Biblia Todo Logo
Bib sou entènèt

- Piblisite -




Еремей 51:5 - Коми Библия 2023

5 Калдея войтыр мыжа Израильлӧн вежа Ен водзын, налӧн муыс тырӧма мыжӧн, но Израиль да Иуда войтыръясӧс Господь Саваоф, налӧн Енмыс, эз эновт.

Gade chapit la Kopi




Еремей 51:5
37 Referans Kwoze  

Сійӧ лунӧ Господь доръяс Ерусалимын олысьясӧс, и жебъяс лоӧны Давид кодь вынаӧсь. Ерусалимын олысьяслы Давидлӧн рӧдыс лоӧ Ен кодьӧн, Господьлӧн андел кодьӧн.


Сійӧ лунӧ Ме вӧча иудаса юралысьясӧс вӧрын ыпъялысь биӧн да кольтаяс костын ӧзтӧм бипурӧн. Найӧ бырӧдасны став войтыръяссӧ Ерусалим гӧгӧрысь – шуйгаладорсьыс и веськыдладорсьыс. А Ерусалимын олысьяс кольччасны овны асланыс карӧ».


– Израиль войтыр, кывзӧй Господьлысь кывсӧ! Господь мыжалӧ тайӧ муас олысьясӧс, ӧд збыльсӧ найӧ бокӧ вештісны, кывнысӧ вуджисны, Енсӧ оз тӧдны.


Вежа муын Господь вӧчас Иудаӧс Аслас войтырӧн, бара бӧръяс Аслыс Ерусалим кар.


Яковлы сетӧм кывтӧ Тэ кутан, Тэ бур сьӧлӧма Ӧвраам дінӧ. Та йылысь Тэ водзысяньыс кыв сетін миян батьяслы.


Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.


– Израиль войтырлӧн лыдыс лоӧ саридздор лыа мында, найӧс некод оз вермы лыддьыны-артавны. Кӧні вӧлі шуӧма налы: «Ті абу Менам войтыр», сэні налы шуасны: «Ті – ловъя Енлӧн ныв-пи».


Господь шуис меным: «Израиль войтырлӧн да Иуда войтырлӧн мыжыс вывті ыджыд. Тайӧ муыс тырӧма вирӧн, и тайӧ карас веськыда мыждӧмыс абу. Йӧзыс шуӧны, Господь пӧ эновтӧма тайӧ мусӧ, Господь пӧ оз аддзы.


Сійӧ шуис меным: «Аддзан-ӧ, морт пиӧй? Иуда войтырлы оз ӧмӧй тырмы зывӧк вӧчӧмыс? Виалӧм-дзескӧдӧмнас найӧ тыртісны мусӧ да ӧтарӧ скӧрмӧдӧны Менӧ, кор Меным ныр улӧ пуктӧны пу вожъяс.


Сійӧ лунъясас, сійӧ кадас, – висьталӧ Господь, – кутасны корсьны Израиль войтырлысь лёк вӧчӧмъяссӧ, но весьшӧрӧ, кутасны корсьны Иуда войтырлысь мыжъяссӧ, но оз аддзыны, ӧд Ме прӧстита найӧс, кодъясӧс ловйӧн коля.


Эн пов, Менам Яков кесйӧгӧй, – висьталӧ Господь, – Ме тэкӧд! Ме бырӧда став войтыръяссӧ, кодъяс пӧвстӧ разӧді тэнӧ. Тэнӧ Ме ог бырӧд, но мыжда тэнӧ веськыдлунӧй серти, мыждытӧг тэнӧ ог коль.


Господь тадзи висьталӧ: – Выліын енэжсӧ он вермы муртавны, уліын муюгыдлысь подувсӧ он вермы туявны, тадзи жӧ Ме ог вермы ӧтдортны Израиль войтырӧс сыысь, мый найӧ вӧчисны, – висьталӧ Господь.


Господь Саваоф ерусалимса пророкъяс йылысь тадзи висьталӧ: Ме верда найӧс курыд быдмӧгӧн, юктӧда найӧс яд сора ваӧн, ӧд ерусалимса пророкъяссянь пежыс паськаліс став тайӧ му пасьталаыс.


Ерусалимын олысьяс эновтісны Менӧ, пежалісны тайӧ ковтыссӧ, сотӧны тані висьяс мукӧд енъяслы, кодъясӧс эз тӧдлыны ни найӧ, ни налӧн батьясныс, ни иудаса ӧксыяс. Найӧ тыртісны тайӧ ковтыссӧ мыжтӧм йӧзлӧн вирӧн.


Налӧн мыжъясысь да лёк вӧчӧмъясысь Ме кык пӧвстӧн налысь водзӧс перъя, перъя сыысь, мый найӧ пежалісны Менсьым муӧс зывӧк идолъяснаныс, тыртісны пежторъяснаныс».


Найӧс шуасны Вежа войтырӧн, Господьлӧн мездмӧм йӧзӧн, а тэнӧ шуасны Мусаӧн, Карӧн, мый оз ло эновтӧма.


Эн вунӧд, Яков, эн вунӧд, Израиль, мый тэ – Менам кесйӧг, Ме вӧчи тэнӧ. Тэ – Менам кесйӧг, Израиль, эн вунӧд Менӧ.


Ми – кесйӧг туйынӧсь, но миян Енным эз коль миянӧс. Сійӧ бергӧдіс миянлань персияса ӧксыяслысь сьӧлӧмнысӧ, медым найӧ лэдзисны миянлы сувтны кок йыланым, лэптыны миян Енлысь крамсӧ да повтӧг овны Иуда муын да Ерусалимын.


Аслас ыджыд нимыс вӧсна Господь оз коль тіянӧс, Ассьыс войтырсӧ. Господь бӧрйис тіянӧс, мед ті вӧлінныд Сылӧн войтырӧн.


Манассей кежӧдіс Иуда войтырӧс мыжас, и найӧ вӧчисны Господь водзын шогмытӧмсӧ. Тайӧ мыжсьыс ӧтдор Манассей кисьтіс мыжтӧм йӧзлысь вирсӧ сы мында, мый Ерусалим помсянь помӧдзыс тырис вирӧн.


Ме ог эновт Ассьым Израиль войтырӧс, но пыр кута овны на пӧвстын».


Сетӧм кывнысӧ торкӧны, пӧръясьӧны, виӧны да гусясьӧны, гозъякост олӧм пежалӧны, вир кисьтӧмлы помыс абу.


Ме – Господь, тэнад Енмыд, Ме гызьӧда саридзсӧ, и гыясыс ыджыд шыӧн кутасны бузгыны. Менам нимӧй – Господь Саваоф.


Мыйла Тэ шӧйӧвошӧм морт кодь, мездыны вермытӧм вына тышкаморт кодь? Но Тэ, Господьӧй, миян пӧвстын, миянӧс сиӧма Тэныд, эн эновт миянӧс!


– Господьӧй, Тэ ӧмӧй дзикӧдз ӧтдортін Иудаӧс? Тэ ӧмӧй мустӧмтан Сионӧс? Мыйла Тэ сэтшӧма дойдалін миянӧс, мый огӧ вермӧй бурднысӧ? Ми виччысим лӧнь олӧм, но нинӧм бурыс эз ло миянлы. Ми виччысим бурдӧм, но воис повзьӧдан кад.


Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.


Вокъясныдлы шуӧй, мый найӧ Менам войтыр, чойясныдлы, мый найӧс буралӧма.


Оз кӧ, Ме сійӧс кушӧдз пӧрччӧда, пузчужӧм кагаӧс моз пасьтӧгыс коля. Ме вӧча сійӧс овтӧминӧн, вӧча сійӧс кос муӧн, горш косьмӧмысла сійӧ кулас.


Swiv nou:

Piblisite


Piblisite