Еремей 8:13 - Коми Библия 2023

¹³ Виноградӧс моз Ме чукӧрта найӧс, медым мӧдӧдны пленӧ, – висьталӧ Господь, – вожъяс вылас оз коль весиг ӧти тусь, инжир пу вылын оз коль вотӧсыс, коръясыс косьмасны. Ставсӧ, мый Ме сеті налы, лоӧ мырддьӧма.

Еремей 8:13 Referans Kwoze

Матвей 21:19

Туй дорсьыс Сійӧ аддзис инжир пу. Матыстчис да аддзис сы вылысь сӧмын коръяссӧ. Исус шуис пуыслы: «Пыр кежлӧ вотӧстӧг колян». Инжир пуыс пырысь-пыр косьмис.

Йоиль 1:7

Сійӧ бырӧдіс Менсьым виноград пуӧс, йирис Менсьым инжир пуӧс, сылысь кырсьсӧ чашйис да шыбитіс, колины сӧмын кульӧм вожъяс.

Еремей 17:8

Сійӧ лоӧ ва дорын быдмысь пу кодь, визув ю дорӧ вужъясьӧм пу кодь, сійӧ оз пов шонді пӧжӧмысь, сылӧн коръясыс пыр вежӧсь, зэртӧм кадӧ сійӧ оз майшась, оз дугды вайны вотӧс.

Яков 1:11

Шонді петас, пӧжас да косьтас турунсӧ. Дзоридзыс сылӧн усьӧ, мичлуныс бырӧ. Дзик тадзи кусӧ озыр мортлӧн мырсян-пессян олӧмыс.

Аггей 2:17

Сотысь тӧвруӧн, висьӧмӧн да шерӧн Ме бырӧдлі тіян видз-му вылысь няньнытӧ да став быдтаснытӧ, но ті энӧ бергӧдчӧй Ме дінӧ, – висьталӧ Господь.

Аггей 1:11

Ме мӧдӧді зэртӧм кад му вылӧ, керӧсъяс да кӧдзасъяс вылӧ, виноград да олив пуяс вылӧ, мувывса став быдтас вылӧ, йӧз вылӧ да ыж-мӧс вылӧ, видз-му уджъяс вылӧ.

Аввакум 3:17

Весиг кӧ инжир оз понды дзоридзавны, виноград оз сет вотӧссӧ, олив оз гӧрддзась, кӧдзӧм му вылын оз во нянь, гидын оз ло ыж-мӧс,

Еремей 5:17

Найӧ сёясны тэнсьыд кӧдзастӧ и няньтӧ, виасны тэнсьыд пиянтӧ и нывъястӧ, сёясны тэнсьыд ыжъястӧ и ӧшъястӧ, виноградтӧ и инжиртӧ. Шыпуртӧн найӧ бырӧдасны изкаръяснытӧ, мый вылӧ ті лача кутанныд.

Исай 5:10

Дас виноград йӧр сетас сӧмын ӧти бӧчка вина, мешӧк тыр кӧдзӧм кӧйдыс сетас сӧмын куд тыр нянь.

Левит 26:20

Весьшӧрӧ вынтӧ пуктанныд, ӧд муныд оз сет быдтассӧ, пуясныд оз сетны тіянлы вотӧссӧ.

Еремей 7:20

Та вӧсна Господь Ыджыдыс тадзи висьталӧ: Менам скӧрлунӧй да ярлунӧй киссяс тайӧ местаыс вылӧ, йӧз и ыж-мӧс вылӧ, пуяс и быдтас-вотӧс вылӧ. Менам скӧрлунӧй ыпнитас и оз кус.

Еремей 14:12

Весиг кӧ найӧ кутасны видзавны, Ме ог кыв налысь кевмӧмсӧ. Весиг кӧ найӧ ваясны сотан вись да нянь вись, Ме ог сибӧд найӧс. Ме бырӧда найӧс шыпуртӧн, тшыгъялӧмӧн да пӧрӧс висьӧмӧн».

Осий 2:12

Бырӧда сылысь виноград да инжир пуяссӧ, мый йылысь сійӧ шуліс, тайӧн пӧ мусукъясӧй мынтысьлісны меным. Ме лэдза вӧрсявны сад йӧръясыслы, зверъяс куштасны-сёясны сэтысь ставсӧ.

Еремей 14:15

Та вӧсна тайӧ пророкъясыс йылысь Господь тадзи висьталӧ: найӧ пророкалӧны Менам нимсянь, но Ме эг мӧдӧдлы найӧс. Найӧ шуалӧны, мый тайӧ муас оз ло тыш ни тшыгъялӧм, но найӧ асьныс куласны шыпурт да тшыгъялӧм помысь.

Езекиль 22:31

Та вӧсна ме кисьта Ассьым скӧрлунӧс на вылӧ да Аслам ярлуна биӧн бырӧда найӧс. Ме мынтыся налы олан туйныс серти, – висьталӧ Господь Ыджыдыс».

Малакий 3:11

Ме ог лэдз гагъяслы сёйны быдмӧгъяснытӧ, тіян виноградныд ӧтитӧг вотӧсалас, – висьталӧ Господь Саваоф. –