Еврейяслы 1:7 - Коми Библия 2023

⁷ Анделъяс йылысь шуӧма: – Ассьыс анделъяссӧ Енмыс вӧчӧ тӧвнырӧн, Ассьыс кесъялысьяссӧ – ыпъялан биӧн.

Еврейяслы 1:7 Referans Kwoze

Псалтыр 104:4

Корсьӧй Господьӧс да Сылысь вынсӧ, дугдывтӧг корсьӧй Сылысь чужӧмбансӧ.

Еврейяслы 1:14

Анделъяс – кесъялысь ловъяс. Енмыс мӧдӧдӧ анделъясӧс кесъявны налы, кодъяслы вичмӧ мездмӧмыс.

Ӧксыяслӧн 4 небӧг 6:17

Сэсся Елисей кевмысис: «Господьӧй, восьт менам кесйӧглысь синсӧ, мед сійӧ аддзас». Господь восьтіс кесйӧглысь синсӧ, и мӧдыс аддзис, мый Елисей гӧгӧр керӧс пасьтала сулалӧны биа вӧвъяс да тарантасъяс.

Ӧксыяслӧн 4 небӧг 2:11

Мунігмозныс Илля да Елисей сёрнитісны ас костаныс. Виччысьтӧг тыдовтчисны биа тарантаса вӧвъяс да торйӧдісны найӧс. Тӧвныр кыпӧдіс Илляӧс енэжӧ.

Закар 6:5

Андел вочавидзис: «Тайӧ – енэжыслӧн нёль тӧв. Найӧ петӧны Господьсянь, коді ыджыдалӧ став му вылас».

Даниил 7:10

Сы дінысь петіс-визувтіс биӧн ыпъялысь ю, Сылы кесъялісны сюрсъясӧн, Сы водзын сулалісны лыдтӧм-тшӧттӧм йӧз. Ёрдысьяс пуксисны, и воссисны небӧгъяс.

Исай 6:2

Сы дінын сулалісны серафимъяс. Налӧн быдӧнлӧн вӧлі квайт борд. Кык борднас найӧ вевттисны чужӧмнысӧ, мӧд кык борднас – кокнысӧ, и нӧшта кык борднас лэбалісны.

Олӧм 3:24

Мортӧс вӧтлӧм бӧрын Ен сувтӧдіс Эдэм сад йӧр асыввылӧ херувимъясӧс да бергалысь биа шыпурт, медым видзны туйсӧ олӧмыслӧн пу дінӧ.

Ӧксыяслӧн 3 небӧг 22:19

Микей водзӧ висьталіс: «[Тадзисӧ ог ме висьтав.] Кывзӧй Господьлысь кывсӧ! Ме аддзылі Господьӧс, Сійӧ пукаліс Аслас юралан пуклӧсын. Сыкӧд орччӧн шуйгаладорас и веськыдладорас сулалісны енэжвывса тышкакотыръяс.