Эсфир 6:3 - Коми Библия 2023

³ Ӧксы юаліс: «Кутшӧм ногӧн донъялӧма-нимӧдӧма Мардокейӧс таысь?» Ӧксы бердын кесъялысьяс вочавидзисны: «Кольӧма донъявтӧг».

Эсфир 6:3 Referans Kwoze

Еклесиаст 9:15

Сійӧ карас оліс гӧль, но мывкыд морт. Аслас мывкыдлунӧн сійӧ мездіс карсӧ, но бӧрыннас ставныс вунӧдісны тайӧ гӧль мортсӧ.

Олӧм 40:23

Но медыджыд вина кисьталысь вунӧдіс Ӧсипӧс.

Даниил 5:29

Та бӧрти Валтасарлӧн тшӧктӧм серти Даниилӧс пасьтӧдісны пемыдгӧрд паськӧмӧ, сьыліас ӧшӧдісны зарни чеп да юӧртісны, мый сійӧ лоӧ тайӧ муас чин серти коймӧд юралысьӧн.

Даниил 5:16

Но тэ йылысь ме кывлі, мый тэ верман гӧгӧрвоӧдны вӧтъяс да сьӧкыдлунъяс дырйи разьны гӧрӧдъяс. Тэ кӧ верман лыддьыны тайӧ гижӧмасӧ да гӧгӧрвоӧдны сійӧс, тэнӧ пасьтӧдасны пемыдгӧрд паськӧмӧ, сьыліад ӧшӧдасны зарни чеп, и тэ лоан менам муын чин серти коймӧд юралысьӧн».

Даниил 5:7

Ӧксы гораа горӧдіс, медым вайӧдісны сы дінӧ кимӧститчысьясӧс, калдеяса мывкыд йӧзӧс да пемӧс мускӧн тунасьысьясӧс. Сійӧ шуис вавилонса тӧдысь-туналысьяслы: «Коді лыддяс да гӧгӧрвоӧдас стенмӧ гижӧмасӧ, сійӧс пасьтӧдасны пемыдгӧрд паськӧмӧ, сьыліас ӧшӧдасны зарни чеп, и сійӧ лоӧ менам муын чин серти коймӧд юралысьӧн».

1 Каднебӧг 11:6

Саруялӧн Йоав пиыс медводдзаӧн пырис изкарӧ да лои тышкайӧзлӧн юралысьӧн, ӧд Давид шуліс: «Коді медводдзаӧн виас евуссаӧс, лоас тышкайӧзлӧн юралысьӧн».

Эсфир 6:2

аддзисны сэтысь пасйӧд: Мардокей, вӧлӧм, юӧртлӧма, мый Бигтан да Тереш евнукъяс, кодъяс видзисны ӧксылысь вежӧсъяс, кӧсйӧмаӧсь вины Артаксеркс ӧксыӧс.

Эсфир 6:4

[Кор ӧксы вӧлі юасьӧ Мардокейлӧн бур вӧчӧм йылысь, йӧрӧ пырис Аман.] Ӧксы юаліс: «Коді сэні йӧрас?» Ӧксы керкалӧн ортсы йӧрӧ вӧлі локтӧма Аман сёрнитны ӧксыкӧд, медым ӧшӧдны Мардокейӧс пу сюръя вылӧ, мый Аман сувтӧдіс сылы.