Еврейяслы 10:19 - Коми Библия 2023

¹⁹ Вокъяс, Исус Кристослӧн вирӧн ми вермам повтӧг пырны Вежасьыс-вежаинӧ, ӧд Сійӧ восьтіс миянлы выль туй, олӧмас нуӧдысь туй.

Еврейяслы 10:19 Referans Kwoze

Ефесӧ 2:18

Та вӧсна ми быдӧн, иудейяс да мукӧд войтыр, Кристос пыр вермам локны Бать дінӧ, ӧд миянӧс ставнымӧс йитӧ ӧти Лов.

Еврейяслы 9:12

Кристос пырис Вежасьыс-вежаинӧ эз кӧза вирӧн, эз ӧш вирӧн, а Аслас вирӧн. Тадзи Сійӧ ӧтчыдысь да пыр кежлӧ мездіс миянӧс мыжъясысь.

Еврейяслы 4:16

Та вӧсна ми повтӧг матыстчам бур сьӧлӧма Енлӧн юралан пуклӧс дінӧ, медым колана кадӧ босьтны Енсянь буралӧмсӧ да бурсетӧмсӧ отсӧгным вылӧ.

Ефесӧ 3:12

Ми – Кристос пытшкынӧсь, Сылы эскӧм пыр ми повтӧг-майшасьтӧг вермам локны Ен дінӧ.

Римӧ 5:2

Эскӧм пыр Кристос восьтіс миянлы Енлӧн буралӧмӧ ӧдзӧссӧ. Буралӧмас олігӧн ми лача кутӧмӧн нимкодясям, ӧд лоам Енлӧн дзирдлунас.

Еврейяслы 12:28

Миянлы сетӧма вӧрзьывтӧм Юраланін. Сідзкӧ, аттьӧалам Енсӧ да кесъялам Сылы шогмана ногӧн, Сыысь полӧмӧн да вежавидзӧмӧн,

1 Иоан 4:17

Сідзкӧ, муслуныс тыр-бурӧдз воӧма миян пытшкын. Та вӧсна вермам повтӧг сувтны мыждан лунӧ, ӧд ми тайӧ муюгыдас Кристос кодьӧсь.

Римӧ 8:15

Ті ӧд энӧ сибӧдӧй нартитысь лолӧс, медым бара овны полӧм улын, мӧдарӧ, ті сибӧдінныд тіянӧс ныв-пиӧ босьтысь Лолӧс. Тайӧ Лолӧн ми шыасям: «Авва, Батьӧй!»

2 Тимофейлы 1:7

Енмыс ӧд сетіс миянлы эз полӧмыслысь лов, а выныслысь, муслуныслысь да бур мывкыдыслысь лов.

Еврейяслы 9:3

Мӧд вежӧссӧ вӧлі торйӧдӧма ӧшӧдӧм дӧраӧн. Тайӧ вежӧсыс шусис Вежасьыс-вежаин.

Еврейяслы 7:25

Та вӧсна Сійӧ дзикӧдз вермӧ мездыны найӧс, кодъяс Сы пыр локтӧны Ен дінӧ. Сійӧ помтӧг олӧ, медым кевмысьны на вӧсна.

Еврейяслы 3:1

Вокъяс, ме шыася тіян дінӧ, вежа войтыр да Енлӧн корӧмаяс дінӧ: видзӧдӧй Исус Кристос вылӧ. Сійӧс Енмыс мӧдӧдіс, Сійӧ – Аркирей, кодлы ми эскам.

Еврейяслы 3:6

Ен керкаын Пиыс – Кристос, Сійӧ кывкутӧмӧн веськӧдлӧ ставнас Ен керканас. Ен керкаыс – тайӧ ми, лоам кӧ повтӧмӧсь да помӧдз кутам зумыда кутчысьны лачаас, мыйӧн ошйысям.

Еврейяслы 10:18

Сідзкӧ, мыжъяссӧ кӧ прӧститӧма, сэки висьсӧ вайны оз нин ков.

Еврейяслы 10:35

Сідзкӧ, лоӧй повтӧмӧсь! Ӧд таысь тіянлы вичмас ыджыд тырдон.