Еремей 51:34 - Коми Библия 2023

³⁴ – Вавилонса Навукодоносор ӧксы сёйис-йирис миянӧс, вӧчис Сионӧс куш дозйӧн. Гундыр моз сійӧ ньылыштіс миянӧс, чӧсмасис миянӧн да тыртіс ассьыс рушкусӧ, а коляссӧ быликтіс.

Еремей 51:34 Referans Kwoze

Еремей 50:17

Израиль войтыр разалӧм ыж чукӧр кодь, левъяс вӧтлісны сійӧс. Водзынджык сійӧс вильӧдіс ассурса ӧксы, сэсся вавилонса Навукодоносор ӧксы чегъяліс сылысь лыяссӧ.

Еремей 51:44

Ме мыжда вавилонсаяслысь Вил идолӧс, Ме перъя сылӧн вомысь ньылыштӧмасӧ, войтыръяс оз нин локны сы дінӧ. Вавилонса стенъяс киссясны.

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.

Иов 20:15

Озырлуныс, мый сійӧ ньылыштіс, воснас петас, Енмыс перъяс сійӧс кынӧм пытшсьыс.

Наум 2:2

Господь бӧр бергӧдас Яков рӧдлы нималӧмсӧ, бергӧдас Израиль войтырлы нималӧмсӧ, кӧть мырддялысьяс куштісны сійӧс, талялісны сылысь виноград йӧрсӧ.

Амос 8:4

Кывзӧй, гӧльясӧс талялысьяс да коньӧръясӧс дзескӧдысьяс!

Езекиль 36:3

Но тэ пророкав налы, мый Господь Ыджыдыс тадзи висьталӧ: тіянӧс куштӧма, и мукӧд войтыръяс быд боксянь кӧсйӧны босьтны тіянӧс аслыныс. Найӧ лёкӧдӧмӧн сёрнитӧны тіян йылысь.

Бӧрданкыв 2:16

Тэнӧ мустӧмтысьяс жеръялӧны тэ вылын, шутьлялӧны, пиньнысӧ йирӧмӧн шуалӧны: «Ми ньылыштім сійӧс! Ми ёна виччысим тайӧ лунсӧ, а ӧні аддзам сійӧс!»

Бӧрданкыв 1:1

Ӧтнас сулалӧ кар, а коркӧ вӧлі йӧзӧн тырӧма! Ӧні сійӧ дӧва кодь, а коркӧ вӧлі войтыръяс пӧвстын ыджыд. Сійӧ ыджыдаліс ӧксыув муяс вылын, а лои вот мынтӧм могысь уджалысьӧн.

Еремей 51:49

Кыдзи Вавилон пасьвартіс израильсаясӧс, и найӧ усисны, тадзи Вавилон муын усясны пасьвартӧмаяс.

Еремей 50:7

Накӧд паныдасьысьяс уськӧдчывлісны на вылӧ, найӧс мустӧмтысьяс шуавлісны, ми пӧ абу мыжаӧсь, ӧд найӧ мыж вӧчисны веськыдлуныслӧн оланінлы паныд да Господьлы паныд, код вылӧ батьясныс лача кутісны.

Исай 34:11

Сійӧ лоӧ пеликанъяслӧн да ёжъяслӧн оланінӧн, сэтчӧ овмӧдчасны сюзьяс да кырнышъяс. Господь мурталас сійӧс кӧвйӧн, веситас вескиӧн, медым вӧчны сійӧс кушӧн да мыгӧртӧмӧн.

Шусьӧгъяс 1:12

пыдӧстӧмин моз ньылыштам ловйӧн, ловъявывсьыс сійӧс гуалам.

Осий 8:8

Израильӧс ньылыштӧма! Войтыръяс пӧвстын ӧні сійӧ ковтӧм дозмук кодь.

Исай 42:22

Но тайӧ войтырсӧ куштӧма, налысь ставсӧ мырддьӧма. Найӧс ставнысӧ кӧрталӧма да шыбитӧма пемыд гуӧ, йӧртӧма дзескыдінӧ. Найӧ лоины тышын шедӧдӧмторйӧн, некод оз мезды найӧс, некод оз тшӧкты бӧр вайӧдны найӧс.