Еврейяслы 1:8 - Коми Библия 2023

⁸ Пиыс йылысь шуӧма: – Енмӧй, Тэнад юралан пуклӧсыд лоӧ нэмъяс чӧж. Тэнад юралан беддьыд – веськыдлун.

Еврейяслы 1:8 Referans Kwoze

Иоан 10:30

Ме да Бать – ми ӧти».

Римӧ 9:5

и налӧн эмӧсь батьяс. Тайӧ войтырысь петіс Кристос, Сійӧ чужис морт кодьӧн. Сійӧ став вылас медыджыд Ен. Ошкӧм Сылы нэмъяс чӧж! Аминь.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

Исай 7:14

Но Господь Ачыс петкӧдлас тіянлы пас: со, ныв сьӧктас, сэсся пи чужтас, Эммануил ним Сылы пуктас.

Матвей 1:23

– Ныв сьӧктас, сэсся пи чужтас. Эммануил ним Сылы пуктасны. Нимыс висьталӧ: миянкӧд Ен.

Малакий 3:1

Ме ыста Ассьым юӧртысьӧс, сійӧ Меным туй дасьтас. Виччысьтӧг локтас Аслас крамӧ Господь, кодӧс ті корсянныд, локтас йитӧд йылысь юӧртысь, кодӧс ті виччысянныд. Со, Сійӧ локтӧ нин, – висьталӧ Господь Саваоф. –

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

1 Коринфӧ 15:25

Кристослы шуӧма юравны сэтчӧдз, кытчӧдз Сійӧ оз пукты Аслас кок улӧ став паныд сувтысьсӧ.

Иоан 20:28

Фома вочавидзис: «Господьӧй, менам Енмӧй!»

Осий 1:7

А Иуда войтыр дінӧ Ме лоа бур сьӧлӧма. Ме мезда найӧс, ӧд Ме Господь, налӧн Ен. Мезда найӧс, но ог ньӧввуж-шыпурт помысь, ог тыш пыр да ог вӧв-верзьӧма отсӧгӧн».

Ӧксыяслӧн 2 небӧг 23:3

Израильлӧн Ен сёрнитіс мекӧд, Израильӧс Дорйысь шуис: «Веськыда ыджыдалысь, Енмысь полӧмӧн юралысь

Псалтыр 99:4

Локтӧй Сылӧн дзиръяяс дорӧ Сійӧс аттьӧалӧмӧн, пырӧй Сылӧн йӧрӧ Сійӧс ошкӧмӧн. Аттьӧалӧй Господьӧс, ошкӧй Сылысь нимсӧ,

Индӧд 2:37

Но миян Господь Енлӧн тшӧктӧм серти ми эгӧ пырӧй аммон войтырлӧн муӧ, Явок юдорса муӧ да керӧсвывса каръясӧ».

1 Тимофейлы 3:16

Кывшутӧг, миян эскӧмлӧн гусяторйыс ыджыд: Енмыс восьтіс Асьсӧ вир-яйын, Лолыс петкӧдліс Сылысь веськыдлунсӧ, Сійӧс аддзылісны анделъяс, Сы йылысь юӧртісны ентӧдтӧмъяслы, Сылы эскисны муюгыдас, Сійӧ кыпӧдчис дзирдлунас.

Иоан 10:33

Иудейяс вочавидзисны: «Огӧ бур уджысь Тэнӧ изъялӧй, изъялам Енмӧс омӧльтӧмысь. Тэ морт, а Енмӧ пуксян».

Закар 13:9

Тайӧ коймӧд юкӧнсӧ Ме нуӧда би пыр, сывда эзысьӧс моз, весала зарниӧс моз. Найӧ шыасясны Ме дінӧ, и Ме вочавидза налы. Шуа: «Ті – Менам войтыр», а найӧ воча шуасны: «Господь – миян Ен!»

Еремей 38:15

Еремей вочавидзис Седекейлы: «Ме кӧ висьтала тэныд, тэ ӧд сетан менӧ вины. Ме кӧ туйдӧда тэнӧ, тэ ӧд он кывзы менӧ».

Исай 45:25

А Израильсянь чужысьясӧс Господь вӧчас веськыдӧн, и найӧ кутасны ошйысьны Сыӧн.

Псалтыр 72:7

Тшӧгнысла налӧн синныс бердӧма, налӧн мӧвпъясныс жуӧны-бергалӧны.

Индӧд 7:14

Господь бурсиас тіянӧс мукӧд войтыръяс дорысь ёнджыка. Тіян пӧвстын оз ло ныв-питӧм айловыс да сьӧктыны вермытӧм аньыс, ыж-мӧсныд пӧвстын оз ло тырсявтӧмыс.

2 Петыр 1:11

Сэки ті восьса ӧдзӧсӧд верманныд пырны миян Мездысь Господь Исус Кристослӧн помтӧм Юраланінӧ.

Лука 1:75

кесъявны Сылы вежалунӧн да веськыда став олӧм чӧжным.