны тіян мыжлун йылысь, и сійӧ би моз сотас тіянлысь вир-яйнытӧ. Тайӧ бӧръя кадас ті чукӧртінныд аслыныд озырлунсӧ.

Еврейяслы 12:29

ӧд миян Енным – ставсӧ сотысь би.

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Матвей 13:42

Сэсся шыбитасны найӧс биӧ. Сэні лоӧ бӧрдӧм да пинь йирӧм.

Матвей 3:12

Сы киын тӧлӧдчан зырйыс. Сійӧ весалас гумласӧ: шобдісӧ йӧртӧдӧ чукӧртас, а кыдсӧ куслытӧм биын сотас».

Матвей 3:10

Черыс пу вужйыс дорын нин куйлӧ. Пуыс кӧ оз вай бур вотӧс, сійӧс кералӧны да шыбитӧны биӧ.

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Софоний 3:8

Сідзкӧ, виччысьӧй Менӧ, – висьталӧ Господь, – виччысьӧй сійӧ лунсӧ, кор Ме сувта мыждыны. Ӧд Ме шуи, мый чукӧрта войтыръясӧс, медым кисьтны на вылӧ Ассьым лӧглунӧс, ыпъялысь скӧрлунӧс. Менам скӧрлуна биӧн лоӧ сотӧма став мусӧ.

Йоиль 2:30

Енэжын и му вылын петкӧдла индысьпасъяс: вир, би да тшын.

Осий 10:8

Бырӧдӧма лоӧ Авенысь вись ваян мылькъяс, ӧд тайӧ мылькъясыс – Израильлӧн мыжыс. Йӧн да ёг турун кутас быдмыны налӧн висьпуктанінъяс вылын. Йӧзыс шуасны керӧсъяслы: «Вевттьӧй миянӧс!» Мылькъяслы шуасны: «Усьӧй миян вылӧ!»

Даниил 5:6

ёна повзис, чужӧмыс сылӧн кельдӧдіс, кокыс лигышмуніс, пидзӧсыс пондіс дзӧрны.

Езекиль 38:19

Аслам ярлунӧн, Аслам биа скӧрлунӧн Ме шуа, мый сійӧ лунӧ Израильын муыс кутас ёна вӧрны.

Езекиль 36:5

Господь Ыджыдыс тадзи висьталӧ: Аслам ыпъялан скӧрлунӧн Ме сёрнита Эдом войтырлы паныд да мукӧд войтыръяслы паныд. Менсьым муӧс найӧ босьтісны аслыныс, лӧгпырысь нимкодясьӧмӧн да мустӧмтӧмӧн куштісны сійӧс.

Еремей 4:4

Иудаын да Ерусалимын олысьяс, вундыштчӧм пыр сиӧй асьнытӧ Господьлы, вундыштӧй ассьыныд сьӧлӧмнытӧ, медым тіян лёк вӧчӧмныд вӧсна Менам скӧрлунӧй эз ыпнит би моз, и сійӧс кусӧдны некод эз вермы.

Исай 33:14

Сионын олысь мыжаяс полӧны, Ентӧг олысьяс тіралӧны. Найӧ шуалӧны: «Коді миян пӧвстысь вермас орччӧн овны ставсӧ сотысь бикӧд? Коді миян пӧвстысь вермас овны куслытӧм би пытшкын?»

Псалтыр 21:9

«Сійӧ лача кутіс Господь вылӧ. Шогмана кӧ сійӧ Господьлы, мед доръяс да мездас сійӧс».

Индӧд 32:43

[Нимкодясьӧй, енэжъяс, Господькӧд ӧтвылысь, Енлӧн став анделыс, копыртчылӧй Сылы!] Нимкодясьӧй, войтыръяс, Сылӧн войтыркӧд [ёнмӧдчӧй, Енлӧн пиян]! Сійӧ водзӧс перъяс Сылы паныд сувтысьяслысь, мынтысяс налы Аслас кесъялысьяслысь вирсӧ кисьтӧмысь [мынтысяс Сійӧс мустӧмтысьяслы]. Господь сӧстӧммӧдас Ассьыс мусӧ, вештас войтырыслысь мыжсӧ.

Лыд 16:35

Господьсянь петіс би да сотіс тайӧ кыксё ветымын айуловсӧ, кодъяс вайисны тшынӧдчантор.

Лука 23:30

Сэки шуасны керӧсъяслы: ”Усьӧй миян вылӧ!” Мылькъяслы шуасны: ”Вевттьӧй миянӧс!”

Лука 21:26

Енэжвыв вынъяс вӧрзясны, сьӧкыдлунъяс суӧмысь йӧзыс повзьӧмнысла садьсӧ воштасны.

Лука 19:27

Менӧ мустӧмтысьясӧс, менам юралӧмлы паныд сувтысьясӧс вайӧдӧй татчӧ да виӧй найӧс менам син водзын”».

Лука 16:24

Озыр морт горӧдіс: ”Ӧвраам батьӧй, ло бур сьӧлӧма ме дінӧ! Мӧдӧд Лазарӧс, мед кӧтӧдас чунь помсӧ да кӧдзӧдас менсьым кывйӧс, ӧд ме мучитча тані би пытшкас”.

Ӧксыяслӧн 1 небӧг 2:25

Морт кӧ мыжмас морт водзын, сэки сы вӧсна верман кевмысьны Енлы. А мыжмас кӧ Господь водзын, сэки коді лоӧ сылы дорйысьнас?» Но пияныс эз кывзыны батьсӧ, ӧд Господьлӧн вӧлі шуӧма нин бырӧдны найӧс.

Иоан 5:29

да найӧ ловзясны. Бур вӧчысьяс кутасны овны, а лёк вӧчысьясӧс лоӧ мыждӧма.