Еремей 8:8 - Коми Библия 2023

⁸ Ті шуаннныд, ми пӧ мывкыда йӧз, миян пӧ эм Господьлӧн Индӧдыс. Но, збыльвылас, Индӧдӧ велӧдысьяс Индӧдсӧ гижигӧн бергӧдісны сійӧс ылӧгас.

Еремей 8:8 Referans Kwoze

Иоан 9:41

Исус вочавидзис: «Вӧлінныд кӧ ті синтӧмӧсь, сэки эськӧ энӧ мыжмӧй. Но ті шуанныд, аддзам пӧ, сідзкӧ, мыжныд ас выланыд кольӧ».

Римӧ 1:22

Асьнысӧ мывкыдаӧн шуигӧн вежӧртӧмъясӧ пӧрины.

Матвей 15:6

тайӧн оз торк найӧс пыдди пуктӧмсӧ. Батьяслӧн шуӧм вӧсна ті вештанныд Енлысь тшӧктӧмсӧ.

Иов 12:20

пыдди пуктана йӧзлысь вомсӧ тупкӧ, юрнуӧдысьяслысь вежӧрсӧ босьтӧ,

Осий 8:12

Ме гижи сылы унасьыс-уна тшӧктӧм, но сійӧ ковтӧмӧн лыддис найӧс.

Шусьӧгъяс 17:6

Пӧрысьыдлӧн юркытшыс – ныв-пиыслӧн ныв-пиыс, ныв-пиыдлӧн ошйысянторйыс – бать-мамыс. [Эскысьлӧн уна озырлун, эскытӧмлӧн нинӧм абу.]

Иов 11:12

Вежӧртӧм морт вежӧрсялас, кор вӧлявывса осёл пӧрас мортӧ.

Еремей 4:22

– Менам войтырӧй мывкыдтӧм, Менӧ найӧ оз тӧдны. Найӧ мывкыдтӧм челядь кодьӧсь, нинӧм оз вежӧртны, лёксӧ вӧчны сюсьӧсь, а бурсӧ вӧчны оз кужны.

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

Еремей 19:7

Тані Ме бырӧда Иуда войтырлысь да Ерусалимын олысьяслысь кӧсйӧмсӧ. Ме сета найӧс вӧрӧглӧн шыпурт улӧ, и найӧ куласны налысь олӧмсӧ босьтны кӧсйысьяслӧн ки помысь. Налысь шойяссӧ Ме шыбита кырныш-варышлы да зверъяслы.

Исай 43:27

Тэнад батьыд мыж вӧчис, тэнад веськӧдлысьясыд Меным паныд кыпӧдчисны.

Еремей 2:8

Попъяс эз корсьны Господьӧс, Индӧдӧ велӧдысьяс эз тӧдны Менӧ, Менсьым войтырӧс видзысьяс кыпӧдчисны Меным паныд, пророкъяс пророкалісны Ваал нимсянь. Найӧ ставныс юрбитісны идолъяслы, кодъяс отсавны оз вермыны.

Еремей 48:14

Ті шуанныд: «Ми вына тышкайӧз, дасьӧсь петны тышӧ!»