Еремей 52:25 - Коми Библия 2023

²⁵ Карсьыс босьтіс ыджыд чина мортӧс, коді кывкутіс тышкайӧз вӧсна, босьтіс ӧксылысь сизим туйдӧдысьӧс, кодъяс вӧлі кольӧмаӧсь на карас, тшӧтш тышкайӧзлӧн юралысьлысь гижалысьсӧ, коді пасъяліс небӧгӧ тышӧ мунысьясӧс. Нӧшта Навузардан босьтіс карсьыс квайтымын мортӧс, кодъяс шедісны сы киӧ.

Еремей 52:25 Referans Kwoze

Ӧксыяслӧн 4 небӧг 25:19

Карсьыс босьтіс ыджыд чина мортӧс, коді кывкутіс тышкайӧз вӧсна, босьтіс ӧксылысь вит туйдӧдысьӧс, кодъяс вӧлі кольӧмаӧсь на карас, тшӧтш тышкайӧзлӧн юралысьлысь гижалысьсӧ, коді пасъяліс небӧгӧ тышӧ мунысьясӧс. Нӧшта Навузардан босьтіс карсьыс квайтымын мортӧс, кодъяс шедісны сы киӧ.

Эсфир 1:14

На пӧвстысь медматысса йӧзӧн ӧксылы вӧліны Каршен, Шефар, Адмаф, Фарсис, Мерес, Марсен да Мемукан. Тайӧ сизим мортыс вӧліны персияса да мидияса юралысьяс, ӧксылӧн медтӧдчана йӧзыс, кодъяс быд кадӧ вермисны локны ӧксы дінӧ.

Матвей 18:10

«Кывзӧй, тайӧ ичӧтъясысь весиг ӧтикӧс энӧ ӧтдортӧй. Висьтала тіянлы: енэжын налӧн анделъясныс век енэжвыв Батьлӧн чужӧмбан водзынӧсь.

Еремей 36:10

Господьлӧн крамын, Гемарийлӧн вежӧс бердын, Барук лыддис став войтырыслы гижӧд тубрасысь Еремейлысь кывъяссӧ. Гемарий вӧлі ӧксылӧн гижалысь Шафанлӧн пи. Гемарийлӧн вежӧсыс вӧлі крамбердса вылыс йӧрын, крамӧ пыран выль дзиръя дорын.