2 Ме бырӧда Сион нылӧс, мича да ляб карӧс.
Ме кыла гӧлӧс шы, сійӧ чужтысь аньлӧн гӧлӧс шы кодь, медводдза кагасӧ сьӧкыда чужтысьлӧн горзӧм шы кодь. Тайӧ – Сион нывлӧн гӧлӧс шыыс. Кисӧ нюжӧдӧмӧн сійӧ сьӧкыда ойзӧ: «Курыд шог меным! Виавны локтысьяс водзын ме вынтӧм».
Сион ныв ӧткӧн сулалӧ виноград йӧрса чом моз, град йӧрса лэбув моз, кытшалӧм кар моз.
Мый меным шуны тэныд, Ерусалим нылӧй, мыйӧн ӧткодявны тэнӧ? Кодкӧд ӧткодявны тэнӧ, Сион нылӧй, медым бурӧдны тэнӧ? Тэнад дойыд саридз кодь ыджыд – коді вермас бурдӧдны тэнӧ?
Кымӧрӧн моз скӧрлуннас Господь вевттис Сион нылӧс! Енэжсянь му вылӧ Сійӧ шыбитіс Израильлысь ошйысянторсӧ, Аслас скӧралан лунӧ эновтіс Ассьыс кокувсӧ.
Весиг небыд сьӧлӧма да лелькуйтӧм ань, коді кокнас му вылӧ эз тувччыв, кутас лӧгпырысь видзӧдны аслас верӧсыс вылӧ да ныв-пиыс вылӧ,
Водзынсӧ чӧскыда сёйысьяс ӧні тшыгъялӧны туйяс вылын, водзынсӧ мичаа пасьтасьысьяс ӧні гудйысьӧны лӧп чукӧрын.
