Эсфир 9:17 - Коми Библия 2023

¹⁷ Тайӧ вӧлі адар тӧлысьлӧн дас коймӧд лунӧ. Дас нёльӧд луннас найӧ шойччисны – гажӧдчисны да нимкодясисны.

Эсфир 9:17 Referans Kwoze

Эсфир 9:1

Дас кыкӧд адар тӧлысьлӧн дас коймӧд лунӧ воис кад збыльмӧдны ӧксылысь тшӧктӧмсӧ. Иудейясӧс мустӧмтысьяс лача кутісны, мый дзик сійӧ лунӧ вермасны найӧс. Но артмис мӧдарӧ – иудейяс вермисны мустӧмтысьяснысӧ.

Эсфир 9:21

Сійӧ тшӧктіс налы быд во адар тӧлысьӧ пасйыны дас нёльӧд да дас витӧд лунъяс.

Эсфир 9:18

А Суза карын олысь иудейяс чукӧртчылісны дорйыны асьнысӧ дас коймӧд и дас нёльӧд лунъясӧ, а дас витӧд луннас найӧ шойччисны – гажӧдчисны да нимкодясисны.

Эсфир 8:9

Коймӧд сиван тӧлысьлӧн кызь коймӧд лунӧ чукӧртісны ӧксылысь гижалысьясӧс. Мардокейлысь тшӧктӧмсӧ гижисны иудейяслы, ыджыдалысьяслы, сатрапъяслы да ӧксыув муясын юралысьяслы Индиясянь Эфиопияӧдз, сё кызь сизим муӧ – быдлаӧ сэні олысьяслӧн шыпасъясӧн да быд войтырлӧн чужан кыв вылын. Иудейяслы тшӧтш гижисны налӧн шыпасъясӧн да налӧн кыв вылын.

Эсфир 3:12

Медводдза тӧлысьлӧн дас коймӧд лунӧ чукӧртісны ӧксылысь гижалысьясӧс. Аманлысь тшӧктӧмсӧ найӧ гижисны ӧксылӧн сатрапъяслы, [Индиясянь Эфиопияӧдз сё кызь сизим] ӧксыув муын юралысьяслы да войтыръяслӧн веськӧдлысьяслы. Гижӧдсӧ дасьтісны ӧксыув муясын олысьяслӧн шыпасъясӧн да быд войтырлӧн чужан кыв вылын. Сійӧс вӧлі гижӧма Артаксеркс ӧксы нимсянь да вынсьӧдӧма ӧксылӧн чунькытш пасӧн.