Еремей 51:36 - Коми Библия 2023

³⁶ Та вӧсна Господь тадзи висьталӧ: – Ерусалимын олысьяс, Ме доръя тіянӧс, водзӧс перъя тіян вӧсна, Ме косьта вавилонсаяслысь юяссӧ, косьта налысь ва петанінъяссӧ.

Еремей 51:36 Referans Kwoze

Римӧ 12:19

Мусаяс, энӧ перйӧй водзӧс ас вӧснаныд, сетӧй тайӧс вӧчны Енлӧн скӧрлунлы. Ӧд гижӧма: «Ме водзӧс перъя, Ме мынтыся, – висьталӧ Господь. –

Еремей 50:38

Юясыс косьмасны, ваыс бырас, ӧд Вавилон – идолъяслӧн му. Идолъяс вӧсна сэні олысьяс вежӧрнысӧ воштӧмаӧсь.

Исай 44:27

Джуджыд саридзлы Ме тшӧкта косьмыны, Ме косьта сылысь юяссӧ.

Индӧд 32:43

[Нимкодясьӧй, енэжъяс, Господькӧд ӧтвылысь, Енлӧн став анделыс, копыртчылӧй Сылы!] Нимкодясьӧй, войтыръяс, Сылӧн войтыркӧд [ёнмӧдчӧй, Енлӧн пиян]! Сійӧ водзӧс перъяс Сылы паныд сувтысьяслысь, мынтысяс налы Аслас кесъялысьяслысь вирсӧ кисьтӧмысь [мынтысяс Сійӧс мустӧмтысьяслы]. Господь сӧстӧммӧдас Ассьыс мусӧ, вештас войтырыслысь мыжсӧ.

Индӧд 32:35

Ме мынтыся, Ме перъя водзӧссӧ сійӧ лунӧ, кор налӧн кокныс лигышмунас. Ӧд найӧс бырӧдан луныс матын, регыд збыльмас налы дасьтӧмаыс.

Восьтӧм 16:12

Квайтӧд анделыс кисьтіс ассьыс чашасӧ ыджыд Ефрат юӧ, и ваыс сэтысь косьмис. Тадзи вӧлі дасьтӧма туйсӧ асыввывсянь локтысь ӧксыяслы.

Еремей 51:6

Пышйӧй Вавилонысь, видзӧй ассьыныд олӧмнытӧ, медым Вавилонлӧн мыжъяс вӧсна энӧ кулӧй, ӧд воис кад, кор Господь мынтысьӧ Вавилонлы, водзӧс перйӧ сылысь.

Исай 43:14

Господь, тіянӧс Мездысь, Израильлӧн вежа Ен, тадзи висьталӧ: – Тіян вӧсна Ме мӧдӧда Вавилонӧ тышкайӧзӧс, медым жугӧдны сэні став игансӧ. Калдея войтыр пышъясны корабльяс вылын, кӧні водзынджык гажӧдчисны.

Шусьӧгъяс 23:11

ӧд найӧс Дорйысьыс вына, Сійӧ доръяс найӧс, а тэныд паныд сувтас.

Шусьӧгъяс 22:23

Ӧд Господь сувтас сы дор, сійӧс дзескӧдӧм понда бырӧдас тэнӧ.

Исай 19:5

Саридзын ваыс ямас, юын ваыс чинас да косьмас.

Еремей 51:11

– Ёсьтӧй ньӧвъяснытӧ, тыртӧй наӧн ньӧвпуртӧснытӧ. Господь ышӧдіс мидияса ӧксыясӧс тыш вылӧ, ӧд Сійӧ шуис бырӧдны Вавилон. Господь водзӧс перйӧ Вавилонлысь, водзӧс перйӧ Аслас крамыс вӧсна.

Осий 13:15

Мед кӧ Ефрем аслас вокъяс пӧвстын вайӧ вотӧс, но петас асыв тӧв, овтӧминсянь пондас пӧльтны Господьлӧн тӧвнырыс, и Ефремлӧн юкмӧсыс кушмас, ва петаніныс косьмас. Сылысь озырлунсӧ петкӧдасны, став донаторсӧ мырддяласны.

Езекиль 25:14

Аслам Израиль войтыр отсӧгӧн Ме водзӧс перъя эдом войтырлысь. Найӧ вӧчасны эдом войтырлы Менам скӧрлун да ярлун серти. Сэки эдомсаяс тӧдмаласны Менсьым водзӧс перйӧмӧс, – висьталӧ Господь Ыджыдыс.