Еремей 51:38 - Коми Библия 2023

³⁸ Вавилонсаяс пондасны лев моз равзыны, левпиян моз эргыны.

Еремей 51:38 Referans Kwoze

Еремей 2:15

Том левъяс эргӧны сы вылӧ, кылӧ налӧн равзӧм шыыс. Израиль мусӧ найӧ вӧчисны овтӧминӧн, сылысь каръяссӧ пазӧдісны, сэні эз коль олысьыс.

Закар 11:3

Кылӧ ыж видзысьяслӧн бӧрдӧм, ӧд налысь йирсянінъяссӧ бырӧдӧма. Кылӧ левъяслӧн равзӧм, ӧд Йӧрдан ю бокысь вӧрсӧ куштӧма.

Исай 35:9

Сэні оз паныдась лев, звер оз тыдовтчы сэні. Сэті ветлӧны сӧмын мездмӧмаяс.

Псалтыр 58:6

Господьӧй, Ен Саваоф, Тэ Израильлӧн Ен, кыпӧдчы мыждыны войтыръясӧс, эн жалит лёк вӧчысьясӧс.

Псалтыр 34:10

Став менам лыясӧй шуӧны: «Господьӧй, Тэ кодь мӧдыс абу. Жебӧс Тэ мездан вынаысь, гӧльӧс да коньӧрӧс – сійӧс нартитысьысь».

Ёрдысьяс 16:20

Далида шуис: «Самсон, филистимсаяс локтӧны!» Самсон садьмис. Сійӧ мӧвпыштіс, мый воддза мозыс мынтӧдчас наысь. Но сійӧ эз тӧд, мый Господь эновтіс сійӧс.

Ӧксыяслӧн 2 небӧг 17:8

Тэ ӧд тӧдан ассьыд батьтӧ да сылысь йӧзсӧ. Найӧ повтӧмӧсь да зэв скӧрӧсь, ошпиянсӧ воштӧм ош кодьӧсь [да видз вылын шӧйтысь скӧр кабан кодьӧсь]. Тэнад батьыд зэв сюсь веськӧдлысь, сійӧ оз ӧтилаын кут узьлыны аслас тышкайӧзкӧд.

Исай 5:29

Найӧ равзӧны лев моз, эргӧны том левъяс моз, кыйдӧссӧ кватитӧны равӧстӧмӧн, пышйӧдӧны, и некод оз вермы налысь мырддьыны.